Mahesh Babu : మహేష్ బాబు త్రివిక్రమ్ సినిమాకు ఇంట్రస్టింగ్ టైటిల్.. సోషల్ మీడియాలో చక్కర్లు..

Mahesh Babu : సువర్ స్టార్ మహేష్ బాబు సినిమాలకున్న క్రేజ్ గురించి ప్రత్యేకంగా చెప్పాల్సిన అవసరం లేదు. ప్రస్తుతం సర్కారు వారిపాట సినిమా షూటింగ్‌‌‌లో ఉన్నాడు మహేష్. గీతగోవిందం సినిమాతో  మంచి విజయాన్ని అందుకున్న పరశురామ్ ఈ సినిమాకు దర్శకత్వం వహిస్తోన్నాడు. బ్యాంకింగ్ రంగంలో జరిగే మోసాల నేపథ్యంలో ఈ సినిమా తెరకెక్కుతోందని తెలుస్తోంది. సర్కారువారి పాట సినిమాలో మహేష్ అల్ట్రా స్టైలిష్‌‌‌‌గా కనిపించనున్నారు. ఇప్పటికే విడుదలైన ఈ సినిమా ప్రీ లుక్ పోస్టర్లు ప్రేక్షకులను ఆకట్టుకున్నాయి. మహేష్‌‌‌‌కు జోడిగా అందాల భామ కీర్తిసురేష్ నటిస్తోంది. ఈ సినిమా తర్వాత మాటల మాంత్రికుడు త్రివిక్రమ్‌‌‌తో సినిమా చేయనున్నాడు సూపర్ స్టార్. గతంలో ఈ ఇద్దరి కాంబినేషన్‌‌‌‌‌లో రెండు సినిమాలు వచ్చిన విషయం తెలిసిందే. ఇప్పుడు ఈ హ్యాట్రిక్ సినిమాకోసం సూపర్ స్టార్ అభిమానులంతా ఎంతో ఆసక్తిగా ఎదురుచూస్తోన్నరు.

త్రివిక్రమ్ తెరకెక్కించిన అతడు, ఖలేజా సినిమాలు ప్రేక్షకులను ఆకట్టుకున్నాయి. ఈ రెండు సినిమాలు థియేటర్స్‌‌‌‌లో పెద్దగా ఆడకపోయినా.. టీవీలో మాత్రం విపరీతమైన రెస్పాన్స్ తెచ్చుకున్నాయి. ఇక త్రివిక్రమ్ మహేష్‌‌‌‌తో ఎలాంటి సినిమాను తెరకెక్కించబోతున్నాడు అన్నది ఇప్పుడు ఆసక్తిగా మారింది. అయితే ఈ సినిమా పక్క ఫ్యామిలీ ఎంటర్టైనర్ గీతా తెరకెక్కబోతుందన్న టాక్ నడుస్తోంది. అలాగే మహేష్ బాబు ద్విపాత్రాభినయం చేయబోతున్నాడట. ఇదిలా ఉంటే ఈ సినిమా టైటిల్ ఇదే అంటూ రెండు మూడు పేర్లు సోషల్ మీడియాలో చక్కర్లు కొడుతోన్నాయి. తాజాగా మరో టైటిల్ వినిపిస్తోంది. అతడే పార్థు అనే టైటిల్‌‌‌ను ఈ సినిమా కోసం పరిశీలిస్తోన్నారని వార్తలు వినిపిస్తోన్నాయి. కాని ఈ విషయంలో మాత్రం యూనిట్ సభ్యుల నుండి క్లారిటీ రావాల్సి ఉంది.

మరిన్ని ఇక్కడ చదవండి : 

Nayanthara : మెగాస్టార్ సినిమాలో నయన్.. పాత్ర చిన్నదైనా పారితోషికం భారీగానే..

SreeMukhi : కొంటె చూపుతో కవ్విస్తున్న శ్రీముఖి.. సోషల్ మీడియాలో చక్కర్లు కొడుతోన్న ఫోటోలు

నాలుగు కాకపోతే నలభై పెళ్లిళ్లు చేసుకుంటా మీకెందుకు.. పద్దతిగా చేసుకున్నా తప్పేనా: వనితా విజయ్ కుమార్