Republic Movie First Look: ’74 ఏళ్లుగా ప్రభుత్వం ఉందన్న భ్రమలో బతుకున్నాం’ అంటోన్న మెగా హీరో.. ఆసక్తిగా రిపబ్లిక్‌..

Republic Movie Firs Look: ‘ప్రతి రోజూ పండగే’, ‘సోలో బతుకే సో బెటర్’ వంటి చిత్రాలతో వరుస విజయాలను అందుకున్న మెగా హీరో సాయి ధరమ్ తేజ్‌ ప్రస్తుతం హ్యాట్రిక్‌ లక్ష్యంగా ‘రిపబ్లిక్‌’ సినిమాలో నటిస్తున్నాడు. ‘ప్రస్థానం’లాంటి సూపర్‌ హిట్‌ సినిమాతో తనకంటూ ఓ ప్రత్యేకతను సంపాదించుకున్న ట్యాలెంటెడ్‌ దర్శకుడు దేవకట్ట ఈ సినిమాకు దర్శకత్వం వహిస్తున్నాడు. ఈ సినిమా ప్రస్తుతం శరవేగంగా షూటింగ్‌ జరుపుకుంటోంది. ఈ చిత్రాన్ని జూన్‌ 4న విడుదల చేయడానికి చిత్ర యూనిట్‌ సన్నాహాలు చేస్తోంది. ఈ క్రమంలోనే సినిమా ప్రమోషన్స్‌ మొదలు పెట్టిన చిత్ర యూనిట్‌ తాజాగా ఫస్ట్‌లుక్‌ను విడుదల చేసింది. దర్శకుడు దేవకట్ట ఈ ఫస్ట్‌లుక్‌ పోస్టర్‌ను ట్విట్టర్‌ వేదికగా అభిమానులతో పంచుకున్నాడు. కళ్లకు షేడ్స్‌తో ఉన్న సాయి ధరమ్‌తేజ్‌ ఫొటోను షేర్‌ చేసిన దేవకట్ట.. ‘డెబ్బై నాలుగేళ్ళుగా ప్రభుత్వం ఉందన్న భ్రమలో బతుకుతున్నాం, కానీ మనకు ఇంకా ఆ ప్రభుత్వం ఎలా ఉంటుందో కూడా తెలీదు’ అనే క్యాప్షన్‌ను జోడించాడు. ఈ ఫస్ట్‌లుక్‌ క్షుణ్నంగా గమనిస్తే.. రెండు వైపులా మనుషులు ఉండగా మధ్యలో ఓ వ్యక్తి నిలబడి ఉన్నట్లు షేడ్స్ లో కనిపిస్తోంది. సమకాలీన రాజకీయాలను ఇతివృత్తంగా చేసుకొని ఈ సినిమాను తెరకెక్కిస్తున్నట్లు అర్థమవుతోంది. ఇక దేవకట్ట గతంలో దర్శకత్వం వహించిన ‘ప్రస్థానం’ కూడా ఓ రాజకీయ అంశంతో తెరకెక్కిన విషయం తెలిసిందే. మరో ఆసక్తికరమైన కథాంశంతో ప్రేక్షకుల ముందుకు వస్తోన్న దేవకట్ట ఈసారి ప్రేక్షకులను ఏమేర ఆకట్టుకుంటాడో చూడాలి. ఇక ఈ సనిమాలో తేజ్‌ సరసన హీరోయిన్‌గా ఐశ్వర్య రాజేష్‌ నటిస్తుండగా.. జగపతిబాబు, రమ్యకృష్ణ, సుబ్బరాజు, రాహుల్‌ రామకృష్ణ ముఖ్యపాత్రలు పోషిస్టున్నారు.

దర్శకుడు దేవకట్ట చేసిన ట్వీట్‌..

“డెబ్బై నాలుగేళ్ళుగా ప్రభుత్వం ఉందన్న భ్రమలో బతుకుతున్నాం, కానీ మనకు ఇంకా ఆ ప్రభుత్వం ఎలా ఉంటుందో కూడా తెలీదు” ; ABHI and his perspective from #REPUBLIC.#RepublicFirstLook #RepublicOnJune4th@IamSaiDharamTej @devakatta @aishu_dil @IamJagguBhai @meramyakrishnan #ManiSharma pic.twitter.com/jAmAiifyUz

— dev katta (@devakatta) March 25, 2021

Also Read: బ్లాక్ డ్రెస్సులో బ్లాక్ అండ్ వైట్ ఫోటోలు..కుర్రకారును ఎట్ట్రాక్ట్ చేస్తున్న టాప్ యాంకర్ : Srimukhi Hot Photos

Keerthy Suresh : క్రేజీ వీడియో షేర్ చేసిన కీర్తిసురేష్.. చీరకట్టులో కవ్విస్తున్న ముద్దుగుమ్మ

Vignesh Shivan-Nayanthara: విమర్శకులకు సైలెంట్‌‌‌‌‌‌గా సమాధానం చెప్పిన లేడీ సూపర్ స్టార్.. ఎంగేజ్మెంట్ అయిపోయిందా..?