Ram Gopal Varma: ‘రాజమౌళిని చంపడానికి కుట్ర’.. ఆర్జీవీ సంచలన ట్వీట్..

ఎస్. ఎస్. రాజమౌళి.. ఇప్పుడు ఏ ఇండస్ట్రీలో చూసినా ఈ పేరు మారుమ్రోగిపోతోంది. ‘ఆర్ఆర్ఆర్’ సినిమాతో జక్కన్న ఫేం ప్రపంచస్థాయికి చేరిపోయింది. ఈ చిత్రానికి గోల్డెన్ గ్లోబ్ అవార్డుతో పాటు మరికొన్ని అంతర్జాతీయ అవార్డులు కూడా వచ్చిన సంగతి తెలిసిందే. దీంతో ఎక్కడ చూసినా రాజమౌళి పేరే.. డైరెక్టర్, నిర్మాత ఎవ్వరైనా కూడా జక్కన్నపై పొగడ్తలు కురిపించడమే.. అయితే ఈ విషయాన్ని కొంచెం వెరైటీగా చెప్పారు వివాదాస్పద దర్శకుడు రామ్ గోపాల్ వర్మ. ప్రపంచవ్యాప్తంగా ఉన్న సినీ ప్రముఖులు రాజమౌళిని పొగుడుతుంటే.. ఇండియన్ డైరెక్టర్స్ మాత్రం అసూయతో రగిలిపోతున్నారని.. మిమ్మల్ని చంపేందుకు కుట్ర చేస్తున్నారంటూ.. ఆర్జీవీ ట్విట్టర్ వేదికగా వెల్లడించారు.

సోషల్ మీడియాలో ఎప్పుడూ యాక్టివ్‌గా ఉండే వర్మ.. పొలిటికల్ నుంచి సినిమా వరకు ఏ అంశాలు ఇంటర్నెట్‌లో ట్రెండ్ అవుతున్నా.. వాటిపై తనదైన శైలిలో స్పందిస్తారు. ఇక ఇటీవల ‘ఆర్ఆర్ఆర్’ సినిమాకు ప్రపంచస్థాయిలో ప్రశంసలు దక్కడం.. రాజమౌళి ఖ్యాతి వరల్డ్‌వైడ్‌కు చేరడం.. జేమ్స్ కామెరాన్ వంటి దిగ్గజ దర్శకులు సైతం జక్కన్నను కలిసి మెచ్చుకోవడంతో.. ఈ అంశంపై అర్జీవీ ట్విట్టర్ వేదికగా స్పందించారు. ‘రాజమౌళి.. ప్రెజంట్ సిట్యువేషన్ ఎలా ఉందంటే.. మొగల్ ఏ అజామ్ తీసిన ఆసిఫ్, షోలే నిర్మించిన రమేష్ సిప్పీల నుంచి ఆదిత్య చోప్రా, కరణ్ జోహార్, భన్సాలీ వరకూ ప్రతి చిత్ర నిర్మాతనూ అధిగమించేశారని‘ ట్వీట్ చేశారు వర్మ.

Hey @ssrajamouli U basically SURPASSED every film maker from #KaAsif who made #MughaleAzam till #RameshSippy who made #Sholay and also the likes of Aditya Chopras, Karan Johars and the bhansalis of India and I want to suck ur little toe for that https://t.co/KCgN0u2eJa

— Ram Gopal Varma (@RGVzoomin) January 23, 2023

అంతే కాదు మరో ట్వీట్‌లో ‘దయచేసి మీ భద్రత పెంచకోండి. భారత్‌లోని కొందరు ఫిల్మ్ మేకర్లు.. మీపై అసూయతో రగిలిపోతున్నారు. మిమ్మల్ని చంపడానికి ఒక టీమ్‌ని కూడా ఏర్పాటు చేశారు. ఇందులో నేను కూడా ఉన్నానంటూ’. తన ట్వీట్‌తో మరింత హీట్ పెంచారు వర్మ. తాను మత్తులో ఉండటం వల్లే.. ఈ రహస్యాన్ని బయట పెడుతున్నట్టు వర్మ ట్విట్టర్‌లో పేర్కొన్నారు. కాగా, ప్రస్తుతం ఈ ట్వీట్స్ నెట్టింట వైరల్‌గా మారాయి.

And sir @ssrajamouli , please increase ur security because there is a bunch of film makers in india who out of pure jealousy formed an assassination squad to kill you , of which I am also a part ..Am just spilling out the secret because I am 4 drinks down

— Ram Gopal Varma (@RGVzoomin) January 23, 2023