Pawan- Mahesh: పవన్‌కు ప్రియురాలిగా.. మహేష్‌కు తల్లిగా నటించిన హీరోయిన్ ఎవరో తెలుసా? ఇప్పుడు టీచర్‌గా..

పవర్ స్టార్ పవన్ కల్యాణ్, సూపర్ స్టార్ మహేష్ బాబు.. ప్రస్తుతం టాలీవుడ్ లో ఉన్న టాప్ మోస్ట్ హీరోలు. టాక్ తో అసలు సంబంధం లేకుండా కలెక్షన్ల వర్షం కురిపిస్తుంటాయి ఈ హీరోల సినిమాలు. బాక్సాఫీస్ రికార్డులు తిరగరాయడంలో ఎవరికి వారే సాటి.

Pawan Kalyan, Mahesh Babu

Basha Shek |

Updated on: May 09, 2025 | 11:55 AM

పవన్ కల్యాణ్, మహేష్ బాబు.. ప్రస్తుతం ఇద్దరూ టాలీవుడ్ లో టాప్ హీరోలుగ కొనసాగుతున్నారు. వీరి సినిమాలకు టాక్ తో సంబంధం లేదు. కొంచెం పాజిటివ్ టాక్ వచ్చినా చాలు బాక్సాఫీస్ రికార్డులు బద్దలవుతుంటాయి. తమ నటనతో కోట్లాది మంది అభిమానులను సొంతం చేసుకున్నారీ టాలీవుడ్ స్టార్స్. ప్రస్తుతం పవన్ కల్యాణ్ రాజకీయాల్లో బిజీగా ఉండటంతో సినిమాలు తీయట్లేదు. ఒక వేళ మళ్లీ సినిమాలపై పూర్తి దృష్టి సారిస్తే మాత్రం ఇప్పుడున్న పాన్ ఇండియా రికార్డులు సైతం బద్దలవుతాయి. ప్రస్తుతం పవన్ చేతిలో మూడు, నాలుగు సినిమాలు ఉన్నాయి. వీటిని పూర్తి చేయడం పైనే పవన్ దృష్టంతా ఉంది. ఇక మహేష్ బాబు ప్రస్తుతం దర్శక ధీరుడు రాజమౌళి సినిమాతో బిజీగా ఉంటున్నాడు. పాన్ వరల్డ్ వైడ్ రేంజ్ లో ఈ సినిమా తెరకెక్కుతోంది. ప్రస్తుతం అందరి దృష్టి ఈ మూవీ పైనే ఉంది. ఇదిలా ఉంటే పవన్ కల్యాణ్ కు ప్రియురాలిగా నటించిన ఓ హీరోయిన్ కాలక్రమేణా తర్వాతి కాలంలో మహేష్ బాబుకు తల్లిగా నటించింది. అంతే కాదు జూనియర్ ఎన్టీఆర్ నటించిన రెండు బ్లాక్ బస్టర్ మూవీస్ లోనూ నటించింది. ఈ రెండు సినిమాల్లోనూ ఎన్టీఆర్ కు తల్లిగానే ఆమె నటించింది.అదే ఓ సినిమాలో నందమూరి బాలకృష్ణకు సోదరిగా నటించింది. ఈ హీరోయిన్ ఇప్పుడు పెద్దగా సినిమాలు చేయట్లేదు కానీ.. టీచర్ గా పిల్లలకు పాఠాలు చెబుతూ బిజి బిజీగా ఉంటోంది. మరి ఆ హీరోయిన్ ఎవరో తెలుసా? తను మరెవరో కాదు దేవయాని.. అదేనండి.. పవన్ కల్యాణ్ నటించిన సుస్వాగతం సినిమా హీరోయిన్ దేవయాని.

సుస్వాగతంలో పవన్ కు లవర్ గా నటించి మెప్పించింది దేవయాని. అయితే దీని తర్వాత తెలుగులో పెద్దగా సినిమాలు చేయలేదీ అందాల తార. తిరిగి సెకెండ్ ఇన్నింగ్స్ లో చెన్నకేశవ రెడ్డి సినిమాలో బాలయ్య బాబుకు చెల్లెలిగా చేసింది. ఆ తర్వాత నాని సినిమాలో మహేష్ బాబుకు అమ్మగా నటించింది. ఇందులో ఇందిరా దేవిగా దేవయాని అభినయం విమర్శకుల ప్రశంసలు అందుకుంది.

ఇవి కూడా చదవండి

దేవయాని లేటెస్ట్ ఫొటోస్..

View this post on Instagram

A post shared by Devayani Rajakumaran (@devayani_raajakumaran)

ఇక జనతా గ్యారేజ్ సినిమాలో మోహన్ లాల్ భార్యగా, ఎన్టీఆర్ పెద్దమ్మగా నటించింది దేవయాని. అదే ఎన్టీఆర్‌కు అరవింద సమేత సినిమాలో తల్లిగా నటించిందీ అందాల తార. ఈ రెండు సినిమాలు కూడా బ్లాక్ బస్టర్స్ అయ్యాయి.