SS Rajamouli : ఆర్ఆర్ఆర్ సీన్ల‌ను లోతుగా చూస్తే ఎలా ఉంటుందో జ‌న‌ని పాట అలా ఉంటుంది : రాజమౌళి

RRR: ఇప్పుడు యావత్ ప్రపంచం మొత్తం రాజమౌళి సినిమా వైపే చూస్తుంది. బాహుబలి సినిమాతర్వాత తెలుగు సినిమా స్థాయి ప్రపంచానికి చాటి చెప్పారు జక్కన్న. ఇక ఇప్పుడు ఆర్ ఆర్ ఆర్ సినిమాతో మరోసారి ప్రేక్షకులను అలరించడానికి రెడీ అయ్యేరు.  ఇద్దరు స్టార్ హీరోలతో చేస్తున్న ప్రతిష్టాత్మక చిత్రం ఆర్ ఆర్ ఆర్. మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ కలిసి నటిస్తున్నారు. ఈ సినిమాలో చరణ్ అల్లూరి సీతారామరాజుగా నటిస్తుండగా.. తారక్ కొమురం భీమ్ గా కనిపించనున్నారు. ఇప్పటికే షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ పనులు జరుపుకుంటుంది. ఇప్పటికే ఈ సినిమానుంచి విడుదలైన టీజర్లు, గ్లిమ్ప్స్, పాటలు సోషల్ మీడియాను షేక్ చేస్తున్నాయి. ఈ నేపథ్యంలో తాజాగా ఈ సినిమానుంచి. జనని అనే పాటను విడుదల చేయనున్నారు. నవంబర్ 26న ఈ పాటను విడుదల చేయనున్నారు. ఈ సందర్భంగా జక్కన మీడియాతో మాట్లాడారు..

రాజమౌళి మాట్లాడుతూ.. సినిమా మొత్తానికి ఈ పాట ఆత్మ లాంటిది అని అన్నారు. ఈ పాట సినిమాలోని అన్ని సన్నివేశాలకు సంబంధించి ఉంటుంది అన్నారు. కీరవాణి గారు రెండు నెలలు రీరికార్డింగ్ చేసి ఈ పాటకు మ్యూజిక్ అందించారు. అలాగే తెలుగు లిరిక్స్ కూడా ఆయనే రాసారు అని అన్నారు రాజమౌళి. నెక్స్ట్ మంత్ ఫస్ట్ వీక్ లో ట్రైలర్ లాంచ్ ఉంటుందని అలాగే ఆ తర్వాత ప్రీరిలీజ్ ఈవెంట్ ఉంటుందని అన్నారు రాజమౌళి. త్వరలోనే ఈ సినిమాలోని నటీనటులు అందరు మీడియాతో మాట్లాడుతాం అన్నారు. హీరోల ఇంట్రడ‌క్ష‌న్ సీన్లు, ప్రీ క్లైమ్యాక్స్, క్లైమ్యాక్స్, యాక్షన సీక్వెన్స్ వంటివి బోలెడు ఉంటాయ‌ని తెలిపారు. వాట‌న్నింటినీ లోతుగా చూస్తే ఎలా ఉంటుందో.. ఎమోషన్ ఎలా ఉంటుందో చెప్పేలా జ‌న‌ని పాట ఉండేలా చూసుకున్నామ‌ని అన్నారు.

మరిన్ని ఇక్కడ చదవండి : 

Kangana Ranaut: తమ ముందు హాజరు కావాలని నటి కంగనా రనౌత్‌కు సమన్లు​జారీ చేసిన ఢిల్లీ అసెంబ్లీ శాంతి సామరస్య కమిటీ.. ఎందుకంటే..

Chiranjeevi: ఏపీ సర్కార్ నిర్ణయంపై మెగాస్టార్ చిరంజీవి ప్రశంసలు.. కొన్ని సూచనలు

Viral Photo: ఈ పాలబుగ్గల చిన్నారికి అభిమానుల్లో యమా క్రేజ్.. తెలుగునాట సూపర్ హిట్స్ అందుకుంది..