Ram Charan: చరణ్- బుచ్చిబాబు సినిమా దిమ్మతిరిగే బడ్జెట్.. ఎంతో తెలిస్తే అవాక్ అవ్వాల్సిందే
ఇప్పుడు బ్యాక్ టు బ్యాక్ సినిమాలను లైనప్ చేశాడు చరణ్. వీటిలో ప్రస్తుతం శంకర్ దర్శకత్వంలో చేస్తోన్న సినిమా సెట్స్ పైన ఉంది. ఈ సినిమా షూటింగ్ ఇప్పటికే మొదటి షెడ్యూల్ ను పూర్తి చేసుకొని సెకండ్ షెడ్యూల్ కు రెడీ అవుతోంది.
Updated on: Dec 12, 2022 | 6:47 AM
ఇటీవలే ఆర్ఆర్ఆర్ సినిమాతో సాలిడ్ హిట్ అందుకున్నాడు మెగా పవర్ స్టార్ రామ్ చరణ్. దర్శక ధీరుడు రాజమౌళి తెరకెక్కించిన ఈ పాన్ ఇండియా మూవీ భారీ విజయాన్ని సొంతం చేసుకుంది. ఇక ఇప్పుడు బ్యాక్ టు బ్యాక్ సినిమాలను లైనప్ చేశాడు చరణ్. వీటిలో ప్రస్తుతం శంకర్ దర్శకత్వంలో చేస్తోన్న సినిమా సెట్స్ పైన ఉంది. ఈ సినిమా షూటింగ్ ఇప్పటికే మొదటి షెడ్యూల్ ను పూర్తి చేసుకొని సెకండ్ షెడ్యూల్ కు రెడీ అవుతోంది. ఈ సినిమాలో బాలీవుడ్ బ్యూటీ కియారా అద్వానీ హీరోయిన్ గా నటిస్తోంది. పొలిటికల్ డ్రామాగా ఈ సినిమాను తెరకెక్కిస్తున్నారు శంకర్. అలాగే ఈ సినిమాలో చరణ్ డ్యూయల్ రోల్ లో కనిపించనున్నారని తెలుస్తోంది. సునీల్, శ్రీకాంత్, అంజలి కీలక పాత్రలో కనిపించనున్నారు. ఈ సినిమా తో పాటు ఉప్పెన దర్శకుడు బుచ్చిబాబు దర్శకత్వంలో కూడా సినిమా చేస్తున్నారు చరణ్.
ఇటీవలే ఈ సినిమాను అఫీషియల్ గా అనౌన్స్ చేశారు. మెగా పవర్ స్టార్ రామ్ చరణ్ తో బుచ్చిబాబు ఒక సినిమాను అనౌన్స్ చేశారు. గతంలో గౌతమ్ తిన్ననూరి తో రామ్ చరణ్ 16వ సినిమా ఉంటుందని అందరూ అనుకున్నారు. అయితే కొన్ని కారణాల వల్ల ఆ సినిమా క్యాన్సిల్ అవ్వడంతో రామ్ చరణ్ బుచ్చి బాబుకు ఛాన్స్ ఇచ్చారు. ఈ మేరకు సోషల్ మీడియాలో ‘‘బుచ్చిబాబు, అతని టీమ్ తో కలసి పని చేయడానికి ఎదురు చూస్తున్నాను’’ అంటూ రామ్ చరణ్ ట్వీట్ కూడా చేశారు. తాజాగా ఈ సినిమాకుసంబందించిన ఓ వార్త సోషల్ మీడియాలో వైరల్ అవుతోంది.
చరణ్ బుచ్చిబాబు కాంబో మూవీని కొత్త నిర్మాతలు నిర్మిస్తుండగా ఈ సినిమా కోసం నిర్మాతలు ఏకంగా 250 కోట్ల రూపాయలు ఖర్చు చేయనున్నారని తెలుస్తోంది. ఈ సినిమాను పాన్ ఇండియా మూవీగా తెరకెక్కిస్తున్నారట. తొలి సినిమాతో వందకోట్ల వరకు వసూల్ చేసిన బుచ్చిబాబును నమ్మి మేకర్స్ ఇంత భారీ బడ్జెట్ పెడుతున్నారని తెలుస్తోంది. మరి ఈ సినిమా ఎలా ఉండబోతుందో చూడాలి.
