Samantha: ఆ విషయంలో దేశంలోనే నెంబర్ వన్‍గా సమంత.. బాలీవుడ్ హీరోయిన్లకు వెనక్కునెట్టిన సామ్..

ఏమాయ చేసావే అంటూ తెలుగు ప్రేక్షకులకు పరిచయమైంది హీరోయిన్ సమంత (Samantha). మొదటి సినిమాతోనే ఇండస్ట్రీలో మంచి గుర్తింపు తెచ్చుకున్న ఈ ముద్దుగుమ్మ.. ఆ తర్వాత ఎన్నో సూపర్ హిట్ చిత్రాల్లో నటించి మెప్పించింది. బృందావనం, ఈగ, దూకుడు, అత్తారింటికి దారేది, మహానటి సినిమాల్లో నటించి తెలుగులో టాప్ హీరోయిన్‏గా దూసుకుపోయింది. ఇక అక్కినేని నాగచైతన్యతో ప్రేమ, పెళ్లి, విడాకుల అనంతరం సామ్ పేరు సోషల్ మీడియాలో తెగ ట్రెండ్ అయ్యింది. విడాకుల ప్రకటన అనంతరం ఆమె షేర్ చేసే ప్రతి పోస్ట్ పట్ల ఆసక్తి చూపిస్తున్నారు. ఫ్యామిలీ మ్యాన్ 2 సిరీస్‏తో పాన్ ఇండియా స్టార్‏గా మారిన సామ్.. పుష్పలో స్పెషల్ సాంగ్‏తో బాక్సాఫీస్‏ను షేక్ చేసింది. కిల్లింగ్ ఎక్స్‏ప్రెషన్స్, మాస్ డాన్స్‏తో కుర్రకారు మతిపోగొట్టింది. ఇక ఇప్పుడు బాలీవుడ్, హాలీవుడ్ ఎంట్రీ ఇస్తున్న సమంత..తాజాగా ఓ అరుదైన గౌరవం అందుకుంది. దేశంలోనే మోస్ట్ పాపులర్ ఫీమేల్ స్టార్‏గా నిలిచింది.

ప్రముఖ మీడియా సంస్థ ormax india నిర్వహించిన సర్వేలో జూలై నెలకు సంబంధించి దేశంలోనే మోస్ట్ పాపులర్ ఫీమేల్ స్టార్ ఎవరు ? అని ఒక సర్వే నిర్వహించింది. అయితే ఎప్పుడూ ఈ సర్వేలో బాలీవుడ్ స్టార్ హీరోయిన్స్ ముందుంటారు. కానీ ఈసారి వారందరిని వెనక్కి నెట్టి దేశంలోనే మోస్ట్ పాపులర్ ఫీమేల్ స్టార్ గా నిలిచింది సమంత. ఇక సామ్ తర్వాత అలియా భట్, నయనతార, కాజల్ అగర్వాల్, దీపికా పదుకొనే, కీర్తి సురేష్, పూజా హెగ్డే, రష్మిక, కత్రినా కైఫ్, కియారా అద్వానీ తదితరులున్నారు. ప్రస్తుతం సమంత.. యశోద, ఖుషి సినిమాల్లో నటిస్తోంది. ఇప్పటికే షూటింగ్ కంప్లీట్ చేసుకుని పోస్ట్ ప్రొడక్షన్ పనులు జరుపుకుంటున్న శాకుంతలం సినిమా త్వరలోనే ప్రేక్షకుల ముందుకు రానుంది. మరోవైపు తాప్సీ నిర్మాణంలో బాలీవుడ్ ఎంట్రీ ఇవ్వనుంది.