Kichcha Sudeep: హీరో కిచ్చా సుదీప్ ఇంట్లో విషాదం.. తల్లి సరోజ కన్నుమూత..
కన్నడ స్టార్ హీరో సుదీప్ తల్లి సరోజ కన్నుమూసింది. కొన్నాళ్లుగా అనారోగ్య సమస్యలతో బాధపడుతున్న ఆమె నిన్న ఉదయం జయనగర్ లోని అపోలో ఆసుపత్రిలోని చేరింది. చికిత్స తీసుకుంటూ ఈరోజు ఉదయం 7 గంటలకు తుదిశ్వాస విడిచింది.
కన్నడ స్టార్ హీరో కిచ్చా సుదీప్ ఇంట్లో విషాదం చోటు చేసుకుంది. కొన్నాళ్లుగా వృద్ధాప్య సంబంధిత అనారోగ్య సమస్యలతో బాధపడుతున్నారు. కొన్ని రోజులుగా జయనగర్‌లోని అపోలో ఆసుపత్రిలో చికిత్స తీసుకుంటున్న సుదీప్ తల్లి సరోజ ఈరోజు ఉదయం 7 గంటలకు తుదిశ్వాస విడిచారు. ఆమె వయసు 86 సంవత్సరాలు. ఆరోజు మధ్యాహ్నం 12 గంటలకు సరోజ పార్థివదేహాన్ని జేపీ నగర్లోని సుదీప్ నివాసానికి తీసుకురానున్నారు. తన తల్లి అనారోగ్యం కారణంగా, సుదీప్ నిన్న తెల్లవారుజామున బిగ్ బాస్ షూటింగ్ పూర్తి చేసాడు. సుదీప్ తల్లి సరోజ మృతి పట్ల సినీ ప్రముఖులు, అభిమానులు సంతాపం వ్యక్తం చేశారు. ఇటీవలే బిగ్ బాస్ వేదికపై తన తల్లిని గుర్తుచేసుకున్నాడు సుదీప్. ఈ సీజన్ ఫస్ట్ వీకెండ్ లో షేర్వాణీ వేసుకుని చెప్పులు లేకుండా వచ్చాడు సుదీప్. నవరాత్రి కావడంతో ఇలా చెప్పులు లేకుండా వచ్చానని చెబుతూ.. నవరాత్రులకు ఇలా ఉంటున్నానని తన తల్లికి చెబుతున్నట్లు కెమెరావైపు చూపించాడు.
సుదీప్ తల్లి మంగళూరు. ఆమె మాతృభాష తుళు. ఆ భాష అంటే తనకు చాలా ఇష్టమని చాలా సందర్భాల్లో సుదీప్ చెప్పుకొచ్చాడు. కానీ తనకు తుళు భాష అర్థమవుతుందని.. మాట్లాడలేనని అన్నారు. సుదీప్ తల్లి సరోజ ప్రేక్షకులకు సుపరిచితమే. ఆమె ఇదివరకే తన కొడుకు సినిమా కార్యక్రమాల్లో పాల్గొంది. సుదీప్ కన్నడ సినీరంగంలో అగ్ర హీరోగా తనకంటూ ఓ గుర్తింపు తెచ్చుకున్నాడు. ఇప్పటివరకు ఎన్నో సూపర్ హిట్ చిత్రాల్లో నటించి మెప్పించాడు. ఎస్ఎస్ రాజమౌళి, నాని కాంబోలో వచ్చిన ఈగ సినిమాలో విలన్ పాత్రలో నటించాడు సుదీప్. సుదీప్ తల్లి భౌతికకాయాన్ని ఉదయం 11 గంటలకు జెపి నగర్ నివాసానికి తీసుకురానున్నారు, సుదీప్ ఇంటి దగ్గర చివరి దర్శనానికి ఏర్పాట్లు కూడా చేశారు.
ఇది చదవండి : Tollywood: వణుకుపుట్టించే థ్రిల్లర్ మూవీ.. ఈ సినిమాను అస్సలు మిస్సవద్దు..
మరిన్ని సినిమా వార్తల కోసం ఇక్కడ క్లిక్ చేయండి.
