Samantha: ‘నేను మరింత దృఢంగా మారేందుకు నాకు ఇదో అవకాశం’.. వైరలవుతున్న సమంత లేటేస్ట్ వీడియో..
నిత్యం మోటివేషనల్ కోట్స్ షేర్ చేస్తూ అభిమానులతో టచ్లో ఉంటుంది. ఇటీవల ఆమె తన జిమ్ వర్కవుట్ వీడియోస్ షేర్ చేస్తూ ఫాలోవర్లకు మరింత ధైర్యం చెబుతుంది. తాజాగా మరో ఆసక్తికర వీడియో షేర్ చేసింది సామ్.
Updated on: Feb 17, 2023 | 8:02 AM
టాలీవుడ్ అగ్రకథానాయిక సమంత ఇప్పుడిప్పుడే మయోసైటిస్ సమస్య నుంచి కోలుకుంటుంది. కొన్ని నెలలుగా ఇంట్లోనే ఉండి చికిత్స తీసుకున్న సామ్.. ఇప్పుడు తదుపరి చిత్రాల షూటింగ్స్ లలో పాల్గొంటుంది. ప్రస్తుతం ఆమె సిటాడెల్ సిరీస్ చిత్రీకరణలో పాల్గొంటుంది. అలాగే మరికొద్ది రోజుల్లో ఖుషి సినిమా షూటింగ్ లో జాయిన్ కానుంది. ఓవైపు మయోసైటిస్ నుంచి పూర్తిగా కోలుకోనప్పటికీ నెక్ట్స్ ప్రాజెక్ట్స్ పై ఫోకస్ పెట్టింది సామ్. అంతేకాకుండా సోషల్ మీడియాలోనూ ఫుల్ యాక్టివ్గా ఉంటుంది సమంత. నిత్యం మోటివేషనల్ కోట్స్ షేర్ చేస్తూ అభిమానులతో టచ్లో ఉంటుంది. ఇటీవల ఆమె తన జిమ్ వర్కవుట్ వీడియోస్ షేర్ చేస్తూ ఫాలోవర్లకు మరింత ధైర్యం చెబుతుంది. తాజాగా మరో ఆసక్తికర వీడియో షేర్ చేసింది సామ్.
తనను తాను మరింత దృఢంగా మార్చుకునేందుకు ఈ ఏడాది తనకు సరైన అవకాశం అంటూ ఒంటి కాలిపై లేచి నిలబడేందుకు ప్రయత్నిస్తున్న వీడియోను షేర్ చేసింది. చూసేందుకు చాలా సులభంగా ఉంది. కానీ అంత ఈజీ కాదు.. మీరు ట్రై చేయండి. అంటూ క్యాప్షన్ ఇచ్చింది. సామ్ చేసిన పోస్ట్ ఇప్పుడు సోషల్ మీడియాలో తెగ వైరలవుతుంది. ఆమెకు అభిమానులు ధైర్యం చెబుతూ కామెంట్స్ చేస్తున్నారు. మీరు ఎప్పటికంటే మరింత బలంగా ఉండాలి.. సామ్ ఈజ్ బ్యాక్ అంటూ కామెంట్ చేస్తున్నారు.
ఇటీవల జిమ్ పిక్ షేర్ చేస్తూ.. మయోసైటిస్ సమస్యకు తాను ఇంట్రావీనస్ ఇమ్యునోగ్లోబులిన్ థెరపీ (ఐవీఐజీ) తీసుకుంటున్నట్లుగా చెప్పుకొచ్చింది. అలాగే ప్రస్తుతం ఆమె చేతిలో రెండు మూడు చిత్రాలున్నాయి. అలాగే డైరెక్టర్ గుణశేఖర్ దర్శకత్వంలో సామ్ నటించిన శాకుంతలం సినిమా ఏప్రిల్ 14న ప్రేక్షకుల ముందుకు రానుంది. ఇందులో ప్రకాష్ రాజ్, అల్లు అర్హ, దేవ్ మోహన్ కీలకపాత్రలలో నటించారు.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
