అలాంటి శారీరక సంబంధం అత్యాచారం కాదు- సుప్రీంకోర్టు కీలక తీర్పు

×

అలాంటి శారీరక సంబంధం అత్యాచారం కాదు- సుప్రీంకోర్టు కీలక తీర్పు

ప్రేమలో ఉన్నప్పుడు ఇష్టపూర్వకంగా శారీరక సంబంధం పెట్టుకున్న తర్వాత బ్రేకప్ అయితే, దానిని లైంగిక దాడిగా పేర్కొనడం కుదరదని సుప్రీంకోర్టు స్పష్టం చేసింది. జస్టిస్ నాగరత్న నేతృత్వంలోని బెంచ్ కేరళకు సంబంధించిన ఒక కేసులో ఈ కీలక తీర్పును వెలువరించింది. ఈ తీర్పుతో సంతోష్ కుమార్ అనే వ్యక్తిపై ఉన్న కేసును కోర్టు కొట్టేసింది. ఒక అమ్మాయిని మోసం చేసి, బలవంతంగా మాయమాటలు చెప్పి లైంగిక సంబంధానికి పాల్పడితే అది వంద శాతం నేరమేనని, దానికి తప్పకుండా శిక్ష పడుతుందని కోర్టు తేల్చి చెప్పింది. అయితే, ఇద్దరూ ఇష్టపడి ప్రేమలో ఉన్నప్పుడు సన్నిహితంగా మెలిగి, తర్వాత మనస్పర్థలు వచ్చి విడిపోయినప్పుడు, నన్ను మోసం చేశాడు, లైంగిక దాడి చేశాడు అని ఆరోపించడం తగదని కోర్టు అభిప్రాయపడింది. ఇటువంటి తప్పుడు కేసులు నిజంగా బాధపడిన బాధితులకు న్యాయం అందకుండా చేస్తాయని, విలువ లేకుండా పోతుందని సుప్రీంకోర్టు ఈ సందర్భంగా హెచ్చరించింది. ఇష్టం ఉంటే అది లైంగిక దాడి కాదని, బ్రేకప్ తర్వాత దీనిపై కేసు పెట్టడం ఇకపై కుదరదని ఈ తీర్పు ద్వారా స్పష్టమైంది.

Phani CH