Niharika Konidela: ప్రేమలో పడ్డానన్న నిహారిక.. మా మద్యలోకి రావొద్దు అంటూ పోస్ట్

మెగా ఫ్యామిలీ  నుంచి వచ్చిన ఏకైక హీరోయిన్ నిహారిక నాగబాబు కూతురు నిహారిక కెరీర్  బిగినింగ్ లో పలు షార్ట్ ఫిలిమ్స్ చేసింది. ఈ షార్ట్ ఫిలిమ్స్ ద్వారా నిహారికాకు మంచి క్రేజ్ వచ్చింది. నిహారిక చేసిన షార్ట్ ఫిలిమ్స్ ప్రేక్షకులను బాగా ఆకట్టుకున్నాయి . షార్ట్ ఫిలిమ్స్  ద్వారా వచ్చిన క్రేజ్ తోనే నిహారిక మెల్లగా హీరోయిన్ గా అడుగులేసింది. నాగశౌర్య హీరోగా ఒక మనసు అనే సినిమా చేసింది. కానీ ఈ సినిమా ప్రేక్షకులను ఆశించిన స్థాయిలో ఆకట్టుకోలేకపోయింది. కానీ ఈ సినిమాలో నిహారిక నటనకు విమర్శకుల ప్రశంసలు దక్కాయి. ఆతర్వాత వరుసగా హీరోయిన్ గా సినిమాలు చేసింది ఈ అమ్మడు. కానీ అనుకున్నంతగా గుర్తింపు తెచ్చుకోలేకపోయింది. ఆతర్వాత  నిర్మాణ రంగం వైపు అడుగులేసింది. ప్రొడ్యూసర్ గా మారి సినిమాలు చేసింది నిహారిక.

ఇదిలా ఉంటే నిహారిక చైతన్య జొన్నలగడ్డను వివాహం చేసుకున్న విషయం తెలిసిందే. వీరిది పెద్దలు కుదిర్చిన పెళ్లి.. కానీ ఈ పెళ్లి ఎక్కువ కాలం  నిలవలేదు. ఈ ఇద్దరూ 2023లో విడిపోతున్నట్టు అనౌన్స్ చేశారు. అయితే విడాకుల తర్వాత నిహారిక కెరీర్ పై ఫోకస్ పెట్టింది. సినిమాలను  నిర్మిస్తూ తన పని తాను చేసుకుంటూ దూసుకుపోతుంది. అయితే నిహారిక రెండో పెళ్లి గురించి ఎప్పటి నుంచో రూమర్స్ వినిపిస్తూనే ఉన్నాయి. ఆహీరోని పెళ్లి చేసుకోబోతుంది. ఈ ప్రొడ్యూసర్ కొడుకుతో పెళ్లి అంటూ ఏవేవో వార్తలు వచ్చాయి.

తాజాగా నిహారిక ప్రేమలో పడ్డాను అంటూ సోషల్ మీడియాలో చేసిన పోస్ట్ వైరల్ గా మారింది. అయితే నిహారిక ప్రేమలో పడింది ఓ బుడ్డోడితో అవును తన బెస్ట్ ఫ్రెండ్ అంబటి భార్గవి కొడుకు నిహారిక కోసం రాసిన ఓ లైన్ ను సోషల్ మీడియాలో షేర్ చేసింది. దానికి “మైనర్ పాస్‌పోస్ట్ నోట్‌బుక్. నేను అతడిని ప్రేమిస్తున్నాను. అంబటి భార్గవి మా ఫ్రెండ్‌షిప్ మధ్యలోకి నువ్వు రావద్దు. ఒకేనా థాంక్యూ’’ అంటూ రాసుకొచ్చింది నిహారిక. ఇప్పుడు ఈ పోస్ట్ సోషల్ మీడియాలో వైరల్ గా మారింది. కాగా నిహారిక ఇటీవలే కమిటీ కుర్రాళ్ళు అనే సినిమాను నిర్మించి డీసెంట్ హిట్ అనుకుంది. ఇక సోషల్ మీడియాలో యాక్టివ్ గా ఉంటూ రెగ్యులర్ గా ఫోటోలు, వీడియోలు షేర్ చేస్తుంది ఈ అమ్మడు.

Niharika