Naga Shaurya: ఓ ఇంటివాడైన టాలీవుడ్ యంగ్ హీరో.. ఘనంగా నాగశౌర్య వివాహం
ఊహలు గుసగుసలాడే సినిమాతో హీరోగా బ్రేక్ అందుకున్నాడు.. వరుస సినిమాలతో దూసుకుపోతున్నారు. హిట్లు ఫ్లాప్ లతో సంబంధం లేకుండా బ్యాక్ టు బ్యాక్ సినిమాలు చేస్తున్నాడు శౌర్య.
టాలీవుడ్ యంగ్ హీరో నాగశౌర్య. బ్యాక్ టు బ్యాక్ సినిమాలు చేస్తూ దూసుకుపోతున్నాడు. ‘క్రికెట్, గర్ల్స్ అండ్ బీర్’ అనే చిత్రంతో ఎంట్రీ ఇచ్చిన నాగశౌర్య. ఊహలు గుసగుసలాడే సినిమాతో హీరోగా బ్రేక్ అందుకున్నాడు.. వరుస సినిమాలతో దూసుకుపోతున్నారు. హిట్లు ఫ్లాప్ లతో సంబంధం లేకుండా బ్యాక్ టు బ్యాక్ సినిమాలు చేస్తున్నాడు శౌర్య. ఆ తర్వాత ‘దిక్కులు చూడకు రామయ్య’ ‘ఓ బేబీ’ ‘ఛలో’ వంటి విజయవంతమైన చిత్రాల్లో నటించాడు. రీసెంట్ గా కృష్ణ వ్రింద విహారి సినిమాతో ప్రేక్షకుల ముందుకు వచ్చాడు. ఈ సినిమా ఆశించిన స్థాయిలో ప్రేక్షకులను ఆకట్టుకోలేక పోయింది. తాజాగా ఈ కుర్ర హీరో మూడుముళ్ల బంధంతో ఒక ఇంటివాడయ్యాడు.
నేడు నాగశౌర్య పెళ్లి బెంగళూర్ లో ఉదయం 11 గంటల 25 నిమిషాలకు ఘనంగా జరిగింది. బందువులు, అత్యంత సన్నిహితుల మధ్య నాగశౌర్య వివాహం జరిగింది. అనూష అనే యువతిని నాగశౌర్య వివాహం చేసుకున్నారు. వీరి పెళ్ళికి సంబంధించిన ఫోటోలు వీడియోలు సోషల్ మీడియాలో వైరల్ గా మారాయి. ఇక శౌర్య వివాహం చేసుకున్నఅమ్మాయి పేరు అనూష షెట్టి. ఈమె ఓ ఫేమస్ ఇంటీరియర్ డిజైనర్. 2020లో ఇండియన్ టాప్ మోస్ట్ 40 ఇంటీరియర్ డిజైనర్లలో ఈమె కూడా ఒకరు. అంతేకాదు.. ఉమెన్ అచీవర్స్‌ గా కూడా గుర్తింపు పొందారు. తన వర్క్ తో బెంగుళూరులోనే హైయెస్ట్ పెయిడ్ డిజైనర్‌గా గుర్తింపు పొందారు. ఇక తన పేరు మీదే 2019లో ఇంటీరియర్ డిజైనింగ్ కంపెనీని కూడా స్టార్ట్ చేశారు.
