KGF 2: వైలెన్స్.. వైలెన్స్.. వైలెన్స్.. కేజీఎఫ్2లో ఈ డైలాగ్ రాసింది ఆ స్టార్ హీరోనే.. అసలు విషయం చెప్పేసిన డైరెక్టర్..

మోస్ట్ అవైయిటెడ్ చిత్రం కేజీఎఫ్ 2. కన్నడ స్టార్ హీరో యశ్ ప్రధాన పాత్రలో నటిస్తోన్న ఈ సినిమాపై అంచనాలు భారీగానే ఉన్నాయి. కేజీఎఫ్ సినిమాతో సెన్సెషన్ క్రియేట్ చేసిన డైరెక్టర్ ప్రశాంత్ నీల్.. మరోసారి కేజీఎఫ్ 2 మూవీని తెరకెక్కిస్తుండడంతో ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు. ఇప్పటికే ఈ సినిమా నుంచి విడుదలైన పోస్టర్స్, టీజర్, ట్రైలర్‏కు మంచి రెస్పాన్స్ వచ్చింది. ముఖ్యంగా ఇటీవల విడుదలైన ఈ మూవీ ట్రైలర్‏లోని డైలాగ్స్ ప్రేక్షకులను ఆకట్టుకున్నాయి. ఇప్పుడు సోషల్ మీడియాలో హీరో యశ్ చెప్పిన డైలాగ్స్ తెగ ట్రెండ్ అవుతున్నాయి. అయితే ఈ డైలాగ్స్ వెనక ఉన్న ఆసక్తికర విషయాన్ని డైరెక్టర్ ప్రశాంత్ నీల్ బయటపెట్టాడు.

ట్రైలర్‏లో యశ్ చెప్పే డైలాగ్. వైలెన్స్.. వైలెన్స్.. వైలెన్స్.. ఐ డోంట్ లైక్ ఇట్.. బట్ వైలెన్స్ లైక్స్ మీ అంటూ వచ్చే పవర్ ఫుల్ డైలాగ్ యూత్‏ను ఆకట్టుకుంది. అయితే ఈ డైలాగ్స్ ఓ స్టార్ హీరో రాసాడని చెప్పుకొచ్చాడు డైరెక్టర్ ప్రశాంత్ నీల్. ట్రైలర్ లాంజ్ వేడుకలో ప్రశాంత్ నీల్ మాట్లాడుతూ.. ఈ సినిమాకు డైలాగ్స్ రాసింది ఓ స్టార్ హీరో అని.. అతను ఎవరంటే కన్నడ స్టార్ హీరో యశ్ అంటూ అసలు విషయాన్ని బయటపెట్టాడు. యశ్.. అద్భుతంగా నటించడమే కాకుండా.. పవర్ ఫుల్ డైలాగ్స్ రాశాడంటూ చెప్పుకొచ్చాడు ప్రశాంత్ నీల్. ఈ సినిమాలోని యశ్ పాత్రకు సంబంధించిన డైలాగ్స్ అన్నింటిని కేవలం యశ్ మాత్రమే రాశాడని చెప్పారు. హోంబాలే ఫిల్మ్స్ నిర్మిస్తోన్న ఈ సినిమాలో సంజయ్ దత్, రావు రమేష్, ప్రకాష్ రాజ్, రవీనా టాండన్ కీలకపాత్రలలో నటించారు. ఈ సినిమా పాన్ ఇండియా లెవల్లో ఏప్రిల్ 14న విడుదల కానుంది.

Also Read: Gaalivaana: జీ5లో మరో థ్రిల్లింగ్ వెబ్ సిరిస్.. గాలివాన ట్రైలర్ రిలీజ్.. స్ట్రీమింగ్ ఎప్పుడంటే..

Raviteja: రవితేజ సరసన బాలీవుడ్ బ్యూటీ.. టైగర్ నాగేశ్వర్ రావుకు జోడీ ఎవరంటే..

Acid Reflux: తిన్న తర్వాత ఛాతీలో మంటగా ఉంటుందా ?.. ఇలా చేస్తే తొందరగా రిలీఫ్..

Coffee Benefits: కాఫీ తాగడం వల్ల ఈ వ్యాధులకు చెక్ పెట్టొచ్చు.. రోజుకు ఎన్ని కప్పులు తాగాలంటే..