Producer C Kalyan: సమ్మెపై స్పందించిన ప్రొడ్యూసర్స్.. కార్మికుల వేతనాలు పెంచేందుకు సిద్ధం.. నిర్మాత సి.కళ్యాణ్ కామెంట్స్..
కార్మికులు చేస్తున్న సమ్మె గురించి తెలుసుకుని అందరం షాకయ్యాం.. ఎప్పటికప్పుడు పరిస్థితులను బట్టి వేతనాలను పెంచుతూనే ఉన్నాం..
Updated on: Jun 22, 2022 | 8:39 PM
వేతనాలు పెంచాలంటూ తెలుగు చిత్రపరిశ్రమ కార్మికులు సమ్మె సైరన్ మోగించిన సంగతి తెలిసిందే. బుధవారం ఉదయం ఫిల్మ్ ఛాంబర్ కార్యలయాన్ని ముట్టడించారు.. అయితే సినీ కార్మికులు చేపట్టిన సమ్మెపై నిర్మాతల మండలి స్పందించింది.. బుధవారం మధ్యాహ్నం సమావేశమైన నిర్మాతల మండలి.. మీడియాతో పలు ఆసక్తికర విషయాలను తెలియజేసింది… ఈ సందర్భంగా నిర్మాత సి. కళ్యాణ్ మాట్లాడుతూ… కార్మికులకు వేతనాలు పెంచేందుకు తమకు ఎలాంటి ఇబ్బంది లేదని.. గురువారం నుంచి కార్మికులంతా షూటింగ్స్లో పాల్గోనాలని కోరారు..
“కార్మికులు చేస్తున్న సమ్మె గురించి తెలుసుకుని అందరం షాకయ్యాం.. ఎప్పటికప్పుడు పరిస్థితులను బట్టి వేతనాలను పెంచుతూనే ఉన్నాం.. ఈ క్రమంలోనే తమ వేతనాలు మరింత పెంచాలని కోరుతూ ఈనెల 6న వాళ్లు మాకు ఓ లేఖ రాశారు.. వేతనాలు పెంచడానికి నిర్మాతలకు ఎలాంటి ఇబ్బంది లేదు.. కానీ మాకు కూడా కొన్ని కండిషన్స్ ఉన్నాయి.. అందరం కలిసి చర్చించుకుందామని వాళ్లకు చెప్పాం.. కానీ వాళ్లు ఇలా ఆకస్మాత్తుగా సమ్మె చేయడం తప్పు..నిర్మాతలందరూ షూటింగ్స్ కొనసాగించడానికి సిద్ధంగా ఉన్నారు.. కాబట్టి రేపటి నుంచి కార్మికులు షూటింగ్స్ లోకి వస్తేనే వేతనాలు, విధివిధానాపై శుక్రవారం చర్చించి నిర్ణయం తీసుకుంటాం.. లేదంటే షూటింగ్స్ చేయడానికి నిర్మాతలు సైతం సిద్ధంగా లేరు.. ఇలా సమ్మెతో ఇబ్బందులు పెట్టకండి.. సినిమాలు చేస్తేనే పని ఉంటుంది.. సమ్మె నోటీసులు మాకు పంపలేదు.. “అంటూ చెప్పుకొచ్చారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
