Jana Gana Mana: ఇండియన్స్ ఆర్ టైగర్స్.. ఇండియన్స్ ఆర్ ఫైటర్స్.. ఆకట్టుకుంటున్న ‘జన గణ మన’ వీడియో

టాలీవుడ్ క్రేజీ హీరో విజయ్ దేవరకొండ(Vijay Deverakonda) ప్రస్తుతం వరుస సినిమాలతో ఫుల్ బిజీగా ఉన్నాడు. బ్యాక్ టు బ్యాక్ సినిమాలను లైనప్ చేసిన ఈ రౌడీ బాయ్.. ఆయా షూటింగ్స్‌తో బిజీగా గడుపుతున్నాడు. టాలీవుడ్ డైనమిక్ డైరెక్టర్ పూరీ జగన్నాథ్(Puri Jagannadh) దర్శకత్వంలో విజయ్ లైగర్ సినిమా చేస్తున్న విషయం తెలిసిందే. పాన్ ఇండియా మూవీ రిలీజ్ అవుతున్న ఈ సినిమాలో విజయ్ బాక్సర్ గా కనిపించనున్నాడు. ఇప్పటికే విడుదలైన ఈ సినిమా టీజర్ ప్రేక్షకులను విపరీతంగా ఆకట్టుకుంది. ముంబైలోని ఓ చాయ్ వాలా బాక్సర్ గా ఎలా ఎదిగాడు అనేది ఈ సినిమాలో చూపించనున్నారు పూరి. అంతే కాదు ఈ సినిమాలో లెజెండ్రీ బాక్సర్ మైక్ టైసన్ కీలక పాత్రలో నటించనున్నాడు. త్వరలోనే ఈ సినిమాను ప్రేక్షకుల ముందుకు తీసుకురావడానికి ప్రయత్నిస్తున్నారు పూరి. ఇదిలా ఉంటే లైగర్ సినిమాతోపాటు మరోసినిమా కూడా విజయ్ తో  చేస్తున్నారు పూరి. జన గణ మన అనే సినిమాను విజయ్ తో అనౌన్స్ చేశారు పూరి.

ఈ సినిమాలో విజయ్ ఆర్మీ ఆసీసర్ గా కనిపించనున్నాడు. జేజీఎం అంటూ విజయ్ ని సైనికుడిగా పరిచయం చేయబోతున్నారు. ఈ సినిమా ప్రారంభోత్సవం ఘనంగా జరిగింది. జన గణ మన రిలీజ్ తేదీ (2023 ఏప్రిల్ 23)ని కూడా ప్రకటించేసి పూరి మొదలెట్టేశాడు. ఈ సినిమా ప్రారంభోత్సవంలో హెలికాప్టర్ ఛాపర్ లో పత్యేకంగా దిగిన విజయ్ దేవరకొండ వాకింగ్ స్టయిల్, ఆర్మీ గెటప్ తో పాత్రపరంగా చాలా ఫర్ఫెక్ట్ గా ఉన్నాడని అర్ధమైపోయింది. వినూత్నంగా ప్రతిష్టాత్మకంగా జరిగిన ఈ ఓపెనింగ్ ప్రత్యేకతను సంతరించుకుంది. ఈ కార్యక్రమంలో హీరో విజయ్ దేవరకొండ, దర్శకుడు పూరీ జగన్నాథ్, నిర్మాతలు చార్మికౌర్, వంశీ పైడిపల్లి , శ్రీకర స్టూడియోస్ డైరెక్టర్ సింగారావు పాల్గొన్నారు.  ఇక ఈరోజు విడుదలచేసిన పోస్టర్ లో ఇండియా మేప్ తో పాటు కొందరు సైనికులు కనిపించారు. యుద్ధం నేపథ్యంలో ఈ చిత్రం వుంటుందని తెలుస్తోంది. విజయ్ లుక్ కు నెటిజన్ అభిమానులు ఫిదా అయిపోయారు. ఈ పోస్టర్ సోషల్ మీడియాలో వైరల్ అవుతోంది. తాజాగా ఓ వీడియోను రిలీజ్ చేశారు జన గణ మన టీమ్. ఈ వీడియోలో విజయ్ హెలికాఫ్టర్ నుంచి దిగి సైనికులకు సెల్యూట్ చేయడం చూడొచ్చు. ఈ వీడియో బ్యాక్ గ్రౌండ్ లో.. ఇండియన్స్ ఆర్ టైగర్స్.. ఇండియన్స్ ఆర్ ఫైటర్స్.. ఇండియన్స్ కెన్ రూల్ దిస్ వరల్డ్.. జన గణ మన. అంటూ విజయ్ వాయిస్ వినిపిస్తుంది. ఈ వీడియో ప్రేక్షకులను, విజయ్ అభిమానులను విపరీతంగా ఆకట్టుకుంటుంది. పూరీ జగన్నాథ్ స్క్రీన్ ప్లే, డైలాగ్స్, డైరెక్షన్లో ఛార్మీ కౌర్, వంశీ పైడిపల్లి, పూరీ జగన్నాథ్ సంయుక్తంగా నిర్మిస్తున్న ఈ సినిమా.. యాక్షన్ ఎంటర్టైనర్ గా హిందీ, తెలుగు, తమిళం, కన్నడ మరియు మలయాళ భాషల్లో రిలీజ్ కానుంది.

మరిన్ని ఇక్కడ చదవండి : 

Megastar Chiranjeevi: యంగ్ హీరో సుహాస్ పై మెగాస్టార్ చిరంజీవి ప్రశంసలు.. ఎమోషనల్ అయిన హీరో..

Bhavana: చూపు తిప్పుకొనివ్వని అందాల భావన.. అందమే అసూయ పడనే నిన్ను చూసి..

OTT Movies: ఈ వారం ఓటీటీ, థియేటర్లలో రిలీజయ్యే సినిమాలివే.. లిస్టులో రెండు బడా హీరోల చిత్రాలు!