లవ్ స్టోరీ నుంచి మరో అందమైన పాటను రిలీజ్ చేసిన మహేష్.. వానలో తడుస్తూ డ్యాన్స్ చేసిన చైతు, సాయి పల్లవి

love story movie : టాలీవుడ్ లో ప్రేమకథలు తెరకెక్కించడంలో దిట్టగా పేరుతెచ్చుకున్న దర్శకుడు శేఖర్ కమ్ముల. ప్రస్తుతం ఈ టాలెంటెడ్ డైరెక్టర్ తెరకెక్కిస్తున్న సినిమా ‘లవ్ స్టోరీ’ అక్కినేని నాగచైతన్య, సాయి పల్లవి జంటగా తెరకెక్కుతున్న ఈ సినిమా త్వరలో ప్రేక్షకుల ముందుకు రానుంది. ఇక ఈ సినిమాలో చైతన్య , సాయిపల్లవి ఇద్దరు తెలంగాణ యాసలో మాట్లాడనున్నారు. ఇప్పటికే ఈ సినిమానుంచి విడుదలైన పాటలు పోస్టర్లు సినిమాపై మంచి అంచనాలను క్రియేట్ చేసాయి. ఇక ఈ సినిమా టీజర్ ప్రేక్షకులను విపరీతంగా ఆకట్టుకుంది.

ఇదిలా ఉంటే ఈ సినిమానుంచి విడుదలైన అన్ని పాటలు శ్రోతలను విశేషంగా ఆకట్టుకుంటున్నాయి. ముఖ్యంగా ఇటీవల విడుదలైన సారంగదరియా సాంగ్ ట్రేండింగ్ లోకొనసాగుతుంది.తాజాగా ఈ సినిమానుంచి మరో అందమైన పాట ప్రేక్షకుల ముందుకు వచ్చింది. ఈ పాటను సూపర్ స్టార్ మహేష్ బాబు రిలీజ్ చేశారు. ‘ఏవో ఏవో కలలే.. ఎన్నో ఎన్నో తెరలే.. అన్నీ దాటి మనసే.. ఎగిరిందే.. నన్నే నేను గెలిచే.. క్షణాలివే కనుకే..’ అంటూ సాగిన ఈ పాట రిలీజ్ చేస్తూ  చిత్రయూనిట్ కు శుభాకాంక్షలు తెలిపాడు సూపర్ స్టార్. జోనితా గాంధీ – నకుల్ అభ్యంకార్ కలిసి ఆలపించారు. ఈ వాన పాటలో సాయి పల్లవి – చైతూ డ్యాన్స్ చేయడం ఆకట్టుకుంది. ఇక లవ్ స్టోరీ సినిమాను  ఏప్రిల్ 16న  ప్రేక్షకుల ముందుకు తీసుకురానున్నారు.

మరిన్ని ఇక్కడ చదవండి : 

Republic Movie First Look: ’74 ఏళ్లుగా ప్రభుత్వం ఉందన్న భ్రమలో బతుకున్నాం’ అంటోన్న మెగా హీరో.. ఆసక్తిగా రిపబ్లిక్‌..