OTT Movie: బాక్సాఫీస్ షేక్ చేసిన హారర్ మూవీ.. 3 కోట్లతో తీస్తే రూ.70 కోట్ల కలెక్షన్స్.. 2 గంటలు నాన్‏స్టాప్ సస్పెన్స్..

హారర్ సినీప్రియుల కోసం ఓటీటీల్లో ఎప్పటికప్పుడు సరికొత్త సినిమాలు, వెబ్ సిరీస్ లు స్ట్రీమింగ్ అవుతున్న సంగతి తెలిసిందే. నిత్యం సస్పెన్స్ థ్రిల్లర్ సినిమాలను అందుబాటులోకి తీసుకువస్తున్నారు మేకర్స్. ప్రేక్షకులకు ఆధ్యంతం ఉత్కంఠభరితమైన సస్పెన్స్ కొనసాగించే చిత్రాలు ఇప్పుడు దూసుకుపోతున్నాయి. ప్రస్తుతం ఓటీటీ ప్లాట్ ఫామ్ లో ట్రెండింగ్ అవుతున్న సినిమా రోమాంచం. 2023లో విడుదలైన ఈ సినిమా ఆద్యంతం ప్రేక్షకులను కట్టిపడేసింది. జీతు మాధవన్ దర్శకత్వం వహించిన ఈ మలయాళ హారర్ కామెడీ సినిమాలో సౌబిన్ షాహిర్, అర్జున్ అశోకన్, సజిన్ గోపు , సిజు సన్నీ ప్రధాన పాత్రలు పోషించారు. బెంగుళూరులో ఒక గదిలో అద్దెకు ఉన్న ఏడుగురు స్నేహితుల చుట్టూ ఈ కథ తిరుగుతుంది.

ఒకరాత్రి.. ఆత్మలను పిలిపించడానికి ఊజా బోర్డుతో ప్రయోగాలు చేస్తారు. కానీ అది ఊహించని సంఘటనలకు దారితీస్తుంది. భయంతోపాటు కడుపుబ్బా నవ్వించే కామెడీ సీన్స్ తో దాదాపు 2 గంటల 9 నిమిషాలు ఈ సినిమా ప్రేక్షకులను అలరిస్తుంది. నిజ జీవిత సంఘటనల ఆధారంగా ఈ చిత్రాన్ని తెరకెక్కించారు. కేవలం రూ.3 కోట్ల బడ్జెట్ తో నిర్మించిన ఈ సినిమా రూ.70 కోట్లు వసూలు చేసి బాక్సాఫీస్ వద్ద ఊహించని విజయాన్ని సాధించింది. IMDB రేటింగ్ 7.5లో ఈ సినిమా ఇప్పుడు హాట్ స్టార్ లో స్ట్రీమింగ్ అవుతుంది.

ప్రస్తుతం ఈ సినిమా మలయాళంలోనే కాకుండా తమిళం, తెలుగు, కన్నడ, హిందీ భాషలలోనూ స్ట్రీమింగ్ అవుతుంది. హారర్ కామెడీ సినిమాలను ఇష్టపడేవారికి రోమాంచం సినిమా బెస్ట్ ఛాయిస్. ఈ సినిమాను హిందీలో కప్కపి పేరుతో రీమేక్ చేశారు. ఇందులో తుషార్ కపూర్, శ్రేయాస్ తల్పాడే ప్రధాన పాత్రలు పోషించారు. ఈనెల 23న ఈ సినిమా అడియన్స్ ముందుకు రానుంది.

ఇవి కూడా చదవండి :  

Genelia : ఆ ఒక్కటి తినడం మానేసిందట.. 37 ఏళ్ల వయసులో జెనీలియా ఫిట్నెస్ రహాస్యం ఇదే..

Tollywood: రస్నా యాడ్‏లో కనిపించిన ఈ చిన్నారి రాజమౌళీ సినిమాలో హీరోయిన్.. ఇంతకీ ఎవరీ బ్యూటీ..?

Tollywood: అప్పుడు ఐశ్వర్య రాయ్‏కే చెమటలు పట్టించింది.. కట్ చేస్తే.. ఇప్పుడు సన్యాసిగా మారిన హీరోయిన్..

Suriya : 100 రోజుల్లోనే సిక్స్ ప్యాక్.. 49 ఏళ్ల వయసులో కుర్రాడిలా సూర్య.. డైట్ ప్లాన్ చెప్పిన హీరో..