Prakash Raj: ప్రకాష్ రాజ్ ఆస్తులు ఎంత ఉన్నాయో తెలుసా.. ? రూ.300 జీతంతో స్టార్ట్ చేసి.. ఇప్పుడు..
ప్రకాష్ రాజ్... భారతీయ సినీప్రియులకు ప్రత్యేకంగా పరిచయం అవసరంలేని పేరు. ఇండస్ట్రీలో ఆయన బహుముఖ ప్రజ్ఞాశాలి. నటుడిగా, దర్శకుడిగా, నిర్మాతగా రాణిస్తున్నారు. తమిళం, తెలుగు, మలయాళం, హిందీ, కన్నడ భాషలలో వందలాది చిత్రాల్లో నటించి మెప్పించారు. అప్పట్లో హీరోగా నటించిన ఆయన.. ఇప్పుడు క్యారెక్టర్ ఆర్టిస్టుగా రాణిస్తున్నారు.
Updated on: May 27, 2025 | 1:32 PM
సినీప్రియులకు నటుడు ప్రకాష్ రాజ్ సుపరిచితమే. హీరోగా సినీ ప్రయాణం స్టార్ట్ చేసిన ఆయన .. ఆ తర్వాత విలన్ పాత్రలతో అదరగొట్టారు. నటుడిగానే కాకుండా దర్శకుడిగా, నిర్మాతగానూ రాణిస్తున్నారు. బెంగళూరులో పుట్టి పెరిగిన ఆయన.. చిన్నప్పటి నుంచే నటనపై ఆసక్తి పెంచుకున్నారు. కళాక్షేత్ర అనే నాటక సంస్థలో చేరి రంగస్థల నాటకాల్లో నటించారు. ఆ సమయంలో ఆయన జీతం కేవలం 300 మాత్రమే. అదే సమయంలో డైరెక్టర్ బాల చందర్ తో ఏర్పడిన పరచయం .. ఆయనను సినీరంగం వైపు అడుగులు వేసేలా చేసింది. 1994లో డ్యూయెట్ చిత్రంతో నటుడిగా అరంగేట్రం చేశారు. తన మొదటి సినిమా పేరుతోనే సొంతంగా డ్యూయెట్ మూవీస్ అనే నిర్మాణ సంస్థను ప్రారంభించారు. ఇప్పటివరకు నాలుగుసార్లు జాతీయ అవార్డ్ గెలుచుకున్నారు.
ఆయనకు తొలిసారిగా జాతీయ అవార్డు తెచ్చిపెట్టిన సినిమా ఇరువర్ (ఇద్దరూ). మణిరత్నం దర్శకత్వం వహించిన కాంచీవరం సినిమాకు సైతం ఉత్తమ నటుడిగా జాతీయ అవార్డు గెలుచుకున్నారు. అలాగే కన్నడ, తెలుగు సినిమాలకు సైతం నేషనల్ అవార్స్ అందుకున్నారు. నటుడిగానే కాకుండా హోస్ట్ గా కూడా రాణించారు. కెరీర్ తొలినాళ్లల్లో హీరోగా అలరించిన ప్రకాష్ రాజ్.. ఆ తర్వాత విలన్ పాత్రలతో రఫ్పాడించారు. అలాగే తండ్రిగా, తాతయ్యగా, మావయ్య పాత్రలు పోషించి మెప్పించారు. ఇప్పటికీ భారతీయ సినీపరిశ్రమలోని తెలుగు, తమిళం, కన్నడ, మలయాళం, హిందీ భాషలలో వరుస సినిమాలు చేస్తున్నారు. ప్రకాష్ రాజ్ 1994లో లలిత కుమారి అనే మహిళను వివాహం చేసుకున్నారు. వీరికి ఇద్దరు కుమార్తెలు, కుమారుడు ఉన్నారు. కానీ 5 ఏళ్ల వయసులోనే కుమారుడు మరణించారు. ఆ తర్వాత కొన్నాళ్లకే భార్యతో మనస్పర్థలతో విడాకులు తీసుకున్నారు. 2009లో మొదటి భార్యతో డివోర్స్ తీసుకున్న ప్రకాష్ రాజ్.. ఆ తర్వాత 2010లో పోనీ వర్మను రెండవ వివాహం చేసుకున్నారు. వీరికి బాబు ఉన్నాడు.
నివేదికల ప్రకారం ప్రకాష్ రాజ్ ఆస్తులు రూ.50 కోట్లు ఉంటుందని అంచనా. ఒక్కో సినిమాకు రూ.3 కోట్ల వరకు పారితోషికం తీసుకుంటున్నాడని సమాచారం. ప్రకాష్ రాజ్ కు లగ్జరీ కార్లంటే చాలా ఇష్టం. ఆయన వద్ద టయోటా ఇన్నోవా (రూ.17 లక్షలు) BMW 520D (రూ. 45 లక్షలు), మెర్సిడెస్ బెంజ్ (రూ.63 లక్షలు) ISUZU V, Bolero Maxi Truck, Audi Q3 వంటి కార్లు కూడా ఉన్నాయి.
ఇవి కూడా చదవండి :
Damarukam Movie: ఢమరుకం మూవీ విలన్ భార్య తెలుగులో తోపు హీరోయిన్.. ఇంతకీ ఆమె ఎవరంటే..
