Chiranjeevi: చిరంజీవి సాయం చేయకపోతే నా కూతురు చదువు ఆగిపోయేది అంటున్న లంకేశ్వరుడు కో డైరెక్టర్

Chiranjeevi: సామాన్య కుటుంబం నుంచి సినిమాలపై ఆసక్తితో వెండితెరపై అడుగు పెట్టి.. స్వయంకృషితో స్టార్ హీరోగా ఎదిగిన మెగాస్టార్ చిరంజీవి.. ఎందరికో నేటి తరం నటీనటులకు ఆదర్శం. చిరంజీవి .. మంచి నటుడే కాదు.. మంచి మనసున్న మనిషి. ఎవరైనా కష్టంలో ఉన్నారని తెలిస్తే.. తప్పకుండా వారికి సాయం అందిస్తారు. ప్రకృతి భీభత్సం సృష్టించినప్పుడే కాదు.. ఎవరైనా అభిమానులు, తోటి నటీనటులు కష్టంలో ఉంటె నేనున్నా అంటూ ఆర్ధికంగా అండగా నిలబడతారు. కరోనా సమయంలో కూడా సినీ కార్మికులకు అండగా నిలబడిన చిరంజీవి తెలుగు రాష్ట్రాల్లో ఆక్సిజన్ బ్యాంకులను ఏర్పాటు చేశారు.

ఈ నేపథ్యంలో మెగాస్టార్ చిరంజీవి తన పిల్లల చదువు కోసం ఆర్ధిక సాయం అందించారని కో డైరెక్టర్ చెప్పారు. చిరంజీవి దాసరి నారాయణ రావు కాంబోలో తెరకెక్కిన లంకేశ్వరుడు సినిమాకు కో డైరెక్టర్‌గా పనిచేసిన ప్రభాకర్ చిరు చేసిన సాయం గురించి తెలిపారు. తాను కో డైరెక్టర్ నుంచి డైరెక్టర్ గా మారుతూ.. తీసిన ‘హెల్ప్ లైన్’ సినిమాని ఎవరూ రిలీజ్ చేయడానికి ముందుకు రాలేదని.. దీంతో ఈ సినిమాతో ద‌ర్శ‌క‌నిర్మాత‌గా చాలా న‌ష్ట‌పోయానని చెప్పారు. ఈ నేపథ్యంలో ఓ వైపు మా అబ్బాయి సీబీఐటీలో ఇంజినీరింగ్ కంప్లీట్ చేశాడు. రెండేళ్లంది. ఇక సర్టిఫికెట్ ఇవ్వాలంటే ఆ కాలేజీలో డబ్బులు కట్టాలి.. మరోవైపు మా పాప బీబీఏ ఫైన‌ల్ ఇయ‌ర్‌కి వ‌చ్చింది. 2.5 ల‌క్ష‌ల ఫీజు క‌డితేనే పరీక్షలు రాయగలదు.. దీంతో తాను చాలా చోట్ల డబ్బు కోసం ప్రయత్నించానని ఎక్కడా డబ్బులు దొరకలేదు.. దీంతో ఎవరిని సాయం అడగాలని అని ఆలోచిస్తుంటే.. ఇంతలో నా ఉద్యోగం పక్కన పెట్టు నాన్నా.. చెల్లి చదువు ఆగకుండా పరీక్ష ఫీజు కట్టు అని నా కుమారుడు చెప్పాడు.. దీంతో ఇద్దరి పిల్లల భవిష్యత్ కళ్ళ ముందు మెదిలింది. ఎలాగైనా డబ్బులు కట్టి.. వారి భవిష్యత్‌ను కాపాడాలని అని నేను ఆలోచిస్తూనే ఉన్న అని ప్రభాకర్ చెప్పారు.

ఈ విషయం చిరంజీవి దృష్టికి తీసుకుని వెళ్లాను.. ఆయన 30 ఏళ్ల క్రితం లంకేశ్వ‌రుడికి ప‌ని చేసిన‌ప్పుడు ఎంత ప్రేమ‌గా చూసుకున్నారో ఇప్పుడు కూడా అదే ప్రేమ‌ను క‌న‌బ‌రిచారు. తాను పిల్లల చదువు గురించి చెప్పిన వెంటనే చిరంజీవి స్పందించారు.. ఫీజు ఏర్పాటు చేశారని ప్రభాకర్ చెప్పారు. అప్పటి వరకూ కాలేజీ యాజమాన్యం ఫీజును ఇన్‌టైమ్‌లో క‌ట్ట‌లేక‌పోవ‌డంతో హాల్ టికెట్ ఇవ్వ‌లేమ‌ని అన్నారు. ఎప్పుడైతే చిరంజీవి సాయం చేశారని చెప్పానో వెంటనే అక్కడ స్టాఫ్ చాలా సాయం చేశారు.

గ‌జేంద్ర మోక్షంలో మొస‌లికి చిక్కిన గ‌జేంద్రుని కాపాడేందుకు వ‌చ్చిన మ‌హా విష్ణువులా చిరంజీవి న‌న్ను ఆదుకున్నారు.  నా క‌ష్టం విని రామ్ చ‌ర‌ణ్‌ సహా స్టాఫ్ కూడా అంతే సాయం చేశారు. నేను ఈరోజు ఇలా మాట్లాడానంటే దానికి చిరంజీవి .. రామ్ చ‌ర‌ణ్‌ చేసిన సాయమే కారణమని ప్రభాకర్ చెప్పారు.

Also Read: మార్షల్ ఆర్ట్స్‌లో తండ్రికి తగ్గ తనయుడు.. మెగావారసుడి కర్రసాము వీడియో వైరల్