Samantha: ఇన్నాళ్లకు సమంతకు ఛాన్స్.. ఆ స్టార్ హీరోతో తొలిసారిగా సినిమా..

టాలీవుడ్ స్టార్ హీరోయిన్ సమంత మరోసారి వెండితెరపై అలరించేందుకు రెడీ అయ్యింది. చివరగా ఖుషి చిత్రంలో కనిపించిన సామ్.. ఆ తర్వాత సినిమాలకు పూర్తిగా దూరంగా ఉంటున్న సంగతి తెలిసిందే. డైరెక్టర్ శివ నిర్వాణ దర్శకత్వంలో రూపొందించిన ఖుషి సినిమాలో సమంత, విజయ్ దేవరకొండ జంటగా నటించారు. ఈ మూవీ బాక్సాఫీస్ వద్ద మంచి వసూళ్లు రాబట్టింది. ఈ సినిమా సమయంలో మయోసైటిస్ తీవ్రంగా వేధించడంతో అమెరికా, భూటాన్ వంటి దేశాల్లో ఇమ్యూనిటీ ట్రీట్మెంట్ తీసుకుంది సామ్. ఆ తర్వాత ఇంట్లోనే విశ్రాంతి తీసుకుంటుంది. ఇప్పుడిప్పుడే సినిమా, అవార్డ్ ఈవెంట్స్ లో పాల్గొంటుంది. అలాగే సొంతంగా నిర్మాణ సంస్థ స్టార్ట్ చేసిన సామ్.. ముందుగా తన సొంత బ్యానర్ పైనే ఓ సినిమాలో నటిస్తుంది. మా ఇంటి బంగారం మూవీతో మళ్లీ అడియన్స్ ముందుకు రాబోతున్నట్లు ఇటీవలే ప్రకటించింది. ఆ తర్వాత మళ్లీ సైలెంట్ అయ్యింది. తాజాగా సామ్ మరో లక్కీ ఛాన్స్ అందుకున్నట్లు తెలుస్తోంది.

తాజాగా వినిపిస్తున్న సమాచారం ప్రకారం.. కథానాయికగా సమంతకు లైఫ్ ఇచ్చిన డైరెక్టర్ గౌతమ్ మీనన్ ఇప్పుడు మరో అవకాశం ఇచ్చారట. వీరిద్దరి కాంబోలో వచ్చిన ఏమాయ చేసావే మూవీ సూపర్ హిట్ అయిన సంగతి తెలిసిందే. ఆ తర్వాత తక్కువ సమయంలోనే తెలుగులో టాప్ హీరోయిన్ అయ్యింది. ఇక ఇప్పుడు మరోసారి గౌతమ్ మీనన్ డైరెక్షన్లో పనిచేయనుంది సామ్. కానీ ఇప్పుడు వీరిద్దరి కాంబోలో రాబోయే సినిమా తెలుగులో కాదు.. మలయాళంలో రూపొందిస్తున్నారని టాక్. మలయాళీ సూపర్ స్టార్ మమ్ముట్టి హీరోగా ఓ మూవీ తెరకెక్కిస్తున్నారని.. ఇందులో సామ్ కథానాయికగా నటించనుందని ఫిల్మ్ వర్గాల్లో టాక్ నడుస్తుంది.

అయితే దీనిపై ఇప్పటివరకు ఎలాంటి అఫీషియల్ ప్రకటన రాలేదు. కానీ ఒకవేళ ఇదే నిజమైతే.. మమ్ముట్టితో సమంతకు ఇది మొదటి సినిమా మాత్రమే కాదు.. మలయాళంలోనూ ఇదే తొలి చిత్రం కూడా. ఈ సినిమాను ఈనెల 15న తేదీన చెన్నైలో పూజా కార్యక్రమాలతో ప్రారంభించనున్నట్లు తెలుస్తోంది. ఈ సినిమా తర్వాత సామ్ మరిన్ని ఆఫర్స్ ఒకే చేయనుందని.. తిరిగి సినిమాలతో బిజీ కానుందని సమాచారం. తెలుగులోనూ సామ్ మరిన్ని అవకాశాలకు ఓకే చేయనున్నట్లు తెలుస్తోంది.

View this post on Instagram

A post shared by Samantha (@samantharuthprabhuoffl)

మరిన్ని సినిమా వార్తల కోసం ఇక్కడ క్లిక్ చేయండి.