Tollywood: నా సామిరంగ.. మెంటలెక్కిస్తోన్న రంగం హీరోయిన్.. నెట్టింట సెగలు పుట్టిస్తోందిగా..

2011లో టాలీవుడ్ బాక్సాఫీస్ వద్ద సంచలనం సృష్టించిన మూవీ రంగం. తమిళంలో హీరో జీవా నటించిన ఈ సినిమాను తెలుగులో రంగం పేరుతో డబ్ చేశారు. ఇందులో కార్తీక కథానాయికగా నటించగా.. అజ్మల్, కోట శ్రీనివాస్ కీలకపాత్రలలో నటించి మెప్పించారు. అలాగే ఇందులో పియా బాజ్ పాయ్ కీలకపాత్ పోషించింది.

Rangam Actress

Rajitha Chanti |

Updated on: Nov 08, 2024 | 5:52 PM

సినీరంగంలో ఒక్క సినిమాతోనే క్లిక్ అయిన హీరోయిన్స్ చాలా మంది ఉన్నారు. ఆ తర్వాత వరుస ఆఫర్స్ అందుకుంటూ బిజీ అవుతారనుకుంటే.. ఉన్నట్లుండి సినిమాలకు దూరమయ్యారు. అందులో పియా బాజ్ పాయ్ ఒకరు. ఈ పేరు చెబితే గుర్తుపట్టడం కష్టమే. కానీ రంగం సినిమాలో రింగుల జుట్టు అమ్మాయి అంటే మాత్రం ఠక్కున గుర్తుపట్టేస్తారు. 2011లో విడుదలై సూపర్ హిట్ అయిన ఈ సినిమాకు ఇప్పటికీ ఫ్యాన్స్ ఉన్నారు. తమిళంలో కో అనే టైటిల్ తో విడుదలైన ఈ సినిమాను తెలుగులో రంగం పేరుతో డబ్ చేశారు. ఇందులో హీరో జీవా, కార్తీక జంటగా నటించగా.. పియా బాజ్ పాయ్ మరో హీరోయిన్ గా మెరిసింది. కేవి ఆనంద్ దర్శకత్వం వహించిన ఈ చిత్రానికి హారిస్ జయరాజ్ సంగీతం అందించారు.

ఎలాంటి అంచనాలు లేకుండా విడుదలై బ్లాక్ బస్టర్ హిట్ అయ్యింది రంగం. ఈ సినిమాతో టాలీవుడ్ ఇండస్ట్రీలో క్లిక్ అయ్యింది పియా బాజ్ పాయ్. ఈ సినిమాలో హీరోను లవ్ చేసే అమ్మాయిగా నటించి మెప్పించింది పియా. ఆ తర్వాత తెలుగులో దళం అనే చిత్రంలో నటించింది. ఈ రెండు చిత్రాలు మినహా.. ఆ తర్వాత తెలుగులో మరో సినిమా చేయలేదు. కానీ తమిళంలో పలు చిత్రాల్లో మెరిసింది. ఆ తర్వాత ఇండస్ట్రీకి దూరంగా ఉంటుంది.

ఇదిలా ఉంటే.. ఇప్పుడు ఈ అమ్మడు గురించి తెలుసుకోవడానికి తెగ సెర్చ్ చేస్తున్నారు నెటిజన్స్. ప్రస్తుతం పియా సోషల్ మీడియాలో చాలా యాక్టివ్ గా ఉంటుంది. తమిళం, హిందీలో సినిమాలు చేస్తుంది. మలయాళంలోనూ ఆడపాదడపా చిత్రాల్లో మెరుస్తుంది. తాజాగా ఈ బ్యూటీ షేర్ చేసిన ఫోటోస్ చూసి ఆశ్చర్యపోతున్నారు ఫ్యాన్స్.