Rana Daggubati : సుకుమార్ శిష్యుడికి అవకాశం ఇచ్చిన దగ్గుబాటి వారబ్బాయి.. ఆ దర్శకుడితో రానా సినిమా..

Rana Daggubati  : యంగ్ హీరో రానా ప్రస్తుతం వరుస సినిమాలతో దూసుకుపోతున్నాడు. త్వరలో అరణ్య సినిమాతో ప్రేక్షకుల ముందుకు రానున్నాడు. అలాగే గుణశేఖర్ దర్శకత్వంలో హిరణ్య కశ్యప సినిమాను కూడా పట్టాలెక్కించాలని చూస్తున్నాడు. ఈ సినిమాలు కాకుండా త్వరలో మరో సినిమా చేయబోతున్నాడట ఈ దగ్గుబాటివారబ్బాయి. అయితే ఈ సినిమాకు దర్శకత్వం వహించేది ఎవరో కాదు సుకుమార్ శిష్యుల్లో ఒకరు అని తెలుస్తుంది. ఇప్పటికే సుకుమార్ శిష్యులు టాలీవుడ్ లో విజయాలను అందుకుంటున్నారు. నాగచైతన్య- రాజ్ తరుణ్ – వైష్ణవ్ తేజ్లాంటి హీరోలకు సూపర్ హిట్లు అందించింది సుకుమార్ శిష్యులే.

ఇప్పడు సుక్కు శిష్యుల్లో ఒకడైన వెంకీ దర్శకత్వంలో రానా హీరోగా ఓ సినిమా రాబోతుందని తెలుస్తుంది. అయితే గతంలో సుకుమార్ శిష్యుల్లో ఒకడైన ప్రకాష్ దర్శకత్వంలో నా ఇష్టం అనే సినిమా చేసాడు. ఈ సినిమా బాక్సాఫీస్ దాగ్గర ఘోరంగా బోల్తాపడింది. తాజాగా మరోసారి సుక్కు శిష్యుడితో రానా సినిమా చేయబోతున్నాడు. నా ఇష్టం లాంటి సినిమా తర్వాత చాలా ఇప్పుడు తిరిగి సుకుమార్ శిష్యుడికి రానా అవకాశం ఇవ్వడం హాట్ టాపిక్ గా మారింది. ఇక ఈ వార్త ఫిలిం నగర్ లో జోరుగా చక్కర్లు కొడుతుంది. అంతే కాదు ఈ సినిమా కూడా అందమైన ప్రేమకథగా తెరకెక్కబోతుందని అంటున్నారు. ఇటీవల సుకుమార్ శిష్యుడు బుచ్చిబాబు ఉప్పెన సినిమాతో మెగా హీరో వైష్ణవ తేజ్ కు సంచలన విజయాన్ని అందించిన విషయం తెలిసిందే. అయితే ఈ సినిమాను సుకుమార్ దగ్గరుండి మరీ చూసుకున్నాడు. అలానే రానా సినిమాకు కూడా సుకుమార్ తనవంతు సహాయ సహకారాలు అందించనున్నారని అంటున్నారు.  మరి ఈ సినిమా ఎలాంటి విజయాన్ని సాధిస్తుందో చూడాలి.

మరిన్ని ఇక్కడ చదవండి : 

Shaakuntalam movie : గుణశేఖర్ శాకుంతలంకు దుశ్యంతుడు దొరికేసాడు.. ఆయన ఎవరోకాదు..

KGF STAR YASH: చిన్న పిల్లాడిలా అయిన కేజీఎఫ్‌ స్టార్‌ యశ్ వైరల్ అవుతున్న వీడియో…