Dasara: ‘ఛమ్‌కీలా అంగీలేసి’ పాటకు నాని సతీమణి డ్యాన్స్‌.. నజ్రియాతో కలిసి సూపర్బ్‌ స్టెప్పులు.. వైరల్ వీడియో
ఛమ్కీల అంగిలేసి సాంగ్‌ అయితే సోషల్ మీడియాను షేక్ చేస్తోంది. సెలబ్రిటీలతో పాటు సామాన్యులు ఈ సాంగ్‌ను హమ్‌ చేస్తూ రీల్స్‌ చేస్తున్నారు. ఇప్పుడిదే పాటకు నాని సతీమణి అంజనా యెలవర్తి డ్యాన్స్‌ చేసింది.
Updated on: Mar 23, 2023 | 7:22 AM
న్యాచురల్‌ స్టార్‌ నాని నటించిన తాజా చిత్రం దసరా. మహానటి కీర్తి సురేశ్‌ కథానాయిక. సుకుమార్ శిష్యుడు శ్రీకాంత్‌ ఓదెల దర్శకత్వం వహిస్తున్నారు. శ్రీ లక్ష్మీ వెంకటేశ్వర సినిమాస్ బ్యానర్ మీద సుధాకర్ చెరుకూరి ఈ సినిమాను నిర్మించారు. ఇప్పటికే అన్ని హంగులు పూర్తి చేసుకున్న ఈ చిత్రం మార్చి 30న రిలీజ్‌ కానుంది. తెలుగుతో పాటు తమిళ, కన్నడ, మలయాళ, హిందీ భాషల్లో ఏక కాలంలో విడుదల కానుంది. నేను లోకల్‌ సినిమా తర్వాత నాని, కీర్తి సురేశ్‌ మరోసారి ఈ సినిమాలో జంటగా కనిపించనున్నారు. ఇప్పటికే విడుదలైన టీజర్లు, ట్రైలర్లు, సాంగ్స్‌కు మంచి స్పందన వచ్చింది. ముఖ్యంగా ఛమ్కీల అంగిలేసి సాంగ్‌ అయితే సోషల్ మీడియాను షేక్ చేస్తోంది. సెలబ్రిటీలతో పాటు సామాన్యులు ఈ సాంగ్‌ను హమ్‌ చేస్తూ రీల్స్‌ చేస్తున్నారు. ఇప్పుడిదే పాటకు నాని సతీమణి అంజనా యెలవర్తి డ్యాన్స్‌ చేసింది. నటి నజ్రియాతో కలిసి క్యూట్‌ క్యూట్‌ ఎక్స్‌ప్రెషన్స్‌తో సాంగ్‌ను రీక్రియేట్ చేసింది. అనంతరం ఈ వీడియోను అంజనా ఇన్‌స్టాగ్రామ్‌లో షేర్ చేయగా.. సోషల్ మీడియాలో తెగ వైరలవుతోంది.
కాగా ఛమ్కీల అంగిలేసి పాటను కాసర్ల శ్యామ్‌ రాశారు. సంతోశ్‌ నారాయణన్ స్వరాలు సమకూర్చారు. దీక్షిత అలియాస్ దీ అద్భుతంగా ఆలపించింది. ఈ పాటకు పాపులర్‌ కొరియోగ్రాఫర్‌ రక్షిత్‌ శెట్టి నృత్య రీతులు సమకూర్చాడు. ఈ సినిమాలో సాయికుమార్, స‌ముద్రఖని, జ‌రీనా వ‌హ‌బ్ ఇతర కీలక పాత్రల్లో నటిస్తున్నారు. అంజనా, నజ్రియా స్టెప్పులేయడం ఇదేమి మొదటిసారి కాదు. గతంలో నాని ‘అంటే సుందరానికి’ సినిమా ప్రమోషన్‌ సాంగ్‌కు సూపర్బ్‌గా స్టెప్పులేశారు. దీనికి సంబంధించిన వీడియో కూడా అప్పట్లో సోషల్ మీడియాలో వైరల్‌గా మారింది.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
