Nikita Thukral: వేణు ‘కల్యాణ రాముడు’ హీరోయిన్ గుర్తుందా? ఇప్పుడెలా ఉందో, ఏం చేస్తుందో తెలుసా?
వేణు తొట్టెంపూడి నటించిన సూపర్‌ హిట్ సినిమాల్లో కల్యాణ రాముడు ఒకటి. రామ్‌ ప్రసాద్‌ దర్శకత్వంలో వచ్చిన ఈ క్లీన్‌ ఫ్యామిలీ ఎంటర్‌ టైనర్‌లో ప్రభుదేవా, నాసర్‌, సుమన్‌ కీలక పాత్రలు పోషించారు. 2003లో రిలీజైన ఈ మూవీ సూపర్‌హిట్‌గా నిలిచింది. కాగా ఈ కుటుంబ కథాచిత్రంలో హీరోయిన్‌గా నటించింది నిఖిత తుక్రాల్‌.
Updated on: Jul 11, 2023 | 11:49 AM
వేణు తొట్టెంపూడి నటించిన సూపర్‌ హిట్ సినిమాల్లో కల్యాణ రాముడు ఒకటి. రామ్‌ ప్రసాద్‌ దర్శకత్వంలో వచ్చిన ఈ క్లీన్‌ ఫ్యామిలీ ఎంటర్‌ టైనర్‌లో ప్రభుదేవా, నాసర్‌, సుమన్‌ కీలక పాత్రలు పోషించారు. 2003లో రిలీజైన ఈ మూవీ సూపర్‌హిట్‌గా నిలిచింది. కాగా ఈ కుటుంబ కథాచిత్రంలో హీరోయిన్‌గా నటించింది నిఖిత తుక్రాల్‌. వేణును ఆటపట్టిస్తూనే అతని ప్రేమలో పడే కల్యాణి పాత్రలో అందరినీ ఆకట్టుకుంది. బెంగళూరుకు చెందిన నిఖిత మోడలింగ్‌తో కెరీర్‌ ప్రారంభించింది. ఆ తర్వాత ఆర్యన్‌ రాజేష్‌తో కలిసి టాలీవుడ్‌కు ‘హాయ్‌’ చెప్పింది. ఆ తర్వాత కల్యాణ రాముడు, సంబరం, ఖుషి ఖుషీగా, అనసూయ, ఏవండోయ్‌, డాన్‌, చింతకాయల రవి వంటి పలు హిట్ సినిమాల్లో నటించింది. ఇక కన్నడలో కొన్నేళ్ల పాటు స్టార్‌ హీరోయిన్‌గా వెలుగొందారామె. తన అందం, అభినయంతో తమిళ్‌, మలయాళం ప్రేక్షకులను కూడా ఆకట్టుకుంది నిఖిత. అయితే సినిమా కెరీర్‌ ఫుల్‌ స్వింగ్‌లో ఉండగానే ముంబైకు చెందిన గగన్‌ దీప్‌ సింగ్‌ అనే వ్యాపార వేత్తను వివాహం చేసుకుంది. ఈ క్రమంలో చాలామంది లాగే పెళ్లయిన తర్వాత సినిమాలను బాగా తగ్గించేసింది.
2016లో నిఖిత వివాహం జరిగింది. ఆ తర్వాత వీరు ముంబైలోనే స్థిరపడ్డారు. పెళ్లి తర్వాత కొన్ని తమిళ్‌, కన్నడ, మలయాళ సినిమాల్లోనూ నటించింది నిఖిత. అయితే తెలుగులో పెద్దగా కనిపించలేదు. 2016 శ్రీకాంత్ హీరోగా వచ్చిన టెర్రర్‌ సినిమాలో చివరిగా కనిపించింది. ప్రస్తుతం కూతురు జాస్మీరా ఆలనాపాలనాలోనే బిజీగా ఉంటోంది. అలాగే ఓ ప్రముఖ డిజైనర్‌తో కలిసి బిజినెస్ వ్యవహారాలను చూసుకుంటోంది. సినిమాలకు దూరంగా ఉన్న నిఖిత సోషల్‌ మీడియా ద్వారా ఫ్యాన్స్‌తో టచ్‌లో ఉంటోంది. అప్పుడప్పుడు తన భర్త, కూతురు ఫొటోలను షేర్‌ చేస్తోంది. వీటిని చూసిన నెటిజన్లు నిఖిత అందం ఏం తగ్గలేదంటూ కామెంట్లు పెడుతున్నారు. మరి ఇటీవల నిఖిత షేర్‌ చేసిన కొన్ని ఫొటోలపై ఓ లుక్కేద్దాం రండి.
View this post on Instagram
View this post on Instagram
మరిన్ని సినిమా వార్తల కోసం క్లిక్ చేయండి..
