Acid Reflux: తిన్న తర్వాత ఛాతీలో మంటగా ఉంటుందా ?.. ఇలా చేస్తే తొందరగా రిలీఫ్..

భోజనం చేసిన తర్వాత చాలా మందికి గుండెల్లో.. ఛాతీలో మంటగా ఉంటుంది. చాలా సమయం వరకు వీరు ఈ సమస్యలతో ఇబ్బంది పడుతుంటారు. కడుపులో ఉండే యాసిడ్ అన్నవాహిక లేదా గొంతువైపు వెళ్లినప్పుడు యాసిడ్ రిఫ్లక్స్ సమస్య ఏర్పడుతుంది. దీంతో ఛాతీలో, గుండెలో మంట ఏర్పడుతుంది. ఈ సమస్యను తగ్గించుకునేందుకు ఆసుపత్రుల చుట్టూ తిరుగుతుంటారు. చికిత్స కోసం ఎంతో డబ్బును ఖర్చు చేస్తారు. కానీ ఫలితం కనిపించదు. అలా కాకుండా ఇంట్లోనే కొన్ని పద్దతులు పాటించడం వలన ఈ సమస్యను తేలికగా తగ్గించుకోవచ్చు.

నిద్రపోయే ముంది శరీర భంగిమ.. యాసిడ్ రిఫ్లక్స్ రాత్రి సమయంలో ఎక్కువగా ఉంటుంది. రాత్రిపూట పడుకున్నప్పుడు, కడుపు నుండి గొంతు వరకు యాసిడ్ రిఫ్లక్స్ ప్రవాహం సులభం అవుతుంది. అందువల్ల దీనిని నివారించడానికి నిద్ర విధానంపై శ్రద్ధ వహించాలి. 2011 సంవత్సరంలో ప్రచురించబడిన ఒక అధ్యయనం ప్రకారం వారానికి తల వైపు నుండి మంచం 8 అంగుళాలు పైకి లేపడం వల్ల నిద్రపోయే వారిలో గుండెల్లో మంట, నిద్ర సమస్యలు మెరుగుపడతాయి.

Diglycyrrhizinated లికోరైస్ (DGL) .. లైకోరైస్ అనేది చాలా కాలంగా కడుపు సంబంధిత వ్యాధుల చికిత్సకు ఉపయోగించే ఔషదం. DGL అనేది లైకోరైస్ మరో రూపం, గ్లైసిరైజిన్ సమ్మేళనాన్ని తొలగిస్తుంది. ఇది రక్తపోటును పెంచుతుంది. DGL అన్నవాహికలో మంట సమస్యను తగ్గించడం ద్వారా యాసిడ్ రిఫ్లక్స్‌లో ఉపశమనాన్ని అందిస్తుంది. ఇది కాకుండా అల్లం, చమోమిలే, మార్ష్‌మల్లౌ మూలికలు కూడా యాసిడ్ రిఫ్లక్స్‌లో ప్రయోజనం పొందుతాయి.

తక్కువగా తినాలి.. ఒకేసారి పెద్ద మొత్తంలో తినడం వల్ల స్పింక్టర్‌పై ఒత్తిడి పెరుగుతుంది. ఇది అన్నవాహిక నుండి కడుపుని వేరు చేస్తుంది. దీంతో యాసిడ్ రిఫ్లక్స్ ప్రవాహాన్ని పైకి వెళ్తుంది. అందువల్ల ఒకేసారి ఎక్కువ తినడానికి బదులుగా తక్కువ పరిమాణంలో తినండి. ఉదాహరణకు, మూడుసార్లు తినడం కంటే ఐదుసార్లు తక్కువ మొత్తంలో తినడం మంచిది.

కాఫీ తగ్గించాలి.. కాఫీని తక్కువగా తాగాలి. కాఫీని తాగిన తర్వాత కడుపు ఎసిడిటిని ఉత్పత్తి చేస్తుంది. అది తర్వాత మీ గొంతు పైకి వెళుతుంది. కెఫీన్ ఉన్నందున్న దిగువ అన్నవాహిక స్పింక్టర్ కూడా నిదానంగా మారుతుంది. కడుపులో నిల్వ చేయబడిన యాసిడ్ పైకి కదలడం ప్రారంభిస్తుంది.కొన్ని ఆహార పదార్థాలు యాసిడ్ రిఫ్లక్స్‌ను మరింత పెంచుతాయి. జీర్ణవ్యవస్థను తగ్గించే వాటికి దూరంగా ఉండాలి. జున్ను, వేయించిన ఆహారం, చిప్స్ వంటి ప్రాసెస్ చేసిన ఆహారం, బేకన్, చాక్లెట్, మిరపకాయ, పిజ్జా వంటి కొవ్వు మాంసాలు వంటి వాటికి దూరంగా ఉండాలి.

ఎసిడిటీ పదార్థాలకు బదులుగా ఆల్కలీన్ పదార్థాలను తినాలి. అధిక ph స్థాయి ఉన్న వాటిలో ఆల్కలీన్ ఎక్కువగా ఉంటుంది. ఇందులో కాలీఫ్లవర్, ఫెన్నెల్ మరియు అరటిపండు వంటివి ఉంటాయి. 2018లో జరిగిన ఒక చిన్న అధ్యయనం ప్రకారం, నాన్-ఎరోసివ్ యాసిడ్ రిఫ్లక్స్ వ్యాధితో బాధపడుతున్న వ్యక్తులు చాలా తక్కువ ఫైబర్‌ను తీసుకుంటారు, సైలియం ఫైబర్ సప్లిమెంట్లను తీసుకున్న తర్వాత తక్కువ యాసిడ్ రిఫ్లక్స్ మరియు గుండెల్లో మంట కలిగి ఉంటారు. ఫైబర్ మన ఆకలిని చాలా కాలం పాటు ఉంచుతుంది కాబట్టి, ఇది యాసిడ్ రిఫ్లక్స్‌ను ప్రేరేపించే అవకాశాలను కూడా తగ్గిస్తుంది.

తిన్న తర్వాత దాదాపు మూడు గంటల పాటు నిటారుగా నిలబడడం వల్ల కూడా యాసిడ్ రిఫ్లక్స్ సమస్య తగ్గుతుంది. నిద్రపోవడానికి కొన్ని గంటల ముందు భోజనం చేసిన తర్వాత నడవాలి. నిలబడి ఉన్నప్పుడు గురుత్వాకర్షణ శక్తి కడుపు నుండి యాసిడ్ పైకి వెళ్లడానికి అనుమతించదు. ఎడమవైపు పడుకోవడం ద్వారా కూడా యాసిడ్ రిఫ్లక్స్ నివారించవచ్చు. 2015 సంవత్సరంలో నిర్వహించిన ఒక చిన్న అధ్యయనం ప్రకారం, ఎడమ వైపున తీసుకొని శరీరం యొక్క పై భాగాన్ని కొద్దిగా పైకి లేపి నిద్రించే వ్యక్తులలో యాసిడ్ రిఫ్లక్స్ తక్కువగా కనిపిస్తుంది. 2006లో అనేక అధ్యయనాల విశ్లేషణ వారి కుడి వైపున నిద్రించే వ్యక్తులు యాసిడ్ రిఫ్లక్స్‌కు ఎక్కువగా గురవుతారని సూచిస్తుంది.

గమనిక:- ఈ కథనం కేవలం వైద్యుల సూచనలు.. ఇతర వెబ్ సైట్స్ ఆధారంగా మాత్రమే ఇవ్వబడింది. దీనిని అమలు చేయడానికి ముందుగా వైద్యులను సంప్రదించాలి.

Also Read: Ram Charan: జక్కన్న సినిమా ఇచ్చిన ఊపుతో టాప్‌గేర్‌లో దూసుకుపోతున్న మెగాపవర్ స్టార్

Jana Gana Mana: ఇండియన్స్ ఆర్ టైగర్స్.. ఇండియన్స్ ఆర్ ఫైటర్స్.. ఆకట్టుకుంటున్న ‘జన గణ మన’ వీడియో

RRR Movie: నేపాల్‌లో ఆర్‌ఆర్‌ఆర్‌ ఫీవర్‌.. స్ర్కీన్‌ ముందు ఫ్యాన్స్‌ ఎలా ఊగిపోతున్నారో మీరే చూడండి..

RRR movie : కొససాగుతున్న వసూళ్ల వేట.. ఆరు రోజుల్లో ‘ఆర్ఆర్ఆర్’ ఎంత వసూల్ చేసిందంటే..