ఏంటి ఈ అమ్మడు పవర్ స్టార్ పంజా మూవీ బ్యూటీనా..? నిజంగా షాక్ ఇచ్చిందిగా..!!

ఈ మధ్య పవన్ రాజకీయాల్లో బిజీగా ఉండటంతో సినిమాలు తగ్గించారు. కానీ ఆయన అభిమానులను నిరాశ పరచకుండా గ్యాప్ దొరికినప్పుడల్లా సినిమాలు చేసి ప్రేక్షకులను ఆకట్టుకుంటూనే ఉన్నారు. ఇక పవన్ కళ్యాణ్ నటించిన సినిమాల్లో పంజా సినిమా చాలా స్పెషల్ గా ఉంటుంది. ఈ సినిమాలో పవన్ సూపర్ స్టైలిష్ లుక్ లో కనిపించి అభిమానులను ఫిదా చేశారు.

Panja

Rajeev Rayala |
Updated on: Jan 08, 2024 | 1:26 PM

పవర్ స్టార్ పవన్ కళ్యాణ్ నటించిన సినిమాలకు ఎంత క్రేజ్ ఉంటుందో ప్రత్యేకంగా చెప్పాల్సిన అవసరం లేదు. ఆయన సినిమాలు రిజల్ట్ తో సంబంధం లేకుండా ప్రేక్షకులను అలరిస్తూ ఉంటాయి. ఈ మధ్య పవన్ రాజకీయాల్లో బిజీగా ఉండటంతో సినిమాలు తగ్గించారు. కానీ ఆయన అభిమానులను నిరాశ పరచకుండా గ్యాప్ దొరికినప్పుడల్లా సినిమాలు చేసి ప్రేక్షకులను ఆకట్టుకుంటూనే ఉన్నారు. ఇక పవన్ కళ్యాణ్ నటించిన సినిమాల్లో పంజా సినిమా చాలా స్పెషల్ గా ఉంటుంది. ఈ సినిమాలో పవన్ సూపర్ స్టైలిష్ లుక్ లో కనిపించి అభిమానులను ఫిదా చేశారు. ఈ సినిమా చాలా స్టైలిష్ గా యాక్షన్ ఎంటర్టైనర్ గా తెరకెక్కింది. ప్రముఖ తమిళ దర్శకుడు విష్ణువర్ధన్ దర్శకత్వంలో ఈ సినిమా తెరకెక్కింది.

ఈ సినిమాలో హీరోయిన్ గా సారా జేన్ డియాస్ నటించింది అలాగా స్పెషల్ రోల్ లో జాకీ ష్రోఫ్, అడవి శేష్ నటించారు. ఈ సినిమాకు యువన్ శంకర్ రాజా సంగీతం అందించారు. ఈ సినిమాలో అన్ని పాటలు సూపర్ హిట్ గా నిలిచాయి. అయితే పంజా సినిమాలో మరో హీరోయిన్ కూడా ఉంది. ఆమె అంజలి లవానియా..

పంజా ఆసినిమాలో ఈ చిన్నది కనిపించేది తక్కువే అయినా తన లుక్ తో ప్రేక్షకులను ఫిదా చేసింది. పంజా సినిమాలో ఓ స్పెషల్ సాంగ్ లోనూ స్టెప్పులేసింది. తన అందచందాలతో కుర్రకారును కవ్వించింది అంజలి లవానియా.. పంజా సినిమాతర్వాత ఈ చిన్నది సినిమాల్లో నటించలేదు. స్వతహాగా మోడల్ అయిన ఈ బ్యూటీ కింగ్‌ఫిషర్ క్యాలెండర్ 2010, 2011లో అలాగే మేకింగ్ ఆఫ్ ది కింగ్‌ఫిషర్ క్యాలెండర్‌ను 2011లో హోస్ట్ చేసింది. సినిమాలకు దూరంగా ఉంటున్న ఈ అమ్మడు ఇప్పుడు ఎలా ఉందా.? అని చాలా మంది సోషల్ మీడియాను గాలిస్తున్నారు. ఈ క్రమంలో ఈ చిన్నదాని ఫోటోలు వైరల్ గా మారాయి.