Gopichand Malineni: సొంతూరికి సాయం.. ఆ మంచి పని చేసి శభాష్ అనిపించుకుంటోన్న డైరెక్టర్ గోపిచంద్
ఇటీవల ప్రకాశం జిల్లా ఒంగోలు మండలంలోని తన సొంతూరు బొద్దులూరివారిపాలెంలో ఉగాది వేడుక జరుపుకున్నారు గోపిచంద్. ఈ శుభ సందర్భాన తన తాతయ్య ఉన్నం పెద సుబ్బయ్య, అమ్మమ్మ సీతమ్మ, తండ్రి మలినేని వెంకటేశ్వర్లు చౌదరి జ్ఞాపకార్థం తాను నిర్మించిన బస్ షెల్టర్ను ప్రారంభించారు.
Updated on: Mar 24, 2023 | 7:19 AM
వీరసింహారెడ్డితో బ్లాక్ బస్టర్ హిట్ను సొంతం చేసుకుని స్టార్ డైరెక్టర్ల లిస్టులో చేరిపోయారు గోపిచంద్ మలినేని. తన డైరెక్షన్తో బాలయ్య అభిమానులను అమితంగా ఆకట్టుకున్న ఈ యంగ్ డైరెక్టర్ ఇప్పుడు తన మంచి మనసుతో అందరి మనసులు గెల్చుకున్నాడు. వివరాల్లోకి వెళితే.. ఇటీవల ప్రకాశం జిల్లా ఒంగోలు మండలంలోని తన సొంతూరు బొద్దులూరివారిపాలెంలో ఉగాది వేడుక జరుపుకున్నారు గోపిచంద్. ఈ శుభసందర్భాన తన తాతయ్య ఉన్నం పెద సుబ్బయ్య, అమ్మమ్మ సీతమ్మ, తండ్రి మలినేని వెంకటేశ్వర్లు చౌదరి జ్ఞాపకార్థం తాను నిర్మించిన బస్ షెల్టర్ను ప్రారంభించారు. అనంతరం మీడియాతో మాట్లాడుతూ బంధువులు, స్నేహితుల సాయంతో తాను ఈ బస్ షెల్టర్ నిర్మించానని.. మిత్రుల సహకారంతో సొంతూరికి మరిన్ని సౌకర్యాలు సమకూరుస్తానని చెప్పుకొచ్చారు. ఇదే సమయంలో సొంతూరితో తనకున్న మధుర జ్ఞాపకాలను గుర్తుచేసుకున్నారు గోపీచంద్.
ఇక్కడ రీఫ్రెష్ అవుతా..
‘ నేను మా ఊరికి ఎప్పుడొచ్చినా సరే ఒక మంచి బస్ షెల్టర్ ఉంటే బాగుంటుంది అని ఎప్పుడూ అనుకునేవాడిని. నా ఆలోచనకు నా స్నేహితులు అందరూ సహకారం అందించారు. ఇది నా సొంతూరికి నేను చేసిన ఒక చిన్న సాయం మాత్రమే. ఈ ఊరిలో చేయాల్సినవి ఇంకా చాలా ఉన్నాయి. నా స్నేహితులతో కలిసి మేం పుట్టిన ఊరికి ఏం కావాలో ఒక్కొక్కటిగా చేసుకుంటూ వెళ్తాం. బొద్దులూరివారిపాలెంతో నాకు ఆత్మీయ అనుబంధం ఉంది. ఈ గ్రామంలో అందరూ తనకు బంధువులే. ఇక్కడ అందరి పేర్లు నాకు తెలుసు. ఒక డైరెక్టర్గా నేను ఎంత పెద్ద సక్సెస్ ఇచ్చినా సరే బొద్దులూరివారిపాలెం వచ్చి ఒక రెండు రోజులు ఉంటే ఆ ఆనందం ఇంకెక్కడా దొరకదు. నేను ప్రతి సినిమా చేసిన తరవాత ఈ ఊరొచ్చి నాలుగైదు రోజులు ఉండి వెళ్తుంటాను. నాకు అదే పెద్ద రీప్రెష్. ఇంకా ఊరికి ఏం కావాలన్నా సర్పంచ్ కవితకు నా సపోర్ట్ ఎప్పుడూ ఉంటుంది’ అని తెలిపారు గోపీచంద్.
Gopichand Malineni
మరిన్ని ఎంటర్టైన్మెంట్ వార్తల కోసం క్లిక్ చేయండి..
