Dasara Movie: ‘ఓరి వారి’ సాంగ్ మేకింగ్ వీడియో చూశారా ?.. ఆకట్టుకుంటున్న నాని హార్ట్ బ్రేక్ ఆంతెం..
ఇటీవలే షూటింగ్ కంప్లీట్ చేసుకున్న ఈ మూవీ మార్చి 30న ప్రేక్షకలు ముందుకు రానుంది. తెలుగుతోపాటు.. హిందీ, తమిళం, మలయాళం, కన్నడ భాషలలోనూ ఈ చిత్రాన్ని రిలీజ్ చేయనున్నారు చిత్రయూనిట్.
Updated on: Feb 27, 2023 | 9:04 AM
న్యాచురల్ స్టార్ నాని.. కీర్తి సురేష్ జంటగా నటిస్తోన్న లేటేస్ట్ చిత్రం దసరా. ఈ సినిమాతో డైరెక్టర్ శ్రీకాంత్ ఓదెల దర్శకుడిగా పరిచయం అవుతున్నారు. రా అండ్ విలేజ్ యాక్షన్ డ్రామాగా రాబోతున్న ఈ చిత్రంలో నాని అండ్ కీర్తి పక్కా మాస్ అవతారంలో కనిపించబోతున్నారు. ఇప్పటికే విడుదలైన పోస్టర్స్, టీజర్, సాంగ్స్ సినిమాపై మరింత క్యూరియాసిటిని పెంచేశాయి. ఇటీవలే షూటింగ్ కంప్లీట్ చేసుకున్న ఈ మూవీ మార్చి 30న ప్రేక్షకలు ముందుకు రానుంది. తెలుగుతోపాటు.. హిందీ, తమిళం, మలయాళం, కన్నడ భాషలలోనూ ఈ చిత్రాన్ని రిలీజ్ చేయనున్నారు చిత్రయూనిట్. ఇక ఇటీవల ప్రేమికుల రోజు సందర్భంగా ఈ మూవీ నుంచి విడుదలైన హార్ట్ బ్రేక్ ఆంతెం ఓరి వారి పాటకు మంచి రెస్పాన్స్ వచ్చిన సంగతి తెలిసిందే. తాజాగా ఈ సాంగ్ మేకింగ్ వీడియోను రిలీజ్ చేశారు మేకర్స్.
తాజాగా విడుదలైన హార్ట్ బ్రేక్ ఆంతెం ప్రేక్షకులను విశేషంగా ఆకట్టుకుంటుంది. ‘ఓరి వారి నీది గాదుర పోరి’ అంటూ ఈ పాట మొదలవుతోంది. సంతోష్ నారాయణ్ సంగీతం అందించిన ఈ బాణీకి శ్రీమణి సాహిత్యాన్ని అందించాడు. కథానాయకుడు తన విఫల ప్రేమ జ్ఞాపకాల్ని గుర్తుచేసుకుంటూ పడే మనోవేదనను ఈ పాట ఆవిష్కరిస్తుండగా.. తెలంగాణ యాసలో చాలా సరళమైన పదాలతో ప్రతి ఒక్కరినీ ఆకట్టుకునేలా ఈ పాట సాగింది.
ఈ మేకింగ్ వీడియోతోపాటు.. సాంగ్ ఎలా ఉండబోతుందనేది అర్థమవుతుంది. ఈ చిత్రానికి సంతోష్ నారాయణన్ సంగీతం అందిస్తుండగా.. ఎస్ఎల్వీ సినిమాస్ పతాకం పై సుధాకర్ చెరుకూరి నిర్మిస్తున్నారు. ఇందులో సముద్రఖని, సాయికుమార్, జరీనా వహాబ్ తదితరులు ఈ చిత్రంలో కీలక పాత్రలు పోషిస్తున్నారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
