Adipurush: ఆదిపురుష్లో హనుమంతుడిగా నటించింది ఎవరో తెలుసా ?.. మూవీలో అతనే కీలకం..
రాముడిగా ప్రభాస్ కనిపించగా.. సైఫ్ అలీఖాన్ రావణుడిగా.. సీత పాత్రలో కృతి సనన్ కనిపించింది. అయితే వీరి ముగ్గురి గురించి ప్రేక్షకుల గతంలోనే తెలుసు.
Updated on: Oct 03, 2022 | 10:20 AM
దేశవ్యాప్తంగా సినీ ప్రియులు ఎప్పుడెప్పుడా అని ఎదురుచూస్తున్న ఆదిపురుష్ టీజర్ వచ్చేసింది. ఆదివారం సాయంత్రం అయోధ్యలోని సరయు నది తీరాన గ్రాండ్గా విడుదల చేశారు. రిలీజ్ అయిన కాసేపట్లోనే ఈ టీజర్ కు మంచి రెస్పాన్స్ వచ్చింది. ఇందులో రాముడిగా ప్రభాస్ కనిపించగా.. సైఫ్ అలీఖాన్ రావణుడిగా.. సీత పాత్రలో కృతి సనన్ కనిపించింది. అయితే వీరి ముగ్గురి గురించి ప్రేక్షకుల గతంలోనే తెలుసు. అలాగే వీరంతా సుపరిచితం కావడంతో ఆడియన్స్ సైతం వీరి నటన పై అవగాహన ఉంది. అయితే ఆదిపురుష్ టీజర్లో హనుమంతుడు స్పెషల్ అట్రాక్షన్ అయ్యాడు. ఇప్పటివరకు కేవలం ప్రధాన పాత్రలను మాత్రమే పరిచయం చేసిన డైరెక్టర్ ఓంరౌత్.. హనుమంతుడి పాత్రలో ఎవరు నటిస్తున్నారనేది చెప్పలేదు. ఇక తాజాగా విడుదలైన టీజర్లో హనుమంతుడిగా కనిపించింది ఎవరా ? అంటూ నెట్టింట చర్చ మొదలైంది.
హనుమంతుడిగా కనిపించిన అతడి పేరు దేవదత్త గజానన్ నాగే. మరాఠీ సీరియల్స్.. సినిమాల్లో నటించి గుర్తింపు తెచ్చుకున్నారు. ముఖ్యంగా జై మల్హర్ సీరియల్లో లార్డ్ కండోబా పాత్రలో నటించి ప్రేక్షకులకు దగ్గరయ్యారు. అలాగే వీర్ శివాజీ, దేవయాని, బాజీరావ్ మస్తానీ చిత్రాల్లో నటించారు. ఇక ఇప్పుడు భారీ బడ్జెట్ తో రూపొందుతున్న ఆదిపురుష్ చిత్రంలో కీలకపాత్రలో కనిపించనున్నాడు. ఇక లేటేస్ట్ టాక్ ప్రకారం ఈ మూవీలో అతని పాత్ర మరింత కీలకంగా ఉండనుందట.
డైరెక్టర్ ఓంరౌత్ తెరకెక్కించిన తాన్హాజీ.. ది అన్ సంగ్ వారియర్ చిత్రంలో సూర్యాజీ మలుసరే పాత్రలో నటించారు. తనకు హనుమంతుడితో ప్రత్యేక అనుబంధం ఉందని.. 17 ఏళ్ల వయసులో తాను వర్కవుట్ చేయడం ప్రారంభించి.. తన తొలి జిమ్ సెంటర్ కు హనుమాన్ వ్యాయమశాల అని పేరు పెట్టినట్లు గతంలో ఓ ఇంటర్వ్యూలో చెప్పుకొచ్చారు దేవదత్తా. ఆదిపురుష్ చిత్రంలో హనుమంతుడిగా అవకాశం రావడం సంతోషంగా ఉందన్నారు. తన పాత్ర కోసం శరీరాకృతిని పూర్తిగా మార్చుకున్నట్లు చెప్పుకొచ్చారు. ఆదిపురుష్ సినిమా ద్వారా, ప్రభాస్, సన్నీ సింగ్, కృతి సనన్ తనకు మంచి స్నేహితులు అయ్యారని చెప్పుకొచ్చారు దేవదత్తా.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
