ఈ ఫొటోలోని చిన్నదాన్ని గుర్తుపట్టారా? సినీవినీలాకాశంలో ముక్కుసూటి తనానికి బ్రాండ్‌ అంబాసిడర్‌
నటి తన ట్విటర్‌ ఖాతాలో పలు ఫొటోలను షేర్ చేస్తూ పలు ఆసక్తికర విషయాలను అభిమానులతో పంచుకన్నారు. స్కూల్‌ యూనీఫాంలో దిగిన ఫొటోను షేర్ చేస్తూ.. ఫొటో దిగడం కోసం స్కూల్‌ ఎగ్గొట్టి స్టూడియోకి..
Updated on: Feb 19, 2023 | 6:35 PM
బాలీవుడ్ ఫైర్‌బ్రాండ్‌ కంగనా రనౌత్‌ చిన్ననాటి ఫోటోలను ఎప్పుడైనా చూశారా? తాజాగా నటి తన ట్విటర్‌ ఖాతాలో పలు ఫొటోలను షేర్ చేస్తూ పలు ఆసక్తికర విషయాలను అభిమానులతో పంచుకన్నారు. స్కూల్‌ యూనీఫాంలో దిగిన ఫొటోను షేర్ చేస్తూ.. ఫొటో దిగడం కోసం స్కూల్‌ ఎగ్గొట్టి స్టూడియోకి వెళ్లానని చెప్పుకొచ్చింది. ఈ సందర్భంగా తన చిన్ననాటి జ్ఞాపకాలను గుర్తుచేసుకుంటూ.. ‘స్కూల్‌ ఎగ్గొట్టి శర్మ అంకుల్ స్టూడియోకి వెళ్లి ఈ ఫోటో దిగాను. మా ఊరిలో శర్మ అంకుల్‌ది చాలా చిన్న స్టూడియో. ఫోటోలు దిగేందుకు అంకుల్ నన్ను ఎంతగానో ప్రోత్సహించేవారు. తన స్టూడియో గోడలపై నా ఫొటోలను పెద్ద పెద్ద ఫ్రేముల్లో అలంకరించేవారు. స్టూడియోకి వచ్చిన వారంతా నా గురించి మాట్లాడుకునేవారు’ అని కంగనా తన చిన్ననాటి జ్ఞాపకాలను నెమరువేసుకున్నారు. అంతేకాకుండా తన చిన్నతనంలో దిగిన పలు ఫొటోలను వరుసగా సోషల్‌ మీడియాలో షేర్ చేశారు. ఈ పిక్స్ అన్నీ శర్మ అంకుల్ తీశారని పేర్కొన్నారు. ఈ ఫొటోల్లో కంగనా ఎంతో క్యూట్‌గా కనిపిస్తుందని అభిమానులు కామెంట్లు పెడుతున్నారు. కంగనా తన చిన్ననాటి చిత్రాలతో పాటు, తన సోదరుడి వివాహానికి సంబంధించిన ఫొటోనలు కూడా పంచుకుంది. ప్రస్తుతం ఈ ఫొటోలు నెట్టింట వైరల్‌ అవుతున్నాయి.
ఇక సినిమాల విషయానికొస్తే కంగనా నటించిన చిత్రాల్లో ‘ఢకాడు’ మువీ చివరిగా విడుదలైంది. కంగనా దర్శకత్వం వహిస్తున్న అప్‌కమింగ్‌ మువీ ‘ఎమర్జెన్సీ’. ఈ చిత్రంలో కంగనా ఇందిరా గాంధీ పాత్రలో కనిపించనున్న విషయం తెలిసిందే. పి వాసు దర్శకత్వంలో కంగనా ప్రధాన పాత్రలో తెరకెక్కుతోన్న ‘చంద్రముఖి 2’ త్వరలో ప్రేక్షకుల ముందుకు రానుంది. ఈ సినిమా చిత్రీకరణ ప్రస్తుతం రామోజీ ఫిల్మ్‌సిటీలో జరుగుతోంది. ఇందులో రాజనర్తకిగా కంగన రనౌత్‌ నటిస్తున్నారు.
I bunked classes to do photo shoots, there is a small studio in the village called Sharma uncle studio, Sharma uncle really appreciated and encouraged me to click pictures, he made big prints and plastered on his studio walls, everyone who passed his studio spoke about it .. https://t.co/w4m6QZVMFb
— Kangana Ranaut (@KanganaTeam) February 19, 2023
All these pictures are clicked by Sharma uncle… he is very proud of me …. pic.twitter.com/HcyThY9MlM
— Kangana Ranaut (@KanganaTeam) February 19, 2023
మరిన్ని సినిమా వార్తల కోసం క్లిక్‌ చేయండి.
