Trisha Krishnan: త్రిషతో బాయ్ ఫ్రెండ్‌గా, తండ్రిగా, మామగా నటించిన నటుడు ఎవరో తెలుసా.?
ప్రభాస్ నటించిన వర్షం సినిమాతో ఆమె తెలుగులోకి పరిచయం అయ్యింది. ఇక వర్షం సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన ఆవరసం లేదు.
Updated on: Dec 31, 2022 | 2:52 PM
త్రిష.. టాలీవుడ్ ను కొన్నేళ్ల పాటు ఏలిన పేరు ఇది. ఈ చెన్నై చంద్రం నటించిన తొలి సినిమా నీమనసు నీకు తెలుసు. కానీ ఈ సినిమా స్ట్రైట్ తెలుగు సినిమా కాదు. ప్రభాస్ నటించిన వర్షం సినిమాతో ఆమె తెలుగులోకి పరిచయం అయ్యింది. ఇక వర్షం సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన ఆవరసం లేదు. అటు ప్రభాస్ కెరీర్ లో బిగెస్ట్ హిట్ గా నిలిచింది ఈ మూవీ. ఇక ఆతర్వాత వరుస అవకాశాలతో దూసుకుపోయింది త్రిష. బ్యాక్ టు బ్యాక్ సినిమాలతో ఇక్కడ బిజీగా మారిపోయింది. దాదాపు స్టార్ హీరోలందరి సరసన నటించింది త్రిష. ఇక తమిళ్ లోనూ ఈ బ్యూటీ మంచి క్రేజ్ ను సొంతం చేసుకుంది. తెలుగు, తమిళ్ భాషలతో పాటు త్రిష హిందీలోనూ నటించింది. ఇదిలా ఉంటే త్రిష కెరీర్ లో చాల మంది నటులతో నటించిన విషయం తెలిసిందే. అయితే త్రిష కు తండ్రిగా, మామగా , బాయ్ ఫ్రెండ్ గా నటించిన నటుడు ఎవరో తెలుసా..?
ఆయన ఎవరో కాదు వర్సటైల్ యాక్టర్ ప్రకాష్ రాజ్. త్రిష తొలి తెలుగు సినిమా అయిన వర్షం , ఆకాశమంత , రీసెంట్ గా వచ్చిన పొన్నియన్ సెల్వన్ సినిమాల్లో ప్రకాష్ రాజ్ త్రిషకు తండ్రిగా నటించాడు. అలాగే నువ్వొస్తానంటే నేనొద్దంటానా సినిమాలో హీరోకు తండ్రిగా అంటే త్రిషకు మామగారిగా నటించాడు అలాగే మహేష్ బాబు నటించిన ఒక్కడు సినిమా తమిళ్ రీమేక్ లో గిల్లి లో ఆమె బాయ్ ఫ్రెండ్ గా నటించాడు ప్రకాష్ రాజ్.
ప్రస్తుతం త్రిషను పొన్నియన్స్ సెల్వన్ 2లో నటిస్తోంది, అలాగే రాంగి అనే సినిమాలోనూ నటించింది. ఈ సినిమా త్వరలో ప్రేక్షకుల ముందుకు రానుంది. పొన్నియన్ సెల్వన్ సినిమాలో త్రిష తన అందంతో కట్టిపడేసింది . ఆ సినిమాలో ఐశ్వర్య రాయ్ కంటే అందంగా కనిపించి ఆకట్టుకుంది. వయసు పెరుగుతున్నాకొద్ది త్రిష అందంకూడా పెరుగుతూ వస్తోంది.
Prakash Raj
