Rana Naidu 2: ఇట్స్ అఫీషియల్.. రానా నాయుడు సీజన్ 2 స్ట్రీమింగ్ డేట్ ఫిక్స్.. ఈసారి ఆ స్టార్ నటులు కూడా
టాలీవుడ్ స్టార్ హీరోలు దగ్గుబాటి వెంకటేశ్, రానా కలిసి నటించిన వెబ్ సిరీస్ రానా నాయుడు. సీజన్ 1 సూపర్ హిట్ కావడంతో సీజన్ 2 కోసం అభిమానులు ఆసక్తిగా ఎదురు చూస్తున్నారు. తాజాగా ఈ క్రైమ్ థ్రిల్లర్ సిరీస్ కొత్త సీజన్ స్ట్రీమింగ్ తేదీని అనౌన్స్ చేశారు.
Updated on: May 20, 2025 | 5:20 PM
రానా నాయుడు.. ఓటీటీ దిగ్గజం నెట్ఫ్లిక్స్ లో రెండేళ్ల క్రితం వచ్చిన ఈ వెబ్ సిరీస్ ఎంతటి సంచలనం సృష్టించిందో ప్రత్యేకంగా చెప్పక్కర్లేదు. టాలీవుడ్ కు చెందిన ఇద్దరు స్టార్ హీరోలు, అందులోనూ బాబాయ్ అబ్బాయ్ లు వెంకటేశ్, రానా నటించిన ఈ వెబ్ సిరీస్ పై ఎన్నో అంచనాలు ఉన్నాయి. కానీ వాటన్నిటినీ తలకిందులు చేస్తూ సిరీస మొత్తం బూతులు, అడల్ట్ సీన్స్, బోల్డ్ కంటెంట్ నింపారు. దీంతో వెంకీ ఫ్యాన్స్, అందులోనూ ఫ్యామిలీ ఆడియెన్స్ షాక్ అయ్యారు. రానా అందులోనూ వెంకీ మామ ఇలాంటి సిరీస్ చేయడమేంటి? అని విమర్శలు కురిపించారు. అయితే ఎన్ని విమర్శలు వచ్చినా రానా నాయుడు సిరీస్ ను మాత్రం ఎగబడి చూశారు. దీంతో నెట్ ఫ్లిక్స్ లో అత్యంత ప్రజాదరణ పొందిన సిరీస్ గా ఇది నిలిచింది. కాగా ఈ క్రైమ్ థ్రిల్లర్ సిరీస్ కు కొనసాగింపు ఉంటుందని మొదటి పార్ట్ లోనే క్లారిటీ ఇచ్చారు. అనుకున్నట్లే ఇప్పుడు రానా నాయుడు సీజన్ 2 రాబోతుంది. తొలి సీజన్ పై విమర్శల నేపథ్యంలో ఇందులో అలాంటి కంటెంట్ తక్కువే ఉంటుందని గతంలోనే వెంకటేశ్ చెప్పుకొచ్చారు. కాబట్టి ఈ కొత్త సీజన్ పై కొంచెం ఆసక్తి పెరిగిపోయింది.
కాగా రానా నాయుడు సీజన్ 2 టీజర్ కూడా ఇప్పటికే రిలీజ్ చేసారు. తాజాగా ఈ క్రైమ్ సిరీస్ ఓటీటీ స్ట్రీమింగ్ డేట్ ని అధికారికంగా ప్రకటించారు. రానా నాయుడు సీజన్ 2 నెట్ ఫ్లిక్స్ ఓటీటీలో జూన్ 13 నుంచి స్ట్రీమింగ్ అవ్వబోతున్నట్టు అఫీషియల్ గా అనౌన్స్ చేశాడు రానా. హిందీతో పాటు తెలుగు, తమిళ్, కన్నడ, మలయాళ భాషల్లో ఈ వెబ్ సిరీస్ స్ట్రీమింగ్ కు రానుంది.
జూన్ 13 నుంచి స్ట్రీమింగ్..
Jab baat parivaar ki ho, Rana harr line cross karega ❤️🔥 Watch Rana Naidu Season 2, out 13 June, only on Netflix.#RanaNaiduOnNetflix @VenkyMama @rampalarjun @krnx @Suparn @IncLocomotive @NetflixIndia pic.twitter.com/laB5Dv3hzE
— Rana Daggubati (@RanaDaggubati) May 20, 2025
రానా నాయుడు సీజన్ 2 లో రానా దగ్గుబాటి, వెంకటేష్ దగ్గుబాటి, అర్జున్ రాంపాల్, సుర్వీన్ చావ్లా, కృతి ఖర్బందా, సుశాంత్ సింగ్, అభిషేక్ బెనర్జీ, డినో మోరియాలాంటి స్టార్ యాక్టర్లు నటించారు. దీంతో ఈ సెకెండ్ సీజన్ మరింత ఆసక్తికరంగా ఉండనుందని తెలుస్తోంది. త్వరలోనే ఈ సిరీస్ ట్రైలర్ రానుంది.
మరిన్ని సినిమా వార్తల కోసం ఇక్కడ క్లిక్ చేయండి..
