Tollywood: ఎమ్‌ఎన్‌సీ జాబ్ వదిలేసి సినిమాల్లోకి.. ఇప్పుడు టాలీవుడ్‌ క్రేజీ హీరోయిన్.. ఎవరో గుర్తు పట్టారా?

చాలామంది లాగే ఈ ముద్దుగుమ్మ కూడా చదువులో టాపర్. కంప్యూటర్ సైన్స్ లో గ్రాడ్యుయేట్ అయిన ఈ అందాల తార హైదరాబాద్ నిఫ్ట్ లో ఫ్యాషన్ డిజైనింగ్ కోర్సు కూడా చేసింది. అలాగే అమెరికాలో స్టాటిస్టిక్స్ కోర్స్ చేసి ఎమ్ ఎన్ సీ కంపెనీలో జాబ్ కూడా చేసింది.

Tollywood Actress

Basha Shek |
Updated on: Apr 01, 2025 | 8:31 PM

పై ఫొటోలో ఉన్నదెవరో గుర్తు పట్టారా? ఆమె టాలీవుడ్ క్రేజీ హీరోయిన్. ఎంతలా అంటే ఇప్పటివరకు ఈ ముద్దుగుమ్మ నటించిన సినిమాలన్నీ హిట్లే. కానీ ఎందుకో గానీ ఈ బ్యూటీ స్టార్ హీరోయిన్ స్టేటస్ అందుకోలేకపోతోంది. అందుకే 2017లో సినిమా ఇండస్ట్రీలోకి హీరోయిన్ గా ఎంట్రీ ఇచ్చిన ఈ ముద్దుగుమ్మ ఇప్పటివరకు కేవలం 8 సినిమాలే చేసింది. అందులోనూ రెండు క్యామియో పాత్రలే. విజయ్ దేవరకొండ, సత్య దేవ్, కిరణ్ అబ్బవరం, సిద్దూ జొన్నలగడ్డ లాంటి క్రేజీ హీరోలతో సినిమాలు చేసింది. బ్యాక్ టు బ్యాక్ హిట్స్ అందిచ్చింది. కానీ ప్రస్తుతం ఈ సొగసరికి హీరోయిన్ అవకాశాలే రావడం లేదు. ఈ బ్యూటీ హీరోయిన్ గా కనిపించి సుమారు మూడేళ్లు అవుతోంది. ఇక గతేడాది ఓ సూపర్ హిట్ సీక్వెల్ లో తళుక్కుమంది. ఇటీవలే రిలీజైన ఓ సూపర్ హిట్ సినిమాలోనూ ఓ క్యామియో రోల్ పోషించిందీ అందాల తార. ఈ సినిమాలు కూడా సూపర్ హిట్ గా నిలిచాయి. కానీ స్టార్ హీరోయిన్ మెటీరియల్ అయిన ఈ బ్యూటీకి క్యామియో రోల్స్ రావడం దురదృష్టకరమంటున్నారు చాలామంది. కాగా ప్రస్తుతం తెలుగు సినిమా ఇండస్ట్రీలో తెలుగమ్మాయిలు ఒకరో, ఇద్దరో ఉన్నారు. అందులో ఈ ముద్దుగుమ్మ కూడా ఒకరు. మరి అనంతపురం జిల్లాకు చెందిన ఈ తెలుగందం ఎవరో గుర్తు పట్టారా? తను మరెవరో కాదు ఇటీవలే మ్యాడ్ స్క్వేర్ మూవీలో తళుక్కున మెరిసిన ప్రియాంక జువాల్కర్.

మ్యాడ్ స్క్వేర్ సినిమాలో లైలా అనే పాత్రలో కనిపించింది ప్రియాంక జువాల్కర్. అంతకు ముందు గతేడాది టిల్లు స్క్వేర్ మూవీలోనూ ఓ క్యామియో రోల్ పోషించింది. దీంతో ప్రియాంకను హీరోయిన్ గా చూడాలనుకున్న సినీ అభిమానులు నిరాశగా ఫీలవుతున్నారు. అంతకు ముందు గమనం, తిమ్మరుసు, ఎస్ ఆర్ కల్యాణ మండపం, ట్యాక్సీవాలా, కలవరమాయే సినిమాల్లో హీరోయిన్ గా నటించిందీ తెలుగుమ్మాయి.

ఇవి కూడా చదవండి