Kalyani Priyadarshan: ‘గాయాలు, కన్నీళ్లు, చిరునవ్వులే నిజమైనవి’.. ఎమోషనల్ పోస్ట్ చేసిన హీరోయిన్..

కళ్యాణి ప్రియదర్శన్.. తెలుగులో అంతగా క్లిక్ కానీ హీరోయిన్. అక్కినేని అఖిల్ నటించిన హలో సినిమాతో టాలీవుడ్ ఇండస్ట్రీలోకి అడుగుపెట్టింది. కానీ ఈ సినిమా బాక్సాఫీస్ వద్ద అంతగా విజయం సాధించకపోవడంతో ఈ ముద్దుగుమ్మకు అనుకున్నంత గుర్తింపు రాలేదు. తెలుగు, తమిళం, మలయాళం భాషలలో పలు చిత్రాల్లో నటించినప్పటికీ ఈ బ్యూటీ స్టార్ డమ్ అందుకోలేదు. చాలా రోజులుగా తెలుగు సినీ పరిశ్రమకు దూరంగా ఉంటున్న కళ్యాణి.. ప్రస్తుతం మలయాళంలో బ్యాక్ టూ బ్యాక్ మూవీస్ చేస్తుంది. ఓవైపు చేతినిండా సినిమాలతో బిజీగా ఉన్న కళ్యాణి.. అటు సోషల్ మీడియాలోనూ చాలా యాక్టివ్. నిత్యం లేటేస్ట్ ఫోటోషూట్స్ షేర్ చేస్తూ అభిమానులను ఆకట్టుకుంటుంది. అయితే తాజాగా కళ్యాణి తన ఇన్ స్టాలో చేసిన ఎమోషనల్ పోస్ట్ ఇప్పుడు నెట్టింట వైరలవుతుంది. ఇటీవల ఆమె ఆంటోని సినిమాతో అడియన్స్ ముందుకు వచ్చింది. ఈ మూవీ డిసెంబర్ 1న రిలీజ్ కాగా.. పాజిటివ్ రెస్పాన్స్ వచ్చింది. ఈ క్రమంలోనే తన కాలికి కట్టుతో ఉన్న ఫోటోను షేర్ చేసింది.

ఈ సినిమాలో కళ్యాణి బాక్సింగ్ ప్లేయర్‏గా నటించారు. పూర్తి స్థాయి యాక్షన్ డ్రామాకా వచ్చిన ఈ మూవీని ఐన్ స్టీన్ మీడియా, నెక్స్ టెల్ స్టూడియోస్, అల్ట్రా మీడియా ఎంటర్టైన్మెంట్స్ నిర్మించాయి. ఈ చిత్రానికి జోషి దర్శకత్వం వహించగా.. పాన్ ఇండియా లెవల్లో విడుదలై మంచి రెస్పాన్స్ అందుకుంది. అయితే ఈ సినిమా యాక్షన్ సన్నివేశాల్లో కళ్యాణి గాయపడినట్లు తెలుస్తోంది. ఆ గాయాల తాలుకూ ఫోటోలను నెట్టింట అభిమానులతో పంచుకున్నారు.

View this post on Instagram

A post shared by Kalyani Priyadarshan (@kalyanipriyadarshan)

“కంఫర్ట్ జోన్ లో పెరుగుదల లేదు.. గ్రోత్ జోన్ లో సౌకర్య లేదు. ఇది నాకు చాలా ఆలస్యంగా అర్థమయ్యింది. పంచ్ లు నిజమయ్యాయి. కిక్స్ నిజమయ్యాయి. గాయాలు నిజమే.. కన్నీళ్లు నిజమే.. చిరునవ్వులు నిజమైనవి. అయితే రక్తం నిజం కాదు.. క్లాప్స్ కొట్టినందుకు ధన్యవాదాలు అబ్బాయిలు. అరుపులకు ధన్యవాదాలు. అన్నింటికంటే ఆన్ లైన్లో మీరు చూపిస్తున్న ప్రేమకు ధన్యవాదాలు” అంటూ ఆంటోని టైటిల్ ట్యాగ్ చేస్తూ పోస్ట్ చేసింది కళ్యాణి. ప్రస్తుతం ఆమె చేసిన పోస్ట్ నెట్టింట వైరలవుతుంది.

View this post on Instagram

A post shared by Kalyani Priyadarshan (@kalyanipriyadarshan)

మరిన్ని సినిమా వార్తల కోసం ఇక్కడ క్లిక్ చేయండి.