Acharya Movie: మరోసారి సెట్స్ పైకి ఆచార్య.. ఊటీ బాట పట్టిన చిరు.. చరణ్.. కారణమేంటంటే..
మెగాస్టార్ చిరంజీవి రీఎంట్రీ తర్వాత బిజీగా గడిపేస్తున్నారు. ఇటీవల ఆచార్య షూటింగ్ పూర్తిచేసిన చిరు.. ప్రస్తుతం గాడ్ ఫాదర్ సినిమా షూటింగ్లో
Updated on: Sep 16, 2021 | 6:02 PM
మెగాస్టార్ చిరంజీవి రీఎంట్రీ తర్వాత బిజీగా గడిపేస్తున్నారు. ఇటీవల ఆచార్య షూటింగ్ పూర్తిచేసిన చిరు.. ప్రస్తుతం గాడ్ ఫాదర్ సినిమా షూటింగ్లో ఉన్నారు. మలయాళం సూపర్ హిట్ మూవీ లూసీఫర్ సినిమాకు తెలుగు రీమేక్గా ఈ సినిమాను తెరకెక్కిస్తున్నారు. అయితే ఈ మూవీ కంటే ముందు చిరు పూర్తిగా ఆచార్య సినిమాకు సమయం కేటాయించారు. ఈ మూవీకి కొరటాల శివ దర్శకత్వం వహించగా.. ఇందులో మెగా పవర్ స్టార్ రామ్ చరణ్ కీలక పాత్రలో నటించారు. ఇక సినిమాలో చిరుకు జోడిగా కాజల్ అగర్వాల్ హీరోయిన్గా నటిస్తుండగా.. చరణ్ సరసన పూజా హెగ్డే నటిస్తోంది. ఇటీవలే ఈ మూవీ షూటింగ్ పూర్తైంది. దీంతో అటు చరణ్ కూడా ఆర్ఆర్ఆర్ సినిమాతో బిజీగా ఉన్నారు. ఇదిలా ఉంటే.. తాజాగా చిరు, చరణ్ మరోసారి ఆచార్య సెట్కు వెళ్లనున్నారట. ఈ సినిమా షూటింగ్ మళ్లీ స్టా్ర్ట్ చేయనున్నారని టాక్ వినిపిస్తోంది.
ఈ సినిమాలో రెండు పాటలకు సంబంధించిన షూటింగ్ ఇంకా మిగిలే ఉందని.. చరణ్.. చిరు.. తమ తదుపరి సినిమాలతో బిజీగా ఉండడంతో రెండు పాటలను వాయిదా వేశారట. ఇప్పుడు ఈ పాటలకు తిరిగి షూట్ చేయాలని భావిస్తున్నాడట డైరెక్టర్. ఇందులో ఒక పాటను ఊటీలో చిత్రీకరిస్తారని.. మరో పాటను హైదరాబాద్ శివార్లలో షూట్ చేయనున్నట్లుగా సమాచారం. ఇప్పటికే హైదరాబాద్ శివార్లలో ప్రత్యేకంగా సెట్ కూడా రూపొందించినట్లు తెలుస్తోంది. ఈ సెట్లో చిరు, చరణ్లపై ఓ సాంగ్ షూటింగ్ను నిర్వహించబోతున్నాడట. మరో పాట షూటింగ్ చరణ్-పూజా హెగ్డేలపై జరగనుందని, వచ్చే వారం ఈ పాట షూటింగ్ను జరపనున్నట్లు సమాచారం. ఈ నెల చివరి నాటికి ఈ రెండు పాటల షూటింగ్ కంప్లీట్ చేయాలని చూస్తున్నారట మేకర్స్. ఈ మూవీని కొణిదెల ప్రొడక్షన్ సమర్పణలో మ్యాట్నీ ఎంటర్టైన్మెంట్ బ్యానర్ పై నిరంజన్ రెడ్డి ఈ మూవీని నిర్మిస్తున్నారు. ఇక ఈ మూవీకి మణిశర్మ సంగీతం అందిస్తున్నారు.
