Dacoit Trailer: దుమ్మురేపిన డెకాయిట్ ట్రైలర్.. అడవి శేష్ ఇరగదీశాడబ్బా..!

యంగ్ హీరో అడవి శేష్ నటిస్తున్న లేటెస్ట్ మూవీ డెకాయిట్. వరుస విజయాలతో దూసుకుపోతున్నాడు అడవి శేష్. విభిన్నమైన కథలను ఎంచుకుంటూ సినిమాలు చేస్తూ ప్రేక్షకులను ఆకట్టుకుంటున్నాడు. ఈ క్రమంలోనే ఇప్పుడు డెకాయిట్ అనే సినిమాతో ప్రేక్షకుల ముందుకు రానున్నాడు. ఈ సినిమా నుంచి తాజాగా ట్రైలర్ విడుదల చేశారు. ఈ సినిమా ట్రైలర్ సినిమా పై అంచనాలు పెంచేసింది.

డెకాయిట్ కథ ఒక మాజీ ప్రేమ జంట చుట్టూ తిరుగుతుంది. ఒకప్పుడు ఒకరినొకరు ప్రేమించిన ఈ జంట, అనుకోని పరిస్థితుల వల్ల విడిపోతారు. ఆ తర్వాత జరిగిన సంఘటనల వల్ల ఒకరు జైలుకి వెళ్ళడం, మరొకరి ద్రోహం వంటి అంశాల చుట్టూ ఈ సినిమా తిరుగుతుందని ట్రైలర్ చూస్తే అర్ధమవుతుంది.  ఇక ట్రైలర్ లో స్టంట్స్ చాలా నేచురల్‌గా ఉండటం, సినిమాకు ఒక హాలీవుడ్ తరహా ఫీల్ ఇస్తుంది. ట్రైలర్‌లో బ్యాక్‌గ్రౌండ్ స్కోర్ చాలా కీలక పాత్ర పోషించింది. డార్క్ టోన్‌కు సరిపోయేలా మ్యూజిక్ ఉండటం వల్ల ప్రతి సీన్ మరింత ఇంపాక్ట్‌ఫుల్‌గా కనిపిస్తుంది. విజువల్స్ కూడా స్టైలిష్‌గా, ఇంటెన్స్‌గా ఉండటం సినిమా క్వాలిటీని తెలియజేస్తుంది.ఈ ట్రైలర్ చూసిన తర్వాత, సినిమా మీద ప్రేక్షకుల్లో ఆసక్తి మరింత పెరిగిందని చెప్పాలి.

ఇక అడవి శేష్‌కు జోడీగా ఈ సినిమాలో మృణాల్ ఠాకూర్ హీరోయిన్ గా నటిస్తుంది. షానీల్ డియో ఈ సినిమాకు దర్శకత్వం వహిస్తున్నాడు. అన్నపూర్ణ స్టూడియోస్ & సోనీ పిక్చర్స్ ఈ సినిమాను తెరకెక్కిస్తున్నారు. పాన్ ఇండియా లెవల్ లో ఈ సినిమాను తెరకెక్కిస్తున్నారు. ఏప్రిల్ 10న డెకాయిట్ సినిమా గ్రాండ్ గా విడుదలకానుంది.

మరిన్ని సినిమా వార్తల కోసం ఇక్కడ క్లిక్ చేయండి.