Rishab Shetty: సెన్సెషన్ హిట్ ‘కాంతార’ మూవీ హీరోకు జూనియర్ ఎన్టీఆర్కు ఉన్న కామన్ కనెక్షన్ ఏంటో తెలుసా ?..
ఇటీవల ఓ ఇంటర్వ్యూలో పాల్గోన్న రిషబ్ శెట్టి.. తన అభిమాన హీరో ఎన్టీఆర్ అని.. అలాగే తారక్కు తనకు మధ్య ఓ కామన్ కనెక్షన్ ఉందని తెలిపారు.
Updated on: Oct 15, 2022 | 11:38 AM
ప్రస్తుతం ఇండస్ట్రీలో ఎక్కడ చూసిన కాంతార పేరు వినిపిస్తోంది. కన్నడ స్టార్ రిషబ్ శెట్టి రూపొందించిన ఈ సినిమాకు ఇండియన్ బాక్సాఫీస్ వద్ద ఊహించని స్థాయిలో రెస్పాన్స్ వస్తోంది. అన్ని భాషల్లోనూ ఈ మూవీ భారీగా వసూళ్లు రాబట్టడమే కాకుండా సినీ విమర్శకుల ప్రశంసలు అందుకుంటుంది. కర్ణాటకలో దూసుకుపోతున్న ఈ సినిమా అక్టోబర్ 15న తెలుగులోనూ విడుదలైంది. ఈ మూవీని ప్రముఖ నిర్మాత అల్లు అరవింద్ తెలుగులో విడుదల చేశారు. కేరళలోని కాంబ్లా, బూటాకోలా సంప్రదాయ సంస్కృతిని తెలియజేస్తూ… హీరో రిషబ్ శెట్టి దర్శకత్వం వహించి. ప్రధాన పాత్రలో నటించారు. ఈ సినిమా ప్రమోషన్లలో భాగంగా ఇటీవల ఓ ఇంటర్వ్యూలో పాల్గోన్న రిషబ్ శెట్టి.. తన అభిమాన హీరో ఎన్టీఆర్ అని.. అలాగే తారక్కు తనకు మధ్య ఓ కామన్ కనెక్షన్ ఉందని తెలిపారు.
రిషబ్ శెట్టి మాట్లాడుతూ. ” తెలుగు చిత్రపరిశ్రమలో అనేక మంది హీరోస్ ఉన్నారు. కానీ నాకు జూనియర్ ఎన్టీఆర్ అంటే చాలా ఇష్టం. అతనితో నాకు మరొక అనుబంధం కూడా ఉంది. అదేంటంటే.. తారక్ అమ్మగారు కూడా మా గ్రామానికి చెందినవారే. ” అని చెప్పుకొచ్చారు. అలాగే మీ దర్శకత్వంలో తారక్ సినిమా చేస్తారా అని ప్రశ్నించగా.. ఇప్పటివరకు అలాంటి ఆలోచనలు లేవని. కథ.. కాన్సెప్ట్ వచ్చినప్పుడే డిసైడ్ చేసుకోగలను అని అన్నారు. రిషబ్ శెట్టి కర్ణాటకలోని ఉడిపిలో గల కుందపుర గ్రామానికి చెందినవారు.
మరోవైపు రిషబ్ శెట్టి తెరకెక్కించిన కాంతార సినిమాకు టాలీవుడ్, కోలీవుడ్ హీరోస్ నుంచి ప్రశంసలు వస్తున్నాయి. ఇప్పటికే యంగ్ రెబల్ స్టార్ ప్రభాస్, కిచ్చా సుదీప్, తమిళ్ సూపర్ స్టార్ ధనుష్ ఈ చిత్రాన్ని ప్రశంసిస్తూ ట్వీట్ చేశారు. ఇక శుక్రవారం హిందీలో విడుదలైన ఈ చిత్రానికి ఉత్తరాది ప్రేక్షకుల నుంచి అద్భుతమైన స్పందన వస్తోంది.
