Trisha: ‘ఆ కారణంతో నవల పూర్తిగా చదివాను’.. పొన్నియిన్ సెల్వన్ పై త్రిష ఇంట్రెస్టింగ్ కామెంట్స్..
సక్సెస్ ఫుల్ డైరెక్టర్ మణిరత్నం డ్రీమ్ ప్రాజెక్ట్ గా వచ్చిన ఈ మూవీలో విక్రమ్ చియాన్, ఐశ్వర్యరాయ్, కార్తి, జయం రవి, శోభితా ధూళిపాళ్ల ప్రధాన పాత్రలలో నటించగా.. ఏఆర్ రెహమాన్ సంగీతం అందించారు.
Updated on: Oct 03, 2022 | 8:20 AM
నాలుగు పదుల వయసులోనూ ఇప్పటి యువకథానాయికలకు పోటీనిస్తుంది హీరోయిన్ త్రిష. ఎన్నో సూపర్ హిట్ చిత్రాల్లో నటించి తనకంటూ ప్రత్యేక ఇమేజ్ తెచ్చుకున్న ఈ అమ్మడు.. చాలా కాలం సినిమాకు దూరంగా ఉంది. ఇటీవలే 96 సినిమాతో రీఎంట్రీ ఇచ్చింది. ప్రస్తుతం డైరెక్టర్ మణిరత్నం తెరకెక్కించిన పొన్నియిన్ సెల్వన్ చిత్రంలో నటించింది. ఇందులో త్రిష యువరాణి కుందవై పాత్రలో కనిపించి మెప్పించింది. సెప్టెంబర్ 30న ప్రేక్షకుల ముందుకు వచ్చిన ఈ సినిమా బ్లాక్ బస్టర్ హిట్ అందుకుంది. విడుదలైన మూడు రోజుల్లోనే రూ. 100 కోట్ల క్లబ్లోకి చేరింది. ఈ సినిమాకు అన్ని వర్గాల ప్రేక్షకుల నుంచి అద్భుతమైన రెస్పాన్స్ వస్తోంది. తాను నటించిన కుందవై పాత్ర గురించి తెలుసుకునేందుకు త్రిష.. రచయిత కల్కి రాసిన పొన్నియిన్ సెల్వన్ పుస్తకం మొత్తం చదివినట్లు తెలిపింది.
ఇటీవల ఓ ఇంటర్వ్యూలో పాల్గొన్న త్రిష మాట్లాడుతూ.. పొన్నియిన్ సెల్వన్ పార్ట్ 1 సినిమా షూటింగ్ ప్రారంభం కాగానే.. ప్రపంచం మొత్తం కరోనా కారణంగా లాక్ డౌన్ లోకి వెళ్లిపోయింది. దీంతో నేను నా ఖాళీ సమయాన్ని రచయిత కల్కి రాసిన పొన్నియిన్ సెల్వన్ పుస్తకం మొత్తం చదివాను. ఆ పుస్తకం పూర్తిగా భాగాలు ఉన్నాయి. చరిత్రకు సంబంధించిన పుస్తకాలను చదవడం కష్టమని నేను భావిస్తాను. కానీ ఆ నవల మాత్రం చాలా ఆసక్తిగా ఉంది. ఒక పుస్తకం అయిపోగానే మరొక పుస్తకం స్టార్ట్ చేశాను. నాకు ఆశ్చర్యమైన విషయం ఏంటంటే.. 5 భాగాలున్నా పుస్తకాన్ని కేవలం రెండు భాగాల్లో చూపించడానికి ప్రయత్నం చేస్తున్నారు. ఇది నాకు ఊహకు అందని విషయం అంటూ చెప్పుకొచ్చింది త్రిష.
సక్సెస్ ఫుల్ డైరెక్టర్ మణిరత్నం డ్రీమ్ ప్రాజెక్ట్ గా వచ్చిన ఈ మూవీలో విక్రమ్ చియాన్, ఐశ్వర్యరాయ్, కార్తి, జయం రవి, శోభితా ధూళిపాళ్ల ప్రధాన పాత్రలలో నటించగా.. ఏఆర్ రెహమాన్ సంగీతం అందించారు.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
