ఏంటీ..! రామ్ పోతినేని, ఎన్టీఆర్ బంధువులా..! తారక్‌కు రామ్ ఏమవుతాడో తెలుసా..

ఆర్ఆర్ఆర్ సినిమాతో ఎన్టీఆర్ క్రేజ్ విపరీతంగా పెరిగిపోయింది. పాన్ ఇండియా స్టార్ గా మారిపోయాడు తారక్. విదేశాల్లోనూ తారక్ కు విపరీతమైన ఫ్యాన్ ఫాలోయింగ్ ఏర్పడింది. జపాన్ లో ఎన్టీఆర్ కు మంచి ఫ్యాన్స్ ఉన్నారు. తారక్ ప్రస్తుతం బడా సినిమాలను లైనప్ చేసి ఆయా షూటింగ్స్ తో బిజీగా ఉన్నాడు. ఎన్టీఆర్ తో సినిమాలు చేయడానికి హీరోయిన్స్ ఆసక్తి చూపిస్తున్నారు. ప్రస్తుతం తారక్ కొరటాల శివ దర్శకత్వంలో సినిమా చేస్తున్నాడు. ఈ సినిమాకు దేవర అనే పవర్ ఫుల్ టైటిల్ ను ఖరారు చేశారు. ఈ సినిమాలో బాలీవుడ్ బ్యూటీ.. అతిలోక సుందరి శ్రీదేవి కూతురు జాన్వీ కపూర్ హీరోయిన్ గా నటిస్తుంది. ఈ సినిమాను కొరటాల రెండు భాగాలుగా తెరకెక్కిస్తున్నారు.

త్వరలోనే ఈ సినిమా ప్రేక్షకుల ముందుకు రానుంది. ఈ సినిమాతో పాటు బాలీవుడ్ బడా మూవీ వార్ 2లోనూ నటిస్తున్నాడు. ఈ సినిమాలో హృతిక్ రోషన్ తో పాటు కలిసి నటించనున్నాడు ఎన్టీఆర్. ప్రస్తుతం ఈ సినిమా షూటింగ్ శరవేగంగా జరుగుతుంది. ఇదిలా ఉంటే తారక్ కు టాలీవుడ్ యంగ్ హీరో రామ్ పోతినేని బంధువులు అవుతారని చాలా మందికి తెలియదు.

అవును రామ్ పోతినేని, ఎన్టీఆర్ బంధువులు.. ఇదే విషయాన్ని రామ్ ఓ వేదిక పై స్వయంగా తెలిపాడు. గతంలో ఓ వేదిక పై రామ్ పోతినేని మాట్లాడుతూ.. ఎన్టీఆర్ నాకు వరసకు అన్నయ్య అవుతాడు అని తెలిపాడు. ఇందుకు సంబందించిన వీడియో ఇప్పుడు సోషల్ మీడియాలో వైరల్ అవుతుంది. ఈ విషయం తెలిసి ఎన్టీఆర్ అభిమానులు, రామ్ అభిమానులు ఆశ్చర్యపోతున్నారు. ఇన్నాళ్లు ఈ విషయం మనకు తెలియలేదే అంటూ కామెంట్స్ చేస్తున్నారు. ఇక రామ్ సినిమాల విషయానికొస్తే చివరిగా బోయపాటి దర్శకత్వంలో స్కంద అనే సినిమా చేశాడు. ఈ సినిమా డిజాస్టర్ గా నిలిచింది. ఇప్పుడు డబుల్ ఇస్మార్ట్ సినిమాతో ప్రేక్షకుల ముందుకు రానున్నాడు. ఈ సినిమా షూటింగ్ శరవేగంగా జరుగుతోంది.

View this post on Instagram

A post shared by Naatho Nekenduku (@naatho_nekenduku_2.0)

మరిన్ని సినిమా వార్తల కోసం ఇక్కడ క్లిక్ చేయండి.