Shaakuntalam : న్యూ ఇయర్‌కు సమంత సర్‌ప్రైజ్ గిఫ్ట్..? గుణశేఖర్ శాకుంతలం సినిమా నుంచి..

టాలీవుడ్ స్టార్ హీరో సమంత ప్రస్తుతం వరుస సినిమాలతో ఫుల్ బిజీగా ఉంది. ఇటు తెలుగు తమిళ్‌తోపాటు అటు బాలీవుడ్‌లోను వరుస ప్రాజెక్ట్స్ లైన్‌లో పెడుతుంది ఈ బ్యూటీ.

Samanatha

Rajeev Rayala |
Updated on: Dec 29, 2021 | 7:16 AM

Shaakuntalam :టాలీవుడ్ స్టార్ హీరో సమంత ప్రస్తుతం వరుస సినిమాలతో ఫుల్ బిజీగా ఉంది. ఇటు తెలుగు తమిళ్‌తోపాటు అటు బాలీవుడ్‌లోను వరుస ప్రాజెక్ట్స్ లైన్‌లో పెడుతుంది ఈ బ్యూటీ. ఇప్పటికే కమిట్ అయినా సినిమాల షూటింగ్ లో పాల్గొంటుంది ఈ చిన్నది. ఇదిలా ఉంటే సమంత ప్రధాన పాత్రలో టాలీవుడ్ టాప్ డైరెక్టర్స్ లో ఒకరైన గుణశేఖర్ సినిమా తెరకెక్కిస్తున్న విషయం తెలిసిందే.. శాకుంతలం అనే టైటిల్ తో రాబోతున్న ఈసినిమా హిస్టారికల్ డ్రామాగా తెరకెక్కుతుంది. రుద్రమదేవి లాంటి మంచి విజయం తరువాత సుకుమార్ చేస్తున్న ఈ సినిమా పై మంచి అంచనాలు ఉన్నాయి. ఇక ఈ సినిమా షూటింగ్ ను శరవేగంగా పూర్తి చేస్తున్నారు గుణశేఖర్. ఈ సినిమాలో మలయాళ స్టార్ నటుడు దేవ్ మోహన్ కీలక పాత్రలో నటించాడు.

అలాగే ఈ సినిమాలో గెస్ట్ రోల్‌లో మెరవనుంది అల్లు అర్జున్ గారాల పట్టి అర్హ. ఇప్పటికే సమంత తన పార్ట్ షూటింగ్‌ను పూర్తి చేసింది. ఇక ఈ సినిమా నుంచి ఇప్పటివరకు ఎలాంటి పోస్టర్ కానీ.. లీక్స్ కానీ బయటకు రాలేదు. ఈ సినిమాలో నటీనటులు ఎలా ఉండబోతున్నారన్నది కూడా బయటకు తెలియడం లేదు. దాంతో సినిమా పై ఆసక్తి పెరిగింది. ఈ సినిమా నుంచి సామ్ లుక్ ఎప్పుడు ఎప్పుడు బయటకు వస్తుందా అని సమంత అభిమానులంతా ఆసక్తిగా ఎదురుచూస్తున్నారు. తాజాగా ఈ సినిమాకు మేకప్ ఆర్టిస్టు మాట్లాడుతూ ఆసక్తికర విషయాలు పంచుకున్నారు. ఈ సినిమాలో సమంత లుక్ అదిరిపోతోంది అన్నారు. మునుపెన్నడూ చూడని విధంగా సమంత లుక్ ఉండనుందట. ఇక శాకుంతల దేవి పాత్రలో సమంత ఒదిగిపోయిందని తెలుస్తుంది. సమంత లుక్ ఖచ్చితంగా ప్రతి ఒక్కరిని కూడా మెస్మరైజ్ చేస్తుందని నమ్మకంగా చెప్తున్నారు మేకప్ ఆర్టిస్టు. మరికొద్ది రోజుల్లో న్యూ ఇయర్ కావడంతో సినిమానుంచి ఏదైనా అప్డేట్ వస్తుందేమో అని సమంత అభిమానులు ఆసక్తిగా ఎదురుచూస్తున్నారు.

మరిన్ని ఇక్కడ చదవండి :