Ram Pothineni: నటసింహం డై హార్ట్ ఫ్యాన్‌గా మారిన యంగ్ హీరో.. జై బాలయ్య అంటున్న రామ్ పోతినేని

ఎనర్జిటిక్ హీరో రామ్ ప్రస్తుతం ఫుల్ జోష్ లో సినిమాలు చేస్తూ దూసుకుపోతున్నాడు. ఇస్మార్ట్ శంకర్ సినిమాతో తిరిగి ఫామ్ లోకి వచ్చాడు ఈ యంగ్ హీరో. డైనమిక్ డైరెక్టర్ పూరిజగన్నాథ్ దర్శకత్వంలో వచ్చిన ఈ సినిమా సూపర్ హిట్ గా నిలిచింది.

Ram Pothineni: నటసింహం డై హార్ట్ ఫ్యాన్‌గా మారిన యంగ్ హీరో.. జై బాలయ్య అంటున్న రామ్ పోతినేని
Ram Pothineni
Follow us

|

Updated on: Jun 19, 2022 | 3:21 PM

ఎనర్జిటిక్ హీరో రామ్(Ram Pothineni)ప్రస్తుతం ఫుల్ జోష్ లో సినిమాలు చేస్తూ దూసుకుపోతున్నాడు. ఇస్మార్ట్ శంకర్ సినిమాతో తిరిగి ఫామ్ లోకి వచ్చాడు ఈ యంగ్ హీరో. డైనమిక్ డైరెక్టర్ పూరిజగన్నాథ్ దర్శకత్వంలో వచ్చిన ఈ సినిమా సూపర్ హిట్ గా నిలిచింది. ఈ సినిమా తర్వాత తిరుమల కిషోర్ దర్శకత్వంలో రెడ్ అనే సినిమా చేశాడు. ఈ సినిమా పర్లేదు అనిపించుకుంది. ఈ సినిమా తర్వాత ఇప్పుడు మరో పవర్ ఫుల్ సినిమాతో ప్రేక్షకుల ముందుకు రానున్నాడు. తమిళ్ దర్శకుడు లింగు స్వామి డైరెక్షన్ లో తెరకెక్కుతోన్న ఈ సినిమాలో రామ్ పోలీస్ ఆఫీసర్ గా ;కనిపించనున్నాడు. రామ్ సరసన లేటెస్ట్ సెన్సేషన్ కృతి శెట్టి హీరోయిన్ గా నటిస్తోంది. ఈ మూవీ షూటింగ్ శరవేగంగా జరుగుతోంది. ఇప్పటికే ఈ సినిమానుంచి విడుదలైన టీజర్. పాటలు, పోస్టర్లు ప్రేక్షకులను విపరీతంగా ఆకట్టుకున్నాయి. ఈ సినిమా తర్వాత రామ్ బోయపాటి దర్శకత్వంలో ఓ సినిమా చేస్తున్న విషయం తెలిసిందే.

తాజాగా ఈ సినిమాకు సంబందించిన ఓ ఇంట్రస్టింగ్ వార్త ఫిలిం సర్కిల్స్ లో తెగ చెక్కర్లు కొడుతోంది. ఈ సినిమాలో రామ్ నట సింహం నందమూరి బాలకృష్ణ అభిమానిగా కనిపించనున్నాడట. సినిమా కథ ప్రకారం ఒక ఎపిసోడ్ లో రామ్ బాలయ్య అభిమానిగా కనిపిస్తాడని అంటున్నారు. బాలయ్య , బోయపాటికి ఉన్న స్నేహం గురించి తెలిసిందే. ఆ ప్రేమతోనే తన సినిమాలో హీరోను బాలయ్య అభిమానిగా చూపించనున్నాడట. ఒక ఎపిసోడ్ మొత్తంలో జై బాలయ్య ట్యాగ్ ను హైలెట్ చేస్తాడని టాక్. అలాగే బాలయ్య సినిమాలోని ఒక రిఫరెన్స్ కూడా ఈ సినిమాలో వాడనున్నారట. ఈ సినిమాలో రామ్ సరసన బాలీవుడ్ బ్యూటీ నటించే అవకాశం ఉందని తెలుస్తోంది. మరి ఈ వార్తల్లో వాస్తవమెంత అన్నది తెలియాలంటే మరికొద్ది రోజులు ఆగాల్సిందే.

ఇవి కూడా చదవండి

మరిన్ని సినిమా వార్తలు కోసం ఇక్కడ క్లిక్ చేయండి