నాలుగు కాకపోతే నలభై పెళ్లిళ్లు చేసుకుంటా మీకెందుకు.. పద్దతిగా చేసుకున్నా తప్పేనా: వనితా విజయ్ కుమార్

ఇటీవల వివాదాలతో వార్తల్లో నిలిచినా వనితా విజయ్ కుమార్ మరోసారి సంచలన వ్యాఖ్యలు చేశారు. ఇటీవల ఆమె నాలుగో పెళ్లి చేసుకున్నారంటూ వార్తలు..

Rajeev Rayala |

Updated on: Jul 25, 2021 | 9:57 PM

ఇటీవల వివాదాలతో వార్తల్లో నిలిచిన వనితా విజయ్ కుమార్ మరోసారి సంచలన వ్యాఖ్యలు చేశారు. ఇటీవల ఆమె నాలుగో పెళ్లి చేసుకున్నారంటూ వార్తలు హల్‌‌‌‌చల్ చేసిన విషయం తెలిసిందే. ఈ మేరకు ఆమె తమిళ్ నాడు పవర్ స్టార్‌‌‌గా పిలవబడే శ్రీనివాసన్‌‌‌‌తో ఓ ఫోటోను షేర్ చేశారు. ఈ ఫోటో క్షణాల్లో సోషల్ మీడియాలో వైరల్ అయ్యింది. నెటిజన్లు ఈ రకరకాల కామెంట్ల ఆడేసుకున్నారు. ట్రోల్స్‌‌‌‌తో రచ్చరచ్చ చేస్తోన్నారు. అయితే శ్రీనివాసన్ వనితా దండాలు మార్చుకుంటున్న ఫోటోను వనితానే స్వయంగా సోషల్ మీడియాలో పోస్ట్ చేశారు. దాంతో ట్రోల్స్ మొదలయ్యాయి. ఇక ఈ ఫోటో పై వనితా మీడియా ముందుకు వచ్చి వివరణ ఇచ్చారు. తాను ఎవరిని పెళ్లి చేసుకోలేదంటూ క్లారిటీ ఇచ్చారు. అటు శ్రీనివాసన్ కూడా మీడియా ముందుకు వచ్చి ఈ వార్తలపై క్లారిటీ ఇచ్చారు. తాము ఇద్దరం కలిసి ఒక సినిమాను చేస్తున్నాం. ఆ సినిమాకు సంబంధించిన ఫొటో అది అని చెప్పుకొచ్చింది.

అయినా ఫొటోలు బయటకు వచ్చినంత మాత్రానా పెళ్లి చేసుకున్నట్లేనా..? అంటూ వనితా ప్రశ్నించింది. శ్రీనివాసన్ స్పందిస్తూ.. తామిద్దరం కలిసి నటిస్తున్న సినిమాలోని స్టైల్ అది అని, త్వరలోనే ఆ సినిమా ప్రేక్షకులు ముందుకు తీసుకురాబోతున్నామని తెలిపారు. ఇక నెటిజన్స్ పై వనిత అసహనం వ్యక్తం చేసింది. అక్రమ సంబంధాలు పెట్టుకున్న వారిని పట్టించుకోని ఈ జనాలు పద్దతిగా పెళ్లి చేసుకుంటే ఎందుకు విమర్శలు చేస్తున్నారు అంటూ వనితా సీరియస్ అయింది. తాను నాలుగు అయిదు కాదు నలబై పెళ్లిలు చేసుకుంటాను. అది నా వ్యక్తిగత విషయం. అందుకు ఎవరు కూడా మాట్లాడాల్సిన అవసరం లేదు అంటూ గరంగరంగా స్పందించింది వనితా.

మరిన్ని ఇక్కడ చదవండి :