Game Changer : నడిరోడ్డుపై హెలికాప్టర్ ల్యాండింగ్.. గేమ్ చేంజర్ నుంచి వీడియో లీక్..

ఇందులో బాలీవుడ్ బ్యూటీ కియారా అద్వానీ, అంజలి, శ్రీకాంత్ కీలకపాత్రలు పోషిస్తున్నారు. ముందు నుంచి ఈ సినిమా పై హైప్ నెలకొంది. అందుకు కారణం ఈ చిత్రానికి కోలీవుడ్ డైరెక్టర్ కార్తీక్ సుబ్బరాజ్ కథను అందిస్తున్నారు. పొలిటికల్ డ్రామాగా వస్తోన్న ఈ చిత్రంలో చరణ్ ద్విపాత్రాభినయం చేయనున్నాడని టాక్ వినిపిస్తుంది. ఇక ఇప్పటికే ఈ సినిమా నుంచి లీక్ అయిన ఫోటోస్ ఈ వార్తలకు మరింత బలం చేకూర్చాయి.

Game Changer Movie

Rajitha Chanti |

Updated on: Feb 23, 2024 | 5:23 PM

టాలీవుడ్ ఇండస్ట్రీలో భారీ అంచనాలు నెలకొన్న చిత్రాల్లో ‘గేమ్ చేంజర్’ ఒకటి. డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ నటిస్తోన్న ఈ సినిమా కోసం ఫ్యాన్స్ ఎంతో ఆసక్తిగా వెయిట్ చేస్తున్నారు. ఇందులో బాలీవుడ్ బ్యూటీ కియారా అద్వానీ, అంజలి, శ్రీకాంత్ కీలకపాత్రలు పోషిస్తున్నారు. ముందు నుంచి ఈ సినిమా పై హైప్ నెలకొంది. అందుకు కారణం ఈ చిత్రానికి కోలీవుడ్ డైరెక్టర్ కార్తీక్ సుబ్బరాజ్ కథను అందిస్తున్నారు. పొలిటికల్ డ్రామాగా వస్తోన్న ఈ చిత్రంలో చరణ్ ద్విపాత్రాభినయం చేయనున్నాడని టాక్ వినిపిస్తుంది. ఇక ఇప్పటికే ఈ సినిమా నుంచి లీక్ అయిన ఫోటోస్ ఈ వార్తలకు మరింత బలం చేకూర్చాయి. ఒకటి ఐఏఎస్ ఆఫీసర్ పాత్రలో.. మరొకటి స్థానిక ఎమ్మెల్యేగా చెర్రీ కనిపించనున్నాడు. ప్రస్తుతం ఈ మూవీ షూటింగ్ చివరి దశకు వచ్చింది. ఈ చిత్రాన్ని పాన్ ఇండియా లెవల్లో రిలీజ్ చేయనున్నారు.

ఈ సినిమా కోసం మెగా ఫ్యాన్స్ ఎంతో ఆసక్తిగా ఎదురుచూస్తున్నారు. సినిమా ప్రకటించి మూడేళ్లు పూర్తవుతున్నా.. ఇప్పటికీ ఈ మూవీ షూటింగ్ జరుగుతుంది. కేవలం ఫస్ట్ లుక్ పోస్టర్, టైటిల్ మోషన్ వీడియో రిలీజ్ చేశారు. అయితే మొదటి నుంచి ఈ సినిమాకు లీకుల బెడద తప్పడం లేదు. ఇప్పటికే ఎన్నో సార్లు పోస్టర్స్, వీడియోస్ లీకయ్యాయి. తాజాగా మరో వీడియో నెట్టింట లీక్ అయ్యింది. ఈ మూవీలో మార్కెట్ నడిరోడ్డులో హెలికాఫ్టర్ ల్యాండ్ అవుతుంది. అందులో రామ్ చరణ్ ఎంట్రీ ఉంటుందని తెలుస్తోంది. అయితే ఈ సీన్ సినిమాకు హైలెట్ అవుతుందని అంటున్నారు. థియేటర్లలో ఈ ఎలివేషన్ సీన్ కు గూస్ బంప్స్ రావడం ఖాయమంటున్నారు. ప్రస్తుతం ఇందుకు సంబంధించిన వీడియోను షేర్ చేస్తున్నారు ఫ్యాన్స్.

ఈ సినిమాను ఈ ఏడాది సెప్టెంబర్ లో రిలీజ్ చేయనున్నట్లు తెలుస్తోంది. ఇక ఈ మూవీ తర్వాత చరణ్ డైరెక్టర్ బుచ్చిబాబు దర్శకత్వంలో మరో ప్రాజెక్ట్ స్టార్ట్ చేయనున్నారు. ఇప్పటికే ఈ సినిమా గురించి అఫీషియల్ అనౌన్స్మెంట్ రాగా.. ప్రస్తుతం ప్రీ ప్రొడక్షన్ పనులు జరుగుతున్నాయి. అలాగే ఈ మూవీకి నటీనటుల సెలక్షన్ జరుగుతుంది. అలాగే ఇందులో చరణ్ సరసన జాన్వీ కపూర్ కథానాయికగా నటిస్తున్నట్లు ఇటీవలే బోనీ కపూర్ కన్ఫార్మ్ చేశారు.