Kalyan Ram: రాజ్ తరుణ్ చేయాల్సిన సినిమాతో బ్లాక్ బస్టర్ హిట్టుకొట్టిన కళ్యాణ్ రామ్.. ఎన్టీఆర్ ఇచ్చిన ఆ ఒక్క సలహాతో..
సాధారణంగా సినీరంగంలో ఒక హీరోకు రాసుకున్న కథ మరో హీరోకు వద్దకు చేరుతుంది. ఒక హీరో ఖాతాలో పడాల్సిన బ్లాక్ బస్టర్ హిట్ మరో కథానాయకుడి చేతిలో పడుతుంది. అలాగే కొందరు స్టార్స్ చివరి క్షణంలో భారీ డిజాస్టర్స్ నుంచి తప్పించుకుంటారు. ఇప్పుడు మనం మాట్లాడుకోబోయే స్టోరీ కూడా అలాంటిదే. యంగ్ హీరో రాజ్ తరుణ్ చేయాల్సిన కథతో భారీ విజయాన్ని అందుకున్నారు కళ్యాణ్ రామ్. ఇంతకీ ఏ సినిమా అంటే..
Updated on: Apr 16, 2025 | 8:35 AM
ప్రస్తుతం అర్జున్ s/o వైజయంతి సినిమా ప్రమోషన్లలో బిజీగా ఉన్నారు నందమూరి కళ్యాణ్ రామ్. ఇందులో సీనియర్ హీరోయిన్ విజయశాంతి కీలకపాత్రలో నటిస్తుండగా.. యాక్షన్ ప్యాక్డ్ ఫ్యామిలీ ఎంటర్టైనర్ గా తెరకెక్కించారు డైరెక్టర్ ప్రదీప్ చిలుకూరి. ఈ చిత్రాన్ని అశోక క్రియేషన్స్, ఎన్టీఆర్ ఆర్ట్స్ బ్యానర్స్ పై నిర్మిస్తుండగా.. ఈ మూవీ పై ఇప్పటికే భారీ అంచనాలు ఉన్నాయి. ఇటీవలే విడుదలైన ట్రైలర్ సైతం హైప్ పెంచగా.. ఈసినిమా ప్రీ రిలీజ్ ఈవెంట్ లో ఎన్టీఆర్ సందడి చేశారు. ఈ క్రమంలోనే తాజాగా కళ్యాణ్ రామ్ కు సంబంధించిన ఓ ఇంట్రెస్టింగ్ న్యూస్ సోషల్ మీడియాలో వైరలవుతుంది. యంగ్ హీరో రాజ్ తరుణ్ మిస్సైన కథతో కళ్యాణ్ రామ్ బ్లాక్ బస్టర్ హిట్ అందుకున్నారట. ఆ సినిమా ఏంటో కాదు.. బింబిసార. ఈ మూవీకి సంబంధించిన ఆసక్తికర విషయాలను డైరెక్టర్ వశిష్ట తండ్రి.. నిర్మాత మల్లిడి సత్యనారాయణ రెడ్డి ఓ ఇంటర్వ్యూలో పంచుకున్నారు.
డైరెక్టర్ వశిష్టకు దర్శకుడిగా పలు ప్రయత్నాలు విఫలమైన తర్వాత రాజ్ తరుణ్ తో కలిసి తన తొలి సినిమాను ఫిక్స్ అయిపోయారట. కానీ అప్పుడు మార్కెట్ దృష్ట్యా రాజ్ తరుణ్ తో సినిమా తీసేందుకు ఓ నిర్మాత ఇంట్రెస్ట్ చూపించలేదట. ఇక ఈ సినిమా కథ గురించి తెలుసుకున్న మరో ప్రోడ్యూసర్ కళ్యాణ్ రామ్ తో చేస్తే బాగుంటుందని సలహా ఇచ్చారట. అప్పటికే కళ్యాణ్ రామ్ కు వేరే కథ చెప్పిన వశిష్ట.. ప్రొడ్యూసర్ సలహా మేరకు మరోసారి కలిసి రాజ్ తరుణ్ చేయాల్సిన స్టోరీని చెప్పారట. కథ బాగా నచ్చడంతో.. బడ్జెట్ చర్చల అనంతరం తమ బ్యానర్ లోనే సినిమా రూపొందుతుందని మాటిచ్చారట కళ్యాణ్ రాణ్. అయితే రాజ్ తరుణ్ తో తీయాలనుకున్నప్పుడు ఈ సినిమాకు తుగ్లక్ అనే టైటిల్ ఫిక్స్ చేశారు వశిష్ట. కానీ ఆ తర్వాత ఎన్టీఆర్ ఇచ్చిన సలహాతో ఈ మూవికి బింబిసార అనే టైటిల్ ఖరారు చేశారట. 2022లో విడుదలైన ఈ మూవీ భారీ విజయాన్ని అందుకుంది.
దర్శకుడిగా వశిష్ట ఈ సినిమాతోనే ఇండస్ట్రీలోకి అడుగుపెట్టారు. మొదటి చిత్రంతోనే భారీ విజయాన్ని అందుకున్న వశిష్ట.. ఇప్పుడు మెగాస్టార్ చిరంజీవితో కలిసి విశ్వంభర చిత్రాన్ని తెరకెక్కిస్తున్నారు. ఈ సినిమా జూలైలో విడుదలకానుంది. బింబిసార కంటే ముందు వశిష్ట.. నితిన్, రవితేజ, అల్లు శిరీష్ వంటి స్టార్ హీరోలకు కథలు చెప్పారని.. కానీ అనివార్య కారణాలతో వాళ్లతో సినిమాలు సెట్ కాలేదని అన్నారు సత్యనారాయణ.
ఇవి కూడా చదవండి :
