Hari Hara Veeramallu: పవన్ కళ్యాణ్ ఫ్యాన్స్ కు పండగే.. సంక్రాంతి బరిలోకి పవర్ స్టార్ సినిమా..

Hari Hara Veeramallu: పవర్ స్టార్ పవన్ కళ్యాణ్ ప్రస్తుతం రాజకీయాలతో ఇటు సినిమాలతో ఫుల్ బిజీగా ఉన్నారు. ఇప్పటికే వకీల్ సాబ్ సినిమాతో సాలిడ్ హిట్ అందుకున్నారు పవన్. వేణు శ్రీరామ్ దర్శకత్వం లో తెరకెక్కిన ఈ సినిమా బాలీవుడ్ సూపర్ హిట్ పింక్ సినిమాకు రీమేక్ గా తెరకెక్కింది. మొదటి షో నుంచే ఈ సినిమా బ్లాక్ బస్టర్ టాక్ ను సొంతం చేసుకుంది. ఈ సినిమా తర్వాత పవన్ కల్యాణ్హీరోగా దర్శకుడు క్రిష్ ‘హరిహర వీరమల్లు’ సినిమాను రూపొందిస్తున్నాడు. భారీ బడ్జెట్ తో ఈ సినిమాను ఎ.ఎమ్.రత్నం నిర్మిస్తున్నారు. ఇటీవల విడుదల చేసిన మోషన్ పోస్టర్ కు మంచి రెస్పాన్స్ వచ్చింది.  ఈ సినిమాను భారీ బడ్జెట్ తో తెరకెక్కిస్తున్నారు. ఈ చిత్రంలో పవన్ బందిపోటుగా కనిపించనున్నాడని తెలుస్తుంది. ఇప్పటికే ఈ సినిమా కోసం హైదరాబాద్ లో భారీ సెట్ లను కూడా రెడీ చేస్తున్నారు. ఈ సినిమాలో పవన్ సరసన నిధి అగర్వాల్ హీరోయిన్ గా నటిస్తుంది. ఈ సినిమాలో వజ్రాల దొంగ పాత్రలో పవన్ నటిస్తున్నాడు.

చారిత్రక చిత్రాలను తెరకెక్కించడంలో క్రిష్ కి మంచి అనుభవం ఉంది. ‘గౌతమీపుత్ర శాతకర్ణి’ .. ‘మణికర్ణిక’ వంటి సినిమాలను ఆయన డైరెక్ట్ చేశారు.  అందువలన ఆయన అభిమానులంతా ఈ సినిమా కోసం వేయికళ్లతో ఎదురుచూస్తున్నారు. ఇటీవల ఓ ఇంటర్వ్యూలో చిత్ర నిర్మాత ఎ.ఎమ్.రత్నం మాట్లాడుతూ .. “ఏప్రిల్ 6వ తేదీ వరకూ ఈ సినిమా షూటింగ్ కొనసాగింది .. ఆ తరువాత కరోనా ఉద్ధృతి కారణంగా ఆగిపోయింది. తదుపరి షెడ్యూల్ ను మొదలుపెట్టడానికి సన్నాహాలు చేసుకుంటున్నాము. సెట్లో అడుగుపెట్టడానికి పవన్ సిద్ధంగా ఉన్నారు. అని తెలిపారు. ఈ షెడ్యూల్లో బాలీవుడ్ హీరోయిన్  జాక్విలిన్ .. అర్జున్ రాంపాల్ కూడా పాల్గొంటారు.   ‘సంక్రాంతి’ కానుకగా ఈ సినిమాను విడుదల చేయాలనే ఆలోచనలో ఉన్నాము” అని చెప్పుకొచ్చారు.

మరిన్ని ఇక్కడ చదవండి :

Film industry is cruel: అక్కడ జరిగేదంతా అదే.. టాలీవుడ్‌పై మరోసారి నోరు జారిన గోవాబ్యూటీ

Rakul Preet Singh : సీనియర్ హీరో సినిమాలో ఛాన్స్ వదులుకున్న రకుల్ ప్రీత్.. కారణం ఇదే..