Thalapathy vijay : దళపతి విజయ్ చివరి సినిమాలో ఆ స్టార్ హీరో కూడా.. ఆయన ఎవరంటే

విజయ్ 68వ చిత్రం ‘ది గ్రేటెస్ట్ ఆఫ్ ఆల్ టైమ్’ సెప్టెంబర్ 5న థియేటర్లలో విడుదలై భారీ వసూళ్లను రాబట్టింది. ఇప్పుడు ఈ సినిమా ఓటీటీలోనూ ఆకట్టుకుంటుంది.  ఈ చిత్రంలో విజయ్ తండ్రీ కొడుకులుగా రెండు పాత్రలు పోషించారు. చాలా కాలంగా సీరియస్ క్యారెక్టర్స్ చేస్తున్న విజయ్ ఈ సినిమాలో కామెడీ, ప్రేమ, డ్యాన్స్, ఎమోషన్, డైలాగ్ డెలివరీలో మాస్ చూపించాడు. విజయ్ డ్యాన్స్, డైలాగ్ డెలివరీలో అదరగొట్టాడు. ముఖ్యంగా విజయ్ స్క్రీన్ ప్రెజెన్స్ అంతా విజయ్ ఫ్యాన్స్ కి ఫుల్ కిక్ ఇచ్చింది. ఈ చిత్రంలో విజయ్‌తో పాటు స్నేహ, మీనాక్షి చౌదరి, లైలా, ప్రభుదేవా, ప్రశాంత్, వైభవ్, ప్రేమ్‌జీ అజ్మల్, అమీర్, మోహన్ వంటి పలువురు నటీనటులు నటించారు. AGS ఎంటర్‌టైన్‌మెంట్‌ బ్యానర్ లో అర్చన కల్పాతి ఈ చిత్రాన్ని నిర్మించారు. ఈ చిత్రానికి సంగీతదర్శకుడు యువన్ శంకర్ రాజా సంగీతం అందించారు.

కాగా దళపతి విజయ్ క్రియాశీల రాజకీయాల్లో చేరబోతున్నట్లు  ప్రకటించారు. అలాగే ఓ భారీ సభను కూడా నిర్వహించారు. తన చివరి చిత్రం దళపతి 69తో నటనకు స్వస్తి చెప్పబోతున్నాడని అంటున్నారు. దీంతో దళపతి 69పై అభిమానుల్లో అంచనాలు పెరిగాయి. ఈ నేప‌థ్యంలో సినిమా గురించిన అప్‌డేట్‌లు కంటిన్యూగా వస్తుండడం అభిమానుల్లో ఉత్కంఠ మరింత ఎక్కువవవుతుంది.

విజయ్ ఆఖరి చిత్రానికి దర్శకుడు హెచ్.వినోద్ దర్శకత్వం వహిస్తున్నారు. విజయ్ 69వ చిత్రంగా రూపొందుతున్న ఈ చిత్రాన్ని కెవిఎన్ నిర్మిస్తున్నారు. ఈ సంస్థ నిర్మించిన తొలి తమిళ చిత్రం ఇదే. విజయ్‌తో పాటు పూజా హెగ్డే, గౌతమ్ వాసుదేవ్ మీనన్, ప్రియమణి, బాబీ డియోల్, మమితా బైజు, నరేన్ తదితరులు ఈ చిత్రంలో చేరినట్లు ప్రొడక్షన్ హౌస్ అధికారికంగా ప్రకటించింది. వీరితో పాటు ఇప్పుడు ఈ సినిమాలో మరో స్టార్ హీరో కూడా నటిస్తున్నారని తెలుస్తోంది. ఈ చిత్రంలో ప్రముఖ కన్నడ నటుడు శివరాజ్ కుమార్ అతిధి పాత్రలో నటించనున్నట్టు వార్తలు వస్తున్నాయి. ఇంతకుముందు రజనీకాంత్‌తో జైలర్‌, ధనుష్‌తో కలిసి కెప్టెన్‌ మిల్లర్‌ చిత్రాల్లో శివకుమార్ నటించారు. ఈ సినిమాకు అనిరుద్ సంగీతం అందించనున్నారు.

మరిన్ని సినిమా వార్తల కోసం ఇక్కడ క్లిక్ చేయండి.