BRO Movie: బాక్సాఫీస్ వద్ద అదరగొడుతోన్న ‘బ్రో’.. ఈ సినిమాకు ముందుగా అనుకున్న టైటిల్ ఏంటో తెలుసా ?..
సోషియో ఫాంటసీ డ్రామాగా వచ్చిన ఈ సినిమా ఇప్పుడు సక్సెస్ ఫుల్ గా రన్ అవుతుంది. ముఖ్యంగా పవన్ వింటేజ్ లుక్ చూసి థియేటర్లలో ఫ్యాన్స్ అరుపులు, విజల్స్ తో అదరగొట్టారు. ముఖ్యంగా ఈమూవీలో చివరి 15 నిమిషాలు అడియన్స్ ను కంటతడి పెట్టించారు. ఇక ఈ మూడు రోజుల్లో బ్రో సినిమాకు భారీగానే కలెక్షన్స్ వచ్చాయి.
Updated on: Jul 30, 2023 | 3:44 PM
టాలీవుడ్ బాక్సాఫీస్ వద్ద ఇప్పుడు బ్రో సినిమా అదరగొడుతుంది. పవన్ కళ్యాణ్, సాయి ధరమ్ తేజ్ కలిసి నటించిన ఈ మూవీకి భారీ స్థాయిలో రెస్పాన్స్ వస్తోంది. డైరెక్టర్ సముద్రఖని తెరకెక్కించిన ఈ సినిమా జూలై 28న విడుదలై మొదటి ఆట నుంచే పాజిటివ్ టాక్ తెచ్చుకుంది. తమిళంలో భారీ విజయాన్ని అందుకున్న వినోదయ సీతమ్ సినిమాకు తెలుగు రీమేక్గా ఈ సినిమాను పీపుల్ మీడియా ఫ్యాక్టరీ బ్యానర్ పై నిర్మించారు. సోషియో ఫాంటసీ డ్రామాగా వచ్చిన ఈ సినిమా ఇప్పుడు సక్సెస్ ఫుల్ గా రన్ అవుతుంది. ముఖ్యంగా పవన్ వింటేజ్ లుక్ చూసి థియేటర్లలో ఫ్యాన్స్ అరుపులు, విజల్స్ తో అదరగొట్టారు. ముఖ్యంగా ఈమూవీలో చివరి 15 నిమిషాలు అడియన్స్ ను కంటతడి పెట్టించారు. ఇక ఈ మూడు రోజుల్లో బ్రో సినిమాకు భారీగానే కలెక్షన్స్ వచ్చాయి.
ఇదిలా ఉంటే.. ఈ సినిమాకు సంబంధించిన ఓ ఆసక్తికర విషయం ఇప్పుడు నెట్టింట వైరలవుతుంది. అదేంటంటే.. పవన్, సాయి తేజ్ కలిసి నటించిన ఈ సినిమాకు ముందుగా అనుకున్న టైటిల్ బ్రో కాదట. మొదట ఈ సినిమాకు కాల పురుషుడు అనే టైటిల్ అనుకున్నారట. ఈ సినిమా టైటిల్ వినడానికి పవర్ ఫుల్ గా .. మాస్ గా ఉండడం… సినిమా కంటెంట్ పై తప్పు అంచనాలకు దారితీస్తుందని భావించి బ్రో అని ఫిక్స్ చేసినట్లు గతంలో డైరెక్టర్ సముద్రఖని తెలిపారు. ఈ సినిమా ఒరిజినల్లో సముద్రఖని నటించడమే కాదు.. దర్శకత్వం వహించారు. ఇక తెలుగు వెర్షన్ కు సముద్రఖని డైరెక్షన్ చేయగా.. స్క్రీన్ ప్లే, మాటలు త్రివిక్రమ్ అందించారు.
ఈ సినిమాలో మొదటిసారి సాయి తేజ్, పవన్ కలిసి నటించడంతో భారీ అంచనాల మధ్య విడుదలై పాజిటివ్ టాక్ సొంతం చేసుకుంది. ఇందులో ప్రియా ప్రకాష్ వారియర్, కేతిక శర్మ కథానాయికలుగా నటించారు. ఇక రెండు రోజుల్లో బ్రో సినిమా ప్రపంచవ్యాప్తంగా 27 కోట్లకు పైగా గ్రాస్ కలెక్ట్ చేసి.. మొత్తం రెండు రోజుల్లో రూ.75 కోట్ల 70 లక్షల గ్రాస్ కలెక్షన్స్ వసూలు చేసింది. పవన్ కెరీర్ లో రెండు రోజుల్లోనే ఇన్ని కలెక్షన్స్ రాబట్టడం ఇదే తొలిసారి.
