Allu Ramalingaiah: మీరు ఎల్లప్పుడూ మా స్మృతుల్లోనే ఉంటారు.. చిరంజీవి ఎమోషనల్ ట్వీట్

ప్రముఖ సినిమా నటులు అల్లూరి రామలింగయ్య వర్ధంతి నేడు. తన కామెడీ తో ప్రేక్షకులను కడుపుబ్బా నవించిన అల్లరి రామలింగయ్య వర్ధంతి సందర్భంగా ఆయనకు సినీ ప్రముఖులు నివాళులు అర్పిస్తున్నారు.

Rajeev Rayala |

Updated on: Jul 31, 2021 | 1:54 PM

Allu Ramalingaiah: ప్రముఖ సినిమా నటులు అల్లు రామలింగయ్య వర్ధంతి నేడు. తన కామెడీతో ప్రేక్షకులను కడుపుబ్బా నవించిన అల్లరి రామలింగయ్య వర్ధంతి సందర్భంగా ఆయనకు సినీ ప్రముఖులు నివాళులు అర్పిస్తున్నారు. ఎన్నో వందల సినిమాల్లో నటించిన రామలింగయ్య ఎంతోమందికి ఆదర్శంగా నిలిచారు. నేటితరం కమెడియన్లు కూడా ఆయనను అనుసరించడానికి, అనుకరించాడనికి ప్రయత్నిస్తుంటారు. కామెడీకే కొత్త అర్ధాన్ని తీసుకువచ్చారు రామలింగయ్య. ఆయన తెరపైన కనిపిస్తే చాలు ప్రేక్షకులకు నవ్వు ఆగదు. కామెడీతోనే కాదు విలనిజం కూడా చూపించి ఆకట్టుకున్నారు రామలింగయ్య. ముఖ్యంగా రావు గోపాలరావు – అల్లు రామలింగయ్య కాంబినేషన్ ఎవరు గ్రీన్ అనే చెప్పాలి. ఈ ఇద్దరు కలిసి చేసిన సినిమాలన్నీ దాదాపు మంచి విజయాలను అందుకున్నాయి. అంతలా అలరించిన రామలింగయ్య 2004 జులై 30న కన్నుమూశారు. ఇక మెగాస్టార్ చిరంజీవి అల్లు రామలింగయ్య వర్ధంతి సందర్భంగా ఆయన జ్ఞాపకాలను నెమరు వేసుకున్నారు.

Chiru

“శ్రీ అల్లు రామలింగయ్య గారు భౌతికంగా మనమధ్య లేకపోయినా ఆయన నేర్పిన జీవితసత్యాలు ఎప్పటికీ మార్గదర్శకంగా వుంటాయి.ఒక డాక్టర్ గా,యాక్టర్ గా, ఫిలాసఫర్ గా,ఓ అద్భుతమైన మనిషిగా,నాకు మావయ్య గా ఆయన ఎల్లప్పుడూ మా స్మృతుల్లో ఉంటారు.ఆయన వర్ధంతి సందర్భంగా ఆయన జ్ఞాపకాలు మరోసారి నెమరువేసుకుంటూ ..’ అంటూ గతంలో అల్లు రామలింగయ్య ఫొటోకు నివాళులు అర్పిస్తోన్న ఫోటోను షేర్ చేశారు చిరంజీవి.

మరిన్ని ఇక్కడ చదవండి :