Chiranjeevi – Aamani: చిరంజీవి, ఆమని కాంబోలో మిస్సైన సినిమా అదే.. బాక్సాఫీస్ షేక్ చేసిన ఆ మూవీ చేసుంటే..

టాలీవుడ్ ఒకప్పటి హీరోయిన్ ఆమని తన సుదీర్ఘ సినీ కెరీర్‌ను వెనక్కి తిరిగి చూసుకుంటూ అది గోల్డెన్ పీరియడ్ కాదని, ప్లాటినం పీరియడ్ అని గతంలో ఓ ఇంటర్వ్యూలో చెప్పుకొచ్చారు. సినీరంగ ప్రవేశం సమయంలో మోడరన్ పాత్రలు, గ్లామర్ రోల్స్ చేయాలనుకున్న ఆమని ఊహించని విధంగా మిస్టర్ పెళ్లాం వంటి సినిమాలో మధ్య తరగతి గృహిణి పాత్రతో తెలుగు ప్రేక్షకుల హృదయాలను గెలుచుకున్నారు. ఆమని తన మొదటి చిత్రం జంబలకిడి పంబలో ఒక బబ్లీ, రౌడీ క్యారెక్టర్‌ను పోషించారు. అయితే బాపు గారి మిస్టర్ పెళ్లాం సినిమాతో ఆమెకు పూర్తి విరుద్ధమైన ఐడియల్ హౌస్ వైఫ్ ఇమేజ్ లభించిందని గుర్తు చేసుకున్నారు. ఈ అవకాశం రాజేంద్ర ప్రసాద్ గారి ద్వారానే వచ్చిందని ఆమని వెల్లడించారు. రామారావు గారి బ్యానర్‌లో, బాపు గారి దర్శకత్వంలో రాజేంద్ర ప్రసాద్‌తో కలిసి నలదమయంతి అనే పాటలో నటించే అదృష్టం తనకు లభించిందని, ఆ పాట తర్వాతే రాజేంద్ర ప్రసాద్ గారు మిస్టర్ పెళ్లాం సినిమా కోసం బాపు గారికి తన పేరును సిఫార్సు చేశారని ఆమె వివరించారు.

బాపు గారు, రాజేంద్ర ప్రసాద్ గారి వంటి దిగ్గజాలతో పనిచేయడం ద్వారా కెరీర్‌కు ఎంతో నేర్చుకున్నానని ఆమని తెలిపారు. ముఖ్యంగా సమయపాలన విషయంలో వారి నిబద్ధతను తెలిపారు. ఉదయం 7 గంటలకు కాల్ షీట్ ఉంటే బాపు గారు 6 గంటలకే సెట్‌లో ఉండేవారని, రాజేంద్ర ప్రసాద్ గారు కూడా అంతే అంకితభావంతో ఉండేవారని గుర్తు చేసుకున్నారు. ఇలాంటి గొప్ప నటులతో కలిసి పనిచేసినప్పుడు చిన్న చిన్న ఎక్స్‌ప్రెషన్స్‌ను కూడా ఆయన తనకు నేర్పించారని అన్నారు. ఆమని తన కెరీర్ అత్యున్నత దశలో ఉన్నప్పుడు పెళ్లి కారణంగా కొంత విరామం తీసుకోవాల్సి వచ్చిందని, దానివల్ల కొన్ని మంచి అవకాశాలను కోల్పోయానని విచారం వ్యక్తం చేశారు. కృష్ణారెడ్డి, ఆచంట గోపీనాథ్ వంటి వారు అప్పట్లోనే తనను తొందరపడొద్దని సలహా ఇచ్చినా, ఆ సమయంలో తన మనసుకు అది ఎక్కలేదని ఒప్పుకున్నారు. అయితే, ఇండస్ట్రీలో తనకు గోల్డెన్ లెగ్ అనే పేరు ఉందని, తాను నటించిన చిత్రాలలో చాలావరకు విజయవంతమయ్యాయని అన్నారు.

నటీమణుల మధ్య అప్పట్లో ఎలాంటి ఈగోలు ఉండేవి కావని, మంచి స్నేహపూర్వక వాతావరణం ఉండేదని ఆమని గుర్తు చేసుకున్నారు. రమ్యకృష్ణ గారు శుభలగ్నం చూసి తనను అభినందించారని, సౌందర్య గారు చేసిన అమ్మాయి పెళ్లాం సినిమా మొదట తనకే వచ్చిందని, అయితే సౌందర్య అద్భుతంగా నటించారని ఆమని అన్నారు. అలాగే చిరంజీవి చేసిన రిక్షావోడు చిత్రంలో మొదట తనకే ఛాన్స్ వచ్చిందని.. ఆ తర్వాత నగ్మా పేరు చూసి షాకయ్యానని అన్నారు. నిర్మాతలు మారడంతో సినిమా ఛాన్స్ మిస్సైందని తెలిపారు. అలాగే బాలకృష్ణ, నాగార్జున వంటి హీరోలతో నటించినా, చిరంజీవి, వెంకటేష్ బాబు వంటి అగ్ర తారలతో పనిచేసే అవకాశం మిస్సయ్యానని ఆమని తెలిపారు. అలాగే కే విశ్వనాథ్, దాసరి నారాయణరావు, కే రాఘవేంద్రరావు వంటి లెజెండరీ దర్శకులతో పనిచేయగలిగానని ఆమని వివరించారు.

ఎక్కువ మంది చదివినవి : Tollywood : 90% హిట్లు ముందే ఊహిస్తా.. కానీ ఎన్టీఆర్ సినిమాల విషయంలో సీన్ రివర్స్ అయింది.. ఎడిటర్ మార్తాండ్ కె. వెంకటేష్