RRR Movie: ఆర్ఆర్ఆర్ సినిమాపై కామెంట్ చేసిన నెటిజన్.. మూవీ టీం ఆన్సర్ అదుర్స్..
దర్శకధీరుడు రాజమౌళి అత్యంత ప్రతిష్టాత్మకంగా తెరకెక్కిస్తున్న చిత్రం ఆర్ఆర్ఆర్ (రణం రౌద్రం రుధిరం). మెగా పవర్ స్టార్ రామ్ చరణ్
దర్శకధీరుడు రాజమౌళి అత్యంత ప్రతిష్టాత్మకంగా తెరకెక్కిస్తున్న చిత్రం ఆర్ఆర్ఆర్ (రణం రౌద్రం రుధిరం). మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ ప్రధాన పాత్రల్లో నటిస్తున్న ఈ సినిమా భారీ బడ్జెట్తో డీవీవీ ఎంటర్టైన్మెంట్స్ బ్యానర్ పై దానయ్య నిర్మిస్తున్న సంగతి తెలిసిందే. ఈ సినిమా ద్వారా చరిత్రలో ఎన్నడూ కలవని ఇద్దరూ వీరులను కలిపి చూపే ప్రయత్నం చేస్తున్నాడు జక్కన్న. ఇందులో మన్యం వీరుడు అల్లూరి సీతారామరాజు గా రామ్ చరణ్, గిరిజన వీరుడు కొమురం భీమ్ పాత్రలో తారక్ నటిస్తున్నారు. ఇక వీరిద్దరికి జంటగా అలియా భట్, ఒలివియా మోరీస్ నటిస్తున్నారు. బాలీవుడ్, హాలీవుడ్ నటీనటులతో కలిసి తెరకెక్కిస్తున్న ఈ సినిమా పై ముందు నుంచి భారీగా అంచనాలున్నాయి. ఈ మూవీ కోసం ప్రేక్షకులు ఆసక్తిగా ఎదురుచూస్తున్నారు. అయితే ఇప్పటికే షూటింగ్ పూర్తిచేసుకున్న ఈ సినిమా విడుదల తేదీ పలుమార్లు వాయిదా పడుతూ వచ్చింది. ఎట్టకేలకు ఈ చిత్రాన్ని సంక్రాంతి కానుకగా జనవరి 7న విడుదల కానుంది.
అయితే తాజాగా ఈ సినిమా షూటింగ్ ప్రారంభమై నవంబర్ 19తో మూడేళ్లు అవుతుంది. సరిగ్గా నవంబర్ 18న 2018న రాజమౌళి, రామ్ చరణ్, ఎన్టీఆర్ ఫోటోను షేర్ చేస్తూ షూటింగ్ స్టార్ట్ చేసినట్లుగా డీవీవీ నిర్మాణ సంస్థ ప్రకటించింది. తాజాగా ఈ సినిమా కోసం ఆసక్తిగా ఎదురుచూసిన ఓ నెటిజన్.. ఆర్ఆర్ఆర్ సినిమా పై వ్యంగ్యంగా స్పందించాడు. అప్పటి ట్వీట్ రీట్విట్ చేస్తూ. “డిప్లొమాలో ఉన్నప్పుడు మీరు సినిమా షూటింగ్ ప్రారంభించారు. బీటేక్ కూడా అయిపోయింది. సినిమా మాత్రం ఇంకా రిలీజ్ కాలేదు” అంటూ అసహనం వ్యక్తం చేశాడు. ఇది చూసిన చిత్రయూనిట్.. నెటిజన్ ట్వీట్ కు స్పందించింది. అతడి ట్వీట్ ను రీట్వీట్ చేస్తూ.. ఏం చేద్దాం మరి.. నువ్వు కాలేజీకి వెళ్లనన్ని రోజులు మేము కూడా షూటింగ్ చేయలేదు అంటూ కరోనా కారణంగా షూటింగ్ ఆలస్యమైనట్లుగా చెప్పకనే చెప్పింది. ఈ సినిమాలో బాలీవుడ్ స్టార్ హీరో అజయ్ దేవగణ్ కీలక పాత్రలో నటిస్తుండగా.. ఇప్పటికే ఈ సినిమా నుంచి విడుదలైన పోస్టర్స్, సాంగ్స్ మంచి రెస్పాన్స్ అందుకున్నాయి.
ట్వీట్..
Em Cheddaam mari, Nuvvu College ki Vellananni Days memu shooting kudaa cheyaledu ?
— RRR Movie (@RRRMovie) November 19, 2021
